Juaṉ 2:11 - Yus Papí: Shuarja̱i̱ Yus Yamaram Chicham Najanamu

¹¹ Jesus ju̱ túramu Kaná Kariréanam túrunamiayi. Núja̱i̱ṉkia Jesus emka ni kakarmari̱n paant iniakmasmiayi. Nuna iisar ni unuiniamuri̱sha Niin enentáimtusarmiayi.

Juaṉ 2:11 Iomraidhean Croise

1 Akup. 17:24

Túramtai nu nuwa̱sha Iríasan chicharuk “Yamaikia nékajme, ámeka Yusan esetas enentáimtin áishmaṉkaitme tura ame étsereamna nusha nekas Uunt Yusa chichame̱nte” tímiayi.

YKan. 72:19

Ni naari̱ naṉkamantu atí. Tuma asamtai tuke shiir awajnásti. Ashí nuṉkanam ni kakarmari̱ piaktí. Nuke atí.

YKan. 96:3

Ni naṉkamantu asamtai uunt nuṉka mátsatkamunmasha Ni winchari̱ etserkarum Nisha aents túrachminian iniakmasmia nusha áujmatsatarum.

Jiin. 14:31

Tura Uunt Yus ni kakarmari̱ji̱a̱i̱ Ejiptunmaya̱ aentsun amukármia nuna Israer shuarka ti paant nekaawarmiayi. Nuna nekaawar Israer shuar Uunt Yusan ashamkarmiayi. Túrawar Uunt Yusan tura Yusa takarniúri̱ Muisaisnasha nekasaiti tu enentáimtusarmiayi.

Jiin. 4:9

Nuyá̱ nu arant jimiará túramu iniaktusartatmena nuna nekasaiti tiar anturtamainiachkuiṉkia antsu nui̱ṉkia Niru entsanmaya̱ shikikiam nu entsa nuṉka ju̱ju̱ptinnium ukarta. Tura Niru entsa shikikiam nuṉka ju̱ju̱ptinnium ukartatmena nuke numpa ajastatui.

Isa. 40:5

Nuya̱ṉka Uunt Yus ni péṉkeri̱n paant awajsattawai. Warí Uunt Yus Niṉki tiniu asamtai ashí aents paant wáinkiartatui” tawai tímiayi.

Mks. 2:2

Núnisaṉ anturtutsuk tura nekas enentáiji̱a̱i̱ Winia naar shiir awajeachkurminkia yajauchiji̱a̱i̱ yumiṉkrattajrume. Warí nekas enentáiji̱a̱i̱ túrattajai ticha asakrumin péṉkernum yumiṉkrarmena nuna Wikia íksanak yajauchiniam yumiṉkramu awajsattajai. Kame núnaka nekas túraitjiai” tawai Ashí Akupin Uunt Yus.

Juaṉ 1:14

Túrasha nú Chichamsha aya̱shtin ajas iiji̱a̱i̱ núkap tsawant pujumiayi. Yusa waitnenkartutairiji̱a̱i̱ tura ashí nekasa nuja̱i̱ piákuyi. Núnisaṉ ni péṉkeri̱n aya Yusa Uchirí̱ chíkichkia nu takusminia nuna iniakmamiayi. Nusha iisha paant wáinkiaitji.

Juaṉ 1:17

Yusa akupeamuri̱n Muisais yaunchu jintintraiti, antsu waitnenkartutai̱ncha tura ashí nekas ana nusha Jesukrístuja̱i̱ tarutrámniuitji.

Juaṉ 1:43

Kashin Jesus Kariréanam wétaj tusa pujus Jiripin wainiak “Nemartusta” tímiayi.

Juaṉ 1:50

Tura Jesus chichaak “¿Aya wi ‘Ikiu numiri̱n ejamkam wajamin wainkiajme’ takui̱ Winia enentáimturamek? Antsu nuna naṉkaamas nekaachmin ana nusha wainkiattame” tímiayi.

Juaṉ 10:41

Ti untsurí shuar iyuwar chichainiak “Nekas Juaṉka aentsti tujintiamun túrachiat ashí Jesusnan timia nu nekasaiti” tu tiármiayi.

Juaṉ 11:15

Tura nui̱ pujuscha asan kúntuts pujatsjai. Jean túrattajna nu íisrum ti nekas enentáimtursattarme. Nuna nekaan shiir enentáimjiai. Wátsek, iyutai” tímiayi.

Juaṉ 11:47

Nuna antukar Pariséusha Yúsnan pujurniu úuntri̱sha ashí naamka uunt armia nuja̱i̱ iruntrar chicharainiak “¿Warí itiurkamniait? Ju̱ áishmaṉka aentsti tujintiamun ti túratsuk.

Juaṉ 12:18

Tuma asamtai shuar tujintiamun túramtai nekaawar Jesusan iṉkiuṉktaj tusar jíinkiarmiayi.

Juaṉ 12:37

Jesus aentsti tujintiamun ti untsurí túramtaisha Niin enentáimtuscharmiayi.

Juaṉ 12:41

Isayas yaunchu Jesusan nayaimpiniam ti shiir pujan wainiak nuna tímiayi.

