Juaṉ 2:12 - Yus Papí: Shuarja̱i̱ Yus Yamaram Chicham Najanamu

¹² Nuna tura ikiuak Kapernáumnum wémiayi. Ni nukurí̱sha ni yachi̱sha ni unuiniamuri̱sha nemariarmiayi. Nui̱ṉkia untsurí tsawantka pujuscharmiayi.

Juaṉ 2:12 Iomraidhean Croise

Mat. 11:23

Tura atumsha Kapernáumnumia̱tirmesha ashí naṉkaamas naṉkamantu ajastin enentáimtumarme. Antsu jaka wait ajá matsamtai̱niam wétatme. Atumíin aents tujintiamun ti túraitjiai. Sutumanam nu tujintiamu túramuitkiuiṉkia nu pepru yamaisha tuke a̱a̱yi.

Mat. 12:46

Jesus nu shuarja̱i̱ tuke chichaak pujái̱ ni nukurí̱sha ni yachi̱sha tariarmiayi. Tura a̱a̱ wajasar Niji̱a̱i̱ chichastaj tiármiayi.

Mat. 4:13

Tura Nasarétnum pujutsuk Kapernáumnum we pujusmiayi. Kapernáumsha Kariréa antumiaṉka kaanmatkari̱n pujumiayi. Tí yaunchusha Jakupu uchirí̱ Sapurúncha tura Neptarísha nu nuṉkanak nui̱ pujustaitsar achikiáruyayi.

Mar. 6:3

Ju̱sha numiji̱a̱i̱ takachukait. Marí uchirí̱nchukait. Ni yachi̱sha Sántiaksha, Jusesha, Jútassha, Semuṉsha nékatsjik. Tura ni umai̱sha ju̱i̱ iiji̱a̱i̱ pujuiniatsuk” tiármiayi. Túrawar Nin nekas enentáimtustinian tujintkiarmiayi.

Juaṉ 2:2

Jesussha ni unuiniamuri̱sha nu nuatnaiyamunam ipiaamu ármiayi.

Juaṉ 4:46

Nuyá̱ Jesus Kariréanam Kaná péprunam Jesus entsan winiu awajsámia nui̱ atak támiayi. Jesus nui̱ pujái̱ Kapernáumnumia̱ akupniu takarniúri̱ uchirí̱ jaa tepemiayi.

Juaṉ 6:17

Káshisha Jesus tuke táchamtai uunt kanunam eṉkemáwar Kapernáumnum wénak jíinkiarmiayi.

1 Kur. 9:5

Tura Pítrusha, Jesusa yachi̱sha tura chíkich akatrámusha irainiak ni nuwe̱n Yus shuar ainia nuna jukimnia áiniawai. Wisha núnisnak túramniaitjiai.

Kar. 1:19

Tura Sántiakuncha ii Uuntri̱ Jesusa yachi̱a nuna, wainkiamjai. Nú arantka chikichnaka Yus akatrámunka wáinkiachmajai.