Juaṉ 20:17 - Yus Papí: Shuarja̱i̱ Yus Yamaram Chicham Najanamu

¹⁷ Jesussha tutai “Achirkaip. Winia Aparuí̱ tuke waatsjai. Antsu weme Wí shuar ujakárta. Winia Aparuí̱ wéajai. Nisha atumí Aparí̱nti. Winia Yúsruiti tura atumí Yúsri̱nti tawai titiá” timiayi.

Juaṉ 20:17 Iomraidhean Croise

2 Akup. 4:29

Nuyá̱ Iriséu Kejasen chicharuk “Kakaram ajasta, túram winia wai̱r achikiam wetá. Yáakesh íṉkiuakmesha amikmáwaip. Núnismek yáakesh amikmátmakuisha ai̱kiaip. Tura jeam uchí yapi̱n winia wai̱r awantsata.”

YKan. 22:22

Túruta asakmin Ame náarmin winia yatsurun ujakártatjai. Kame Yusru, iruntramunam kantampruáttajme. Isr. 2:12

YKan. 43:4

Túrunan Yus áestutai̱niam jeattajai. Yusan shiir enentáimtakun wararsattajai. Shiir enentáimtakun árpaja̱i̱ Yusá winia Yusru shiir awajsattajme.

YKan. 48:14

Warí ii Yusri̱ṉkia ukunmasha tuke íi Yusri̱ṉ átatui. Tura jákatniua nuna á̱a̱wini̱sha tuke péṉker juramkittiaji.

YKan. 68:18

Ámeka achirma ainia nu yaruakam wakamame. Tura aentsu warirí̱sha takurkame. Nu arant umichusha nakitiáiniak akikmamtikiamame. Nui̱ shiir pujustaj tusam túramame.

YKan. 89:26

Tura nisha chichartak ‘Ámeka winia aparuitme tura winia Yúsruitme. Winia ayamprutkam uwemtikriniaitme’ turuttiatui.

Isa. 41:10

Sapijmiakaip. Warí Wi ámiji̱a̱i̱ pujajai. Ashamkaip. Warí Wikia ame Yúsrumetjai. Tuma asan tuke yáiṉtatjame núnisnak Winia kakarmarja̱i̱ ikiaká̱rtatjame. Tura winia náka túrutair untsuuruja̱i̱ péṉker apujsattajme’ tímiayi.

Jrm. 31:33

“Kame nu tsawant naṉkaamasmatai Israer shuarja̱i̱ chichaman najanattajna nuka ju̱i̱ti” tawai Uunt Yus. “Wi akupkámunka ni nekatairi̱nkia ikiursaran ni enentái̱nkia áatrartatjai. Tura Wikia ni Yusri̱ átatjai núnisaṉ nisha Wi shuar ártatui.

Jrm. 32:38

Tura nisha Wi shuar ártatui, Wisha núnisnak ni Yusri̱ átatjai.

Isk. 36:28

Tura Wi atumí we̱a̱trí̱n yaunchu nuṉkan susamiaj nui̱ pujustatrume. Atumsha wi shuar átatrume tura Wikia atumí Yusri̱ átatjai.

Isk. 37:27

Túran ni pujuiniamunmaani̱ pujustatjai. Wisha ni Yusri̱ átatjai tura nisha Wi shuar ártatui.

Mat. 12:50

Ashí shuar winia Apar nayaimpiniam pujana nuna wakeramuri̱n umirainia nu winia yatsurka winia umaruka winia nukurka áiniawai” tímiayi.

Mat. 25:40

Tuíniakui Úunt Akupin chichainiak ‘Nekasan tájarme, ashí ju̱ wí shuar péejchachisha waitnentramarum nu winia anentakum túraitrume’ tiártatui.

Mat. 28:7

Wárik werum ni unuiniamuri̱ ‘Jesus jakamunmaya̱ nantakní̱ tura wari Kariréanam wétatui. Nui̱ werirum wainkiattarme’ titiarum. Wats nunak tajai” tímiayi.

Mar. 12:26

Tura jakamunmaya̱ nantaktiniapitia tusarum nu nekaatin nekas wakerakrumka Muisais aarmia nu enentáimtustarum. Yuska numichinmaya̱ Muisaisan chicharuk ‘Wikia Aprajáma Isaka tura Jakupu Yúsri̱ntjiai’ Yus tímiayi. Jiin. 3:6,15

Mar. 16:19

Jesus chichas amukmatai Yus nayaimpiniam jukimiayi. Túruna Yusa untsuurí̱ni̱ pujusmiayi.

Ruk. 10:4

Yurumkasha, kuitcha, sapatcha jukirap, shuarja̱i̱ jintiá áujmamsatai tusarum wajasairap.

Juaṉ 13:1

Paskua namper jeatin chikichík tsawant ajasmatai Jesusa tsawantri̱ jeatémayi. Túramtai ju̱ nuṉkan ikiukí̱ ni Aparí̱i̱n wétiniuyi. Jesussha nuna nekaamiayi. Ashí Níniun ju̱ nuṉkanam pujuinian tuke anea asa amúamunmasha yapají̱tsuk tuke aneemiayi.