Juaṉ 14:13

Ashí Winia enentáimtursarum seatrumna nuna amastatjai. Núja̱i̱ṉkia winia Apar shiir awajnástatui.

Juaṉ 16:30

Mash nékaitme. Shuar Ámin ininmatsa̱i̱ṉ péṉker áimkiatin nékame. Nu nekaar Ame nekas Yusai̱ya̱itme tu enentáimtaji” tiármiayi.

Juaṉ 2:1

Menaintiú tsawant naṉkaamasmatai nuatnaikiatin namper Kananum ámiayi. Kaná péprusha Kariréanmayauyi. Jesusa nukurí̱sha nui̱ pujumiayi.

Juaṉ 2:23

Paskua nampertin ti untsurí Jerusaréṉnum pujuarmiayi. Nui̱ Jesus aents tujintiamun túramtai nuna wáinkiar Niin nekas enentáimtusarmiayi.

Juaṉ 3:2

Nisha kashi Jesusan werí chicharuk “Uuntá, shuaran unuiniarat tusa Yus akuptámkaiti. Nu paant nékaji. Yusai̱ya̱nchuitkiumka aentsti tujintiamu túramna nu tujintkiaintme” tímiayi.

Juaṉ 4:3

Nuna nekáa Jutanmaya̱ṉka jiinkí̱ Kariréanam waketkimiayi.

Juaṉ 4:46

Nuyá̱ Jesus Kariréanam Kaná péprunam Jesus entsan winiu awajsámia nui̱ atak támiayi. Jesus nui̱ pujái̱ Kapernáumnumia̱ akupniu takarniúri̱ uchirí̱ jaa tepemiayi.

Juaṉ 4:54

Jesus nu túramuja̱i̱ ni kakarmari̱n jimiará iniakmasmiayi. Nunasha Jutanmaya̱ jiinkí̱ Kariréanam jeá túramiayi.

Juaṉ 5:23

Tuma asamtai ashí shuar Yus Apan shiir awajainia áintsaṉ ni Uchirí̱ncha métek shiir awajsatin áiniawai. Yus Apa ni Uchirí̱n akupka asamtai Uchirí̱n shiir awajeatsna nuka Yus Apancha shiir awajeatsui” tímiayi.

Juaṉ 6:14

Nu shuarsha Jesus túramun iisar “Ju̱ nekas Yúsnan etserin tátinia núchakait” tiármiayi.

Juaṉ 6:2

Untsurí shuar Jesus ti jáinian timiá wárik tsuan wáinkiaru ásar Nin nemariarmiayi.

Juaṉ 6:26

Jesus chichaak “Ti nekas tájarme. Aents tujintiamu wainkia asarum e̱a̱ttsurme. Aya paṉ yuárum jémaru asarum e̱a̱ttrume.

Juaṉ 6:30

Takui̱ “¿Aentsti tujintiamuka ii iisar Ámin nekas enentáimtustin warí túrattam?

Juaṉ 7:31

Tura untsurí shuar Niin enentáimtusar “Kristu taa ¿nuna naṉkaamas aentsti tujintiamun túratpiash?” tiármiayi.

Juaṉ 9:16

Nuyá̱ chíkich Pariséu shuarnumia̱ nuamtak tunainiak “Ju̱na tsuáruka Yusai̱ya̱nchuiti. Kame ayampratin tsawantai̱ túraiti” tiármiayi. Tura chikicha “Yajauch túrin shuaraitkiuiṉkia jú̱nisaṉ túratniun tujintkia̱a̱yi” tiármiayi. Nuja̱i̱ akannáikiarmiayi.

2 Kur. 3:18

Nu asamtai iisha ii yapi̱ tarachji̱a̱i̱ nukukchamu asar íspikia núnisketji. Uunt Kristu péṉkeri̱ iniakmaji. Kristu péṉkeri̱ nú nukap takaki̱ wéakur Krístuja̱i̱ métek ajastasa pujaji. Yusa Wakaní̱ṉkia nuna túrawai.

2 Kur. 4:17

Warí, ukunam tuke shiir pujustatjinia nu enentáimtakrikia, ju̱ nuṉkanam wáitiajnia nu, ti itiurchataitiat aya yamaiya̱ asa tiikia itiurchatchaiti tura wárik naṉkaamawai. Túrasha ii itiurchatri̱ji̱a̱i̱ Yuska ti shiir ana nuna amukachmin ana nunasha núkap suramsattaji.

2 Kur. 4:6

Yaunchu kiritin aan Yus tsáapin ati tusa tsáapnin awajsachmakia. Nú Yúsaiti ii enentái̱n tsáapnin awajtámsamia nu. Nu tsáapniji̱a̱i̱ ni shíirmari̱n Jesukrístu iniakmana nuna ashí aents nekaawarat tusar Jesukrístunu étsereaji.

1 Jṉ. 5:13

Yusa Uchirí̱ nekas enentáimtakrum tuke amuicha iwiaakmaja̱i̱ iwiaaku pujarme. Nu nekaatarum tusan ju̱na áatjarme.