Juaṉ 20:22 - Yus Papí: Shuarja̱i̱ Yus Yamaram Chicham Najanamu

²² Nuyá̱ ni matsatmanumaani̱ umpuí chichaak “Yusa Shiir Wakaní̱ atumí enentái̱n waya̱ti.

Juaṉ 20:22 Iomraidhean Croise

Naṉ. 2:7

Nuyá̱ Uunt Yus nuṉká ju̱yu̱ri̱n naner áishmaṉkan najanamiayi. Tura ni nuji̱i̱n umpuí iwiaaku mayái̱ eṉketram iwiaaku ajasmiayi.

YKan. 33:6

Uunt Yuska aya chichame̱ja̱i̱ṉ nayaimpinkia najankarmiayi. Ni wene̱ja̱i̱ umpuí Ni yáari̱n nekapmarchamniaitiatar ashí najankarmiayi.

Isk. 37:9

Nuyá̱ chichartak “Aentsu uchiri̱yá, iwiaaku mayái̱ untsukaram chicharainiakum ‘Uunt Yus Ashí Aentsu Uuntri̱ chichaak “Wakaní̱ mayái̱ tatai arakaani̱ tura nuṉkaani̱ núnisaṉ etsa̱ tatainmaani̱ nuyá̱ etsa̱ akatainmaani̱ ainia nuyá̱ táarum aya̱sh jákaru ainia nu eṉkemtuatarum iwiaaku ajasarat” túramprume’ tiartá” turutmiai.

Juaṉ 14:16

Tura wéakun winia Aparun chikichan akuptúrmakti tusan seattajai. Nisha atumji̱a̱i̱ tuke pujak atsaṉtamprartatui.

Juaṉ 15:26

Tura atsaṉtamprattsa yáintmana nuna winia Aparuí̱ya̱ akuptúktatjarme. Nisha tuke nekas tiniu Wakaniti. Nisha Yusai̱ya̱ taa atumín nekamtikramattarme.

Juaṉ 16:7

Tura Wi wématai atumji̱a̱i̱ṉkia nuna naṉkaamas péṉker átatui. Iis, Wi wéaknaka atumín yaintmaktinia nuna akupkáttajai tura wéachkuiṉkia táchattawai. Nuka ti nekasaiti.

Juaṉ 20:21

Ataksha Jesus “Aṉkant shiir pujustarum. Winia Apar akatar akuptúkma núnisnak Wisha akatran akupeajrume” tímiayi.

Juaṉ 20:23

Shuara tunaari̱ṉkia átum ‘Tsaṉkurnarti’ tákurminkia tsaṉkurnartatui. Tura nu shuar ‘sumamati’ tákurminkia sumamati” tímiayi Jesus.

Juaṉ 7:39

Nuna taku Jesus “Ashí Yusan enentáimtusarun Yusa Shiir Wakaní̱ súsatniuiti” tímiayi. Tura núnisaṉ Yus Papiniumsha áarmaiti. Antsu Jesus tuke nayaimpiniam wéatsa̱i̱ṉ Yusa Wakaní̱ shuar súsachmauyayi.

Tur. 10:47

Túmakui̱ Pítiur chichaak “Ju̱ aents imiantinian ¿yaki surimkiat? Warí nincha iiya áintsaṉ Yusa Wakaní̱ tarurcharaik” tímiayi.

Tur. 19:2

Tura aniasmiayi “Atumsha Kristu enentáimtusrum Yus shuar ajasmarmena nui̱, ¿Yusa Shiir Wakaní̱ atumí enentái̱n eṉkemturmakaitrum?” tutai nisha “Atsá. Iikia Yusa Shiir Wakaní̱ awai támaka peṉké ántichuitji” tiármiayi.

Tur. 2:38

Tutai Pítrusha chichaak “Atumí tunaarí̱ ené enentáimia ajasjai tusarum Yus nekas enentáimtustarum. Tura ashí shuartiram Jesukrístu naari̱ pachisrum imiantiarum. Nuiṉkia atumí tunaari̱n Yus tsaṉkurtámprattarme. Túrunawakrumin Yuska ni Wakaní̱n suramsattarme.

Tur. 2:4

Tuma asamtai Yusa Wakaní̱ ashí ni enentái̱n pimiutkarmiayi. Túram chichasarat tusa Yusa Wakaní̱ ni nekatairi̱ súsarmiayi. Tuma asamtai nuja̱i̱ nisha chíkich chichaman chichasarmiayi.

Tur. 4:8

Tutai Pítiur ni enentái̱n Yusa Wakaní̱ pimiutkamu asa chicharainiak “Akupniútiram, tura úuntirmesha antuktarum.

Tur. 8:15

Tura Samarianmaya̱ Yus shuarsha aya Uunt Jesusa náari̱i̱n imianiarmiayi. Yusa Wakaní̱ṉkia tárachmiayi. Tuma asamtai Pítrusha Juaṉja̱i̱ nui̱ jeawar Samarianmaya̱ Yus shuara enentái̱n Yusa Wakaní̱ pimiutkarat tusa Yusan áujtusarmiayi.

Kar. 3:2

Wátsek, aniastatjarme, enentáimpratarum. ¿Wariji̱a̱i̱ṉ Yusa Wakaní̱ atumí enentái̱n achikmarum. Akupkámu umirkarmek enentáimin achikmarum antsu Yus enentáimtusrum ni Wakaní̱ achikchamkuram?