Juaṉ 13:3

Tura Jesus Yusai̱ya̱ tau asa waketkitniuyi. Tura Yus Apa ashí mash susamiayi akupin atí tusa. Jesussha nuna nekáa

Juaṉ 14:2

Winia Aparuí̱ átum matsamsatin tí aṉkant írunui. Nekaschaitkiuiṉkia nunasha ujakcha̱a̱jrume. Tuma asamtai nuna iwiarataj tusan Aparuí̱ wéajai.

Juaṉ 14:28

Nuik timiaj nu antukmarme. Aparuí̱ wena atak atumíin tátatjai. Winia Aparka Wiji̱a̱i̱ naṉkaamas úuntaiti. Tuma asamtai ti nekas anentkurmeka ‘Aparuí̱ wéajai’ takui̱ ashí warasa̱a̱rme.

Juaṉ 14:6

Takui̱ Jesus aya̱k “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui.

Juaṉ 16:28

Winia Aparuí̱ya̱ jíinkin jú̱ nuṉkanam táwitjiai. Yamaikia jú̱ nuṉkanmaya̱ jíinkin ataksha Aparuí̱ wáketjai” tímiayi.

Juaṉ 17:11

Yamaikia Wikia jú̱ nuṉkanam pujuschattajai tura nu shuarka ju̱i̱ pujuartatui. Tuma asamtai Ámiji̱a̱i̱ pujustajtsan winiakui ashí surusármam nuka, Tunaarincha Aparu, ame kakaram náarmiji̱a̱i̱ wáinkiarta. Wisha Ámiji̱a̱i̱ chikichik ájinia núnisaṉ nisha ashí iruntrar chikichik ajasárti.

Juaṉ 17:25

Tí peṉker Aparu ju̱ nuṉkanmaya̱ shuar Ámin nekarmainiatsui. Antsu Wikia nékajme. Núnisaṉ Wí shuarsha ame akuptúkman nékainiawai.

Juaṉ 17:5

Nuna túramtai Aparu, ti yaunchu jú̱ nuṉka atsai̱sha Ámiji̱a̱i̱ pujakui shiir awajtúsmamna núnismek yamaisha shiir awajtusta.

Juaṉ 20:27

Nuyá̱ Tumasan chicharuk “Winia uwejur iisam ame uwejém awa̱intiuata. Núnismek winia paerui̱ uwejém awa̱intiuam iistá. Tura arantutsuk nekas enentáimtursata” tímiayi.

Juaṉ 7:33

Nuyá̱ Jesussha chicharainiak “Aya ishichik tsawant atumji̱a̱i̱ pujustatjai. Nuyá̱ ataksha Winia akuptúku pujana nui̱ waketkittiajai.

Rum. 8:29

Yámankamtaikniumia̱ iin nekarmak ni Uchirí̱ Jesukrístuja̱i̱ métek ajasat tusa achirmákmiaji. Nuja̱i̱ Yusa uchirí̱ untsurí ajasji. Tura Kristu ii iwia̱i̱ri̱nti.

2 Kur. 6:18

Tura atumí Aparí̱ átatjai, átumka winia uchir átatrume. Nuna Wi imiá kakaram uunt Yus asan tajai. Tu áarmaiti.2 Sam. 7:14; Jrm. 31:1,9

Kar. 3:26

Antsu Jesukrístu enentáimtusar nuja̱i̱ Yusa uchirí̱ úuntmaru ajasuitji.

Isr. 11:16

Tura antsu nisha nuna naṉkaamas péṉker nuṉkan nayaimpinmaya̱ nuna enentáimtiarmiayi. Túmainiakui Yuska péprun iwiartur susa asa “Wi ni Yúsri̱ntjiai” títinian natsantatsui.

Isr. 8:10

Tura nu arantcha tawai, Tsawant jeamtai Israer shuarja̱i̱ yamaram chichaman najanattaj nuka jú̱nis átatui. Wi akupeajna nuna enentái̱n paant enentáimtikrartatjai. Nuyá̱ ni Yusri̱ ártatjai tura nisha Wí shuar ártatui.

1 Pit. 1:3

Wats, Yus ii Uuntri̱ Jesukrístu Aparí̱ ana nuna naari̱ shiir awajsatai. Yussha ti waitnentrama asa atak akiiniatniun suramsaitji. Jesukrístu jakamunmaya̱ nantakin asamtai iikia atak akiiniar tuke iwiaaku pujustiniaitiajnia nu arutramji.

1 Jṉ. 3:2

Aneamu yatsurtirmesha ju̱na tájarme, nekas Yusa uchirí̱ ajasuitji. Kame ukunam urukuk átajⁱ nusha nékatsji. Túrasha ju̱ paant nékaji, Jesukrístu támatai imia Ni paant wáinkiar Niji̱a̱i̱ métek ajastatji.

Apu. 21:3

Nayaimpinmaya̱ ti kakantar chichaamun antukmajai. “Iisiá, Yus yamaikia aentsja̱i̱ pujawai. Tuke niji̱a̱i̱ pujakui ashí ni shuari̱ ártatui. Tura niji̱a̱i̱ tuke pujak nekas tuke ni Yusri̱ átatui.

Apu. 21:7

Nupetmakunka ashí yamarma ju̱na mash susattajai. Wisha ni Yusri̱ átatjai. Núnisaṉ nisha winia uchir átatui.