Juaṉ 20:1 - Yus Papí: Shuarja̱i̱ Yus Yamaram Chicham Najanamu

¹ Tumiṉtincha káshik kirit ai̱ṉ Máktaranmaya̱ Marí Jesus iwiarsamunam íistajtsa wémiayi. Jesusan iwiarsar kaya uuntja̱i̱ wa̱a̱n atutkarmiayi. Tura Marí nui̱ jeá nu kaya uraimiun wainkiamiayi.

Juaṉ 20:1 Iomraidhean Croise

Mat. 27:56

Nuja̱i̱ Máktaranmaya̱ Marisha, Sepetéu nuwe̱sha tura chíkich Marisha ármiayi. Chíkich Marikia Sántiaknasha tura Jusencha nukurí̱yayi.

Mat. 27:60

Tura kaya wa̱a̱ táurmanum yamaram amia nui̱ iwiarsamiayi. Ni iwiarsatin táumtikramunam Jusé iwiarsamiayi. Iwiaras kaya uuntja̱i̱ etektuk ikiuak wémiayi.

Mat. 27:64

Nu asamtai iwiarsamunam menaintiú tsawant suntar wáinkiarat tusa akuptukta. Ni unuiniamuri̱ kashi tariar tura ni aya̱shi̱n kasamkar ‘Pai, nantakní̱’ shuaran tíara̱i̱ṉ. Jú̱ja̱i̱ṉkia nuna naṉkaamas shuaran anaṉkawarainti” tiármiayi.

Mat. 27:66

Tutai wéar iwiarsamun urankashti tusar etektukma iṉkiuṉmanum seraja̱i̱ yakarar ni áarmari̱n anujtúkarmiayi. Tura suntarnasha awajtúkiarmiayi.

Mat. 28:1

Ayampratin tsawant naṉkaamasmatai tumiṉtin yama tsawa̱a̱na ai̱ Maktaranmaya̱ Marisha chíkich Mariji̱a̱i̱ iwiarsamu iyutai tusar wéarmiayi.

Mat. 28:2

Tumai̱ Yusa suntari̱ nayaimpinmaya̱ iwiarsamun tarí kaya atutkamun urak nui̱ pujusmiayi. Túmakui̱ nuṉka tí u̱u̱rkamiayi.

Mar. 15:46

Jusesha riniu tarach waṉkarman sumarak Jesusa aya̱shi̱n itiar áepas penuarmiayi. Tura yamaram kaya táurmanum ikiusmiayi. Ikius wáitiniam kayan atutmiayi.

Mar. 16:9

Émkaka Tumiṉtin ti káshik Jesus nantaki̱ Máktaranmaya̱ Marin wantintiukmiayi. Nu Marinmaya̱n siati iwianchin Jesus yaunchu ji̱i̱ki̱ akuptúkuyayi.

Juaṉ 11:38

Jesussha tí kuntuts enentáimiar iwiarsamunam weantkamiayi. Nainnium asa paka taurma áuyayi. Tura kaya atutkamuyayi.

Juaṉ 11:41

Nuikia kayarí̱n uratiarmatai Jesus nayaimpinmaani̱ íimias chichaak “Aparu, Winia anturtakmin yumiṉsajme.

Juaṉ 19:25

Krúsnumsha Jesusa nukurí̱sha Kriúpasa nua̱rí̱ Marisha tura Máktaranmaya̱ Marisha wajaarmiayi.

Juaṉ 20:26

Chíkich tumiṉtin ataksha Jesusa unuiniamuri̱ iruntrarmiayi. Nuiṉkia Tumassha niji̱a̱i̱ pujuarmiayi. Tura waiti epenmianumaṉ Jesus wayá̱ ajapén wajas “Shiir pujustarum” tímiayi.

Tur. 20:7

Tura tumiṉtin kí̱arai̱ Jesukrístu enentáimtusar yurumátai tusar iruntrarmiaji. Tura Papru Yus shuaran jintintrámiayi. Kame Pápruka kashinkia wétin asa chicháa chichaakua kashi ajapéṉ ejemiayi.

1 Kur. 16:2

Ashí tumiṉtin Yus súramna áintsam akankám ikiusta. Núja̱i̱ṉkia wi jeattaj nui̱ yaunchu akankámu mash irurmin átatui.

Apu. 1:10

Tumai̱ Uunt Jesusa tsawantri̱ Yusa Wakaní̱ pujurtakui winia úkurui̱ni̱ kakantar untsumman antukmajai. Kachu umpuamua núnis ti kakarmauyi.