Juaṉ 2:4 - Yus Papí: Shuarja̱i̱ Yus Yamaram Chicham Najanamu

⁴ Tutai Jesus chichaak “Nukuá, amesha tura Wisha nusha ¿warí íistiniaitiajⁱ? Winia kakarmar iniakmastin jeatsui” tímiayi.

Juaṉ 2:4 Iomraidhean Croise

2 Sam. 16:10

Takui̱ úunt akupin aya̱k “¿Sarwia uchiri̱yá wisha atumji̱a̱i̱sha warinia íistiniaitiaj? Yumiṉkrak yumiṉkrurti. Warí, Uunt Yus Tawit nuní̱ yumiṉkrata tímiaitkiuiṉkia yaki nunasha ¿urukamtai nusha tame titi?” tímiayi.

2 Sam. 19:22

Takui̱ Tawit chicharuk “¿Sarwia uchiri̱yá wíji̱a̱i̱sha atumsha warí takakrum yamái winia nemasur ajasártincha? ¿Yamái Israernum yaaksha jákatniukait? ¿Kame wi yamái ashí Israernum úunt akupin ajasjana núnaka nékatsjak?” tímiayi.

1 Akup. 17:18

Túrunamtai nu wajé̱ Iríasan chicharuk “Maa, Yusan esetas enentáimtin áishmaṉka ¿Wisha amincha warí itiurkaitjiam. Ámeka winia tunaar ataksha enentáimtikruram tura uchirsha ajakturataj tusamchak wíniaka tarutniuitiam?” tímiayi.

Mat. 15:28

Takui̱ Jesus chichaak “Makú, nekas Winia enentáimtursame. Ame wakeram núnisaṉ atí” tímiayi. Tura nu chichamaik ni nawantri̱ péṉker ajasmiayi.

Mat. 8:29

Nisha Jesusan wáinkiar kakantar chicharainiak “¿Warí pujuram iiji̱a̱i̱, Jesusá, Yusa Uchirí̱a. Tsawant jeatsa̱i̱ṉ iin amukratkataj tusamek taum?” tiármiayi.

Ruk. 2:49

Tutai Jesus chichaak “¿Urukamtai e̱a̱trum? Winia Aparnan túratniuitjiana nuka nékatsrumek” tímiayi.

Juaṉ 12:23

Jesussha chichaak “Wi Aents Ajasuitjiana ju̱ tsawantur jeayi. Túramtai shiir awajnástatjai.

Juaṉ 13:1

Paskua namper jeatin chikichík tsawant ajasmatai Jesusa tsawantri̱ jeatémayi. Túramtai ju̱ nuṉkan ikiukí̱ ni Aparí̱i̱n wétiniuyi. Jesussha nuna nekaamiayi. Ashí Níniun ju̱ nuṉkanam pujuinian tuke anea asa amúamunmasha yapají̱tsuk tuke aneemiayi.

Juaṉ 2:3

Winiu amukámtai Jesusa nukurí̱ Jesusan chicharuk “Winiu amuukái. Peṉké takakainiatsui.”

Juaṉ 20:13

Nayaimpinmaya̱ suntarsha “¿Urukamtai útam?” tiármiayi. Marisha “Winia Úuntrun jurutkiarai tura ¿tuíntsuk ikiusara?”

Juaṉ 20:15

Jesus aníak “¿Urukamtai útam. Ya e̱a̱m?” tutai Marisha ajan wáinniua nuiti tusa “Uuntá, ame ni aya̱shi̱ jukimkia, tui̱ ikiusmam ujatkata jurumkitiaj” tímiayi.

Juaṉ 7:30

Nuyá̱ sepunam eṉkeataj táyat achikcharmiayi ni tsawantri̱ jeachu asamtai.

Juaṉ 7:6

Tura Jesus chicharainiak “Winia tsawantur nampernum wétin jeatsui. Atumji̱a̱i̱ṉkia náṉkamas tsawant wétin péṉkeraiti.

Juaṉ 7:8

Átumka nampernum wetarum. Wikia tsawantur jeachkui wéatsjai” tímiayi.

Juaṉ 8:20

Núnaka Yusa Uunt Je̱e̱n Yusa kuítri̱n suinia nui̱ wajá tímiayi. Tuma ai̱ṉ ni tsawantri̱ jeachu asamtai sepunam eṉkeatniun achikcharmiayi.

2 Kur. 5:16

Tura yamaisha aya ni aya̱shi̱ iirsar “nu shuar péṉkeraiti” tura “nu shuar yajauchiti” títin tujintiaji. Kame yaunchu aya ni aya̱shi̱ iirsar “Kristu yajauchiti” tu enentáimsamiaji. Tura yamaikia yapaji̱ár, esettsar enentáimkiur “Kristu Yusa Uchirí̱nti” taji.