Juaṉ 20:19 - Yus Papí: Shuarja̱i̱ Yus Yamaram Chicham Najanamu

¹⁹ Nu tsawantai̱ tumiṉtin ni unuiniamuri̱ Israer shuara úuntri̱n ashamainiak kashi iruntrar waiti epeni pujuarmiayi. Túrasha Jesus aya waya̱miayi. Tura ajapén wajas “Aṉkant shiir pujustarum” tímiayi.

Juaṉ 20:19 Iomraidhean Croise

YKan. 122:8

Yatsurun tura amikrun aneamuja̱i̱ yamaikia áminkia aṉkant pujutarum títiatjai.

Mat. 10:13

Nekas péṉker shuaraitkiuṉka shiir ajasárti. Antsu nu shuar péṉker itiarmachkuṉka shiir ajascharti.

Mat. 18:20

Jímiarchiksha nuíchuka menaintiuksha Yus shuar Winia enentáimturuk iruntrarmatai Wisha nui̱ niji̱a̱i̱ pujajai” tímiayi Jesus.

Mar. 16:14

Nuya̱sha Jesusa aunse unuiniamuri̱ apatuk ekentrar yutai̱niam pekamkar pujuinian Jesus tarí chicharainiak “¿Atumí enentái̱ urukamtai kátsuram ainia, urukamtai Winia nekas enentáimtursachuram?” tímiayi. Ni nantakmiari̱n wáinkiaru chichame̱n anturkacharu ásarmatai kakantramiayi.

Juaṉ 14:27

Aṉkant shiir pujustarum. Aṉkant shiir pujajna núnisrumek pujustarum tusan amaajai. Jú̱ nuṉkanmaṉka warastin wáinkiashtatrume. Antsu itiurchatnum pujayatrumkesha Wiji̱a̱i̱ aṉkant shiir pujustatrume. Ashamtsuk pujustarum. Itiurchat enentáimprairap.

Juaṉ 16:22

Atumsha núnisrumek yamaik kúntuts pujarme. Tura atak íitjiarum tusan winiakui ti shiir atumí enentái̱n warastatrume. Nu warastinian jurutrámkichmin áiniawai.

Juaṉ 16:33

Winia enentáimturkuram aṉkant shiir pujusuk tusan tájarme. Jú̱ nuṉkanam ti wáitsattarme. Tura Wi jú̱ nuṉkanmaya̱n nupetka asamtai warastarum” tímiayi Jesus.

Juaṉ 20:21

Ataksha Jesus “Aṉkant shiir pujustarum. Winia Apar akatar akuptúkma núnisnak Wisha akatran akupeajrume” tímiayi.

Juaṉ 20:26

Chíkich tumiṉtin ataksha Jesusa unuiniamuri̱ iruntrarmiayi. Nuiṉkia Tumassha niji̱a̱i̱ pujuarmiayi. Tura waiti epenmianumaṉ Jesus wayá̱ ajapén wajas “Shiir pujustarum” tímiayi.

Juaṉ 21:1

Tipirias antumiaṉka kaanmatkari̱i̱n Jesus ni unuiniamuri̱n wantintiukmiayi. Jú̱nisaṉ ámiayi.

Juaṉ 21:14

Jesus jakamunmaya̱ nantaki̱ ju̱ja̱i̱ menaintiú ni unuiniamuri̱n wantintiukarmiayi.

Juaṉ 7:13

Tura Israer shuara úuntri̱n ashamainiak u̱u̱k áujmatiarmiayi.

Tur. 1:3

Tura Jesus jaka nantaki̱ ni akatrámuri̱n tímiaja̱i̱k wantintiukmiayi. Tura kuaraintia tsawant nin wantintiukarmiayi. Nuna tura nekas iwiaakjai tusa nekaawarat tusa iniakmasmiayi. Tura Yusa akupeamuri̱ urukuit nuna mash ujakmiayi.

Rum. 15:33

Yus ti shiir pujustinian súana nu atumji̱a̱i̱ tsaniṉ pujurtamsati. Núnisaṉ atí.

1 Kur. 15:5

Nantaksha Pítrun wantintiukmiayi nuyá̱ ni akatrámuri̱ncha wantintiukarmiayi.

Ipi. 2:14

Israer shuarja̱i̱ Israer shuarchaja̱i̱ nemasmanaikiar ajapén péeṉkramu ámiaji. Tura Krístuka nuna sa̱a̱ki nawamnaimtikramkamiaji. Tura chikichik shuar najatmamiaji.

Ipi. 6:23

Yus Apasha tura ii Uuntri̱ Jesukrístusha ashí Yus shuartirmin anenmak shiir imiatkinchanum pujustinian suramsarti. Tura Nin tuke nekas enentáimtustinian suramsarti.

Jir. 1:2

Ii Aparí̱ Yussha tura Jesukrístu ii úuntri̱sha atumín waitnentramainia ásar aṉkant tuke shiir pujustinian suramsarti.

2 Tis. 3:16

Uunt Yuska aṉkant átin enentái suramsati. Jú̱ Yus itiurchatnum pujarmini̱ṉ atumín tuke aṉkant shiir pujustin enentáimtikramsarti. Uunt Yuska atumín pujurtamsarti, tajai.

Isr. 7:2

Túramtai Aprajám nupetmakar kuit jukimiun tias akantúk susamiayi. Mirkisetéka naari̱ tana ju̱ka “tí peṉker úunt akupin” tawai. Tura Saremka “itit awajsachma ti shiir aṉkant pujustin” tawai. Tura Mirkiseték Sarema akupniúri̱ asa “ti shiir aṉkant pujú akupin” tawai.

3 Jṉ. 1:14

wárik íitin asan. Nui̱ jean chichasmi.

Apu. 1:4

Wi Juaṉ, Ásianam siati péprunam Yus shuar írunun ju̱ papin áateajai. Yus anenma asa aṉkant shiir pujustinian yaintmakarti. Nu Yus tuke yaunchu pujuyayi. Núnisaṉ yamaisha pujawai. Tura nuke winittiawai. Akupin pujutai̱nium Yusa Wakaní̱ siati naka pujurainia nusha shiir yaintmakarti.