Juaṉ 20:21 - Yus Papí: Shuarja̱i̱ Yus Yamaram Chicham Najanamu

²¹ Ataksha Jesus “Aṉkant shiir pujustarum. Winia Apar akatar akuptúkma núnisnak Wisha akatran akupeajrume” tímiayi.

Juaṉ 20:21 Iomraidhean Croise

Mat. 10:16

“Aneartarum. Wisha murik ya̱wa̱num akupkátniua áintsanak akupeajrume. Tuma asamtai shiir nawamkartin áyatrum napi ti enentáimkia áintsarum anearum wetarum.

Mat. 10:40

Atumín itiarma nuka Winia itiarui. Tura itiarea nusha Winia akuptúkmia nunasha itiaawai.

Ruk. 24:36

Nuna áujmatuk pujuiniai̱ Jesus aya aneachma ajapén wajas “Shiir enentáimsatarum” tímiayi.

Juaṉ 13:20

Wi tájana nu nekasaiti. Shuar Wi akupeaj nuna shiir itiaakka Winiasha shiir itiaarui. Tura Winia shiir itiaarna nusha Winia Akuptúkuncha itiaawai” tímiayi.

Juaṉ 14:27

Aṉkant shiir pujustarum. Aṉkant shiir pujajna núnisrumek pujustarum tusan amaajai. Jú̱ nuṉkanmaṉka warastin wáinkiashtatrume. Antsu itiurchatnum pujayatrumkesha Wiji̱a̱i̱ aṉkant shiir pujustatrume. Ashamtsuk pujustarum. Itiurchat enentáimprairap.

Juaṉ 20:19

Nu tsawantai̱ tumiṉtin ni unuiniamuri̱ Israer shuara úuntri̱n ashamainiak kashi iruntrar waiti epeni pujuarmiayi. Túrasha Jesus aya waya̱miayi. Tura ajapén wajas “Aṉkant shiir pujustarum” tímiayi.

Juaṉ 20:22

Nuyá̱ ni matsatmanumaani̱ umpuí chichaak “Yusa Shiir Wakaní̱ atumí enentái̱n waya̱ti.

Juaṉ 20:26

Chíkich tumiṉtin ataksha Jesusa unuiniamuri̱ iruntrarmiayi. Nuiṉkia Tumassha niji̱a̱i̱ pujuarmiayi. Tura waiti epenmianumaṉ Jesus wayá̱ ajapén wajas “Shiir pujustarum” tímiayi.

Juaṉ 3:17

Yus aentsun kajerak jinium surukat tusa ni Uchirí̱n akupkachmiayi. Antsu uwemtikrarat tusa akupkámiayi.

Tur. 1:2

nayaimpiniam wétsuk ashí Ni túramia nuna tímiajme. Jesuska nayaimpiniam wakettsuk Yusa Wakaní̱ kakarmari̱ji̱a̱i̱ túratniua nuna ni akatrámuri̱n jintintiáwarmiayi.

Tur. 1:8

Tura atumsha Yusa Wakaní̱ kakarmari̱ sunastatrume. Ni taa eṉkemprutmamtai kakaram ajasrum Wí túramu etserkattarme. Emka ju̱i̱ Jerusaréṉnum etserkattarme. Nuyá̱ ashí Jutanam tura arant Samarianmasha tura nú arant ashí nuṉkanam werum Wí túramu etserkattarme” tímiayi Jesus.

2 Tim. 2:2

Untsurí ántuiniamunam wi etserkamaj nu, shuar umikmin ainia nuna jintintiáwaram chikichnasha jintintiáwarat tusam akupkarta.

Isr. 3:1

Tuma asamtai tunaarincha yatsuru, atumniasha Niniu atí tusa Yus achirmákuitrume. Tuma asarum Kristu Jesus péṉker enentáimtustarum. Nisha Yus nekas Akatrámuyayi. Tura ashí Yus shuar ajasárua nuja̱i̱ Yúsnan pujurniu uuntri̱a núnisaiti.

3 Jṉ. 1:14

wárik íitin asan. Nui̱ jean chichasmi.