Juaṉ 2:19 - Yus Papí: Shuarja̱i̱ Yus Yamaram Chicham Najanamu

¹⁹ Tura Jesus aya̱k “Ju̱ Je̱a̱ sá̱a̱kiakrumin menaintiú tsawant iniantaittiajai Wikia” tímiayi.

Juaṉ 2:19 Iomraidhean Croise

Mat. 12:40

Junas menaintiú kashi menaintiú tsawantcha namaka ampuje̱n eṉkemiayi.Jns. 1:17 Núnisnak Wi, Aents Ajasu asan, menaintiú kashi menaintiú tsawant nuṉká jakan tepestatjai.

Mat. 16:21

Nuyá̱ Jesus ju̱na unuiniataṉ naṉkammiayi. “Wi Jerusaréṉnum wétiniaitjiai. Nui̱ Israer shuara úuntri̱sha, Yúsnan pujurniu úuntri̱sha, Israer shuara jintinniuri̱sha ti wáitkiarsartatui. Nuyá̱ mantuawartatui túrasha menaintiú tsawantai̱ nantaktiatjai.”

Mat. 27:40

“Ame Yusa Uunt Je̱e̱ sá̱a̱kim menaintiú tsawantin je̱a̱mtatjai tichakaitiam. Nekas Yusa Uchirí̱nkiumka krúsnumia̱ akaikim uwemprata” tiármiayi.

Mat. 27:63

Tura chicharainiak “Uuntá, nu wáitrin áishmaṉ iwiaaku pujus ‘Menaintiú tsawant jakan nantaktiatjai’ tíniuyi.

Mar. 14:58

“‘Yusa Uunt Je̱e̱n, aents je̱a̱marmia nuna yumpuṉtiatjai. Túran menaintiú tsawantai̱ chikichan aents je̱a̱mchamun je̱a̱mtatjai’ tau antukmaji” tiármiayi.

Mar. 15:29

Shuar naṉkaamainiak muuke̱n pe̱a̱shim Jesusan katsekainiak chicharainiak “Iisiá, amesha ‘Yusa Uunt Je̱e̱n yumpuṉtiatjai tura menaintiú tsawantai̱ ataksha je̱a̱mkattajai’ tichakaitiam.

Mar. 8:31

Tuke ujaki̱ wéak chichaak “Wi Aents Ajasuitjiana ju̱ tí waitsatniuitjiai. Israer shuarti ii úuntri̱sha, Yúsnan pujurniu úuntri̱sha, ii jintinniuri̱sha Winia nakitrurar mantuawartatui. Túrasha menaintiú tsawant naṉkaamasmatai nantaktiniaitjiai” tímiayi.

Juaṉ 11:25

Tutai Jesus chichaak “Iwiaaku átinia nérentin asan Wikia iniantkiartiniaitjiai. Winia enentáimturna nuka jakasha nantaktiatui.

Juaṉ 5:19

Nuyá̱ Jesus chichaak “Tí nekas tájarme, Yusa Uchirí̱ṉkia ni enentái̱ji̱a̱i̱ṉ takaatsui. Antsu aya Winia Apar takaana nuna iisan métek takaajai. Ashí Winia Apar túramun Wisha ni Uchirí̱ asan métek takaajai.

Tur. 2:24

Kame jatai̱ nupetkam tuke jákachmin asamtai jatai̱ najaimiatai̱nkia nupetak Niṉkia Yus iniantkímiayi.

Tur. 2:32

Au Krístun timia nu Jesusaiti. Nu Jesusnak Yus iniantkímiayi. Nuka iisha neka asar étsereaji.

Tur. 3:15

Túrarum iwiaaku átinian Amaana nu mámarme. Tuma ai̱ṉ Yuska Nin jakamunmaya̱ iniantkímiayi. Nuka iisha neka asar étsereaji.

Tur. 3:26

Iimiata, Yus ni Uchirí̱n iniantkímia nui̱ atumín emka akuptúrmakmiarme. Atumsha atumí tunaarí̱ya̱ kanaktiarum tusa tura atumín shiir awajtámsatniun wakerak túramiayi.” Nunak tímiayi Pítiur.

Tur. 6:14

Nú arantcha ju̱ Estepaṉ timia nu antukji. Estepaṉ chichaak ‘Nasarétnumia̱ Jesuska Yusa Uunt Je̱e̱n sá̱a̱ktiatui tura nuyá̱ Muisais iin ikiurtámkimiaj nunasha yapaji̱áttawai’ tímiayi. Nusha Estepaṉ timia nu antukji” tiármiayi. Tura nunasha peṉké ántar tsanumprurarmiayi.

Rum. 4:24

Aya níniak tatsui antsu iincha túramji. Iisha núnisrik ii Uuntri̱ Jesus tama nékaskete tu enentáimtakriṉkia Yus iincha “péṉkeraitme” turamtatji. Jesuska ii tunaari̱n jarutramkatniun surunkamiayi. Tura nuja̱i̱ tunaarincha awajsamu asakrin Yus iin “tsaṉkuramuitrume” tusa Jesusan ataksha iniantkímiayi.

Rum. 6:4

Tura imianir Krístuja̱i̱ jaka áintsar métek iwiarnasuitji. Tura Yus ti kakaram asa Krístun jakaan iniantkímia núnisaṉ iincha nu kakarmaja̱i̱ yamaram enentáiji̱a̱i̱ péṉker wekasatniun iniantamkimiaji.

Rum. 8:11

Yus Jesukrístun jakaan iniantkímiayi. Tuma asamtai ni Wakaní̱ atumí enentái̱n pujurtamkurminkia Jesusan iniantkímia núnisaṉ nu Wakanja̱i̱ yamaram iwiaakmaja̱i̱ iniantamkittiarme.

1 Kur. 15:12

Iisha “Kristu jakamunmaya̱ nantakniuiti” tu étsereaji. ¿Itiur nuikia shuar jakamunmaya̱ nantakchatniuiti tuinia?

Kurs. 2:12

Tura atumsha Yus ni kakarmari̱ji̱a̱i̱ Kristu jakaan iniantkímia nu enentáimtusrum imiantmiarme. Túrarum Krístuja̱i̱ métek iwiarnasmarme. Tura núnisrumek Krístuja̱i̱ métek nantakmiarme.

1 Pit. 3:18

Kristu ii tunaari̱n asakártaj tusa jarutramkamiaji. Ashí asakárma asamtai atak tunaan jarukchatniuiti. Nisha tunaan peṉké túrichuitiat ii tunáa asakrin Yusai̱ ejetamtai tusa wáitrutmasmiaji. Aya̱shi̱i̱nkia jakayat ni wakaní̱ji̱a̱i̱ ni aya̱shi̱ ataksha iwiaaku ajasmiayi.