Juaṉ 19:6 - Yus Papí: Shuarja̱i̱ Yus Yamaram Chicham Najanamu

⁶ Yúsnan pujurniu peṉkeri̱sha tura suntarsha Jesusan iisar kakantar untsumainiak “Krúsnum jakati. Krúsnum jakati” ajarmiayi. Piratusha “Átum jukirum mátarum. Ni yajauch túrutairi̱n peṉké wáittsujai” tímiayi.

Juaṉ 19:6 Iomraidhean Croise

Mat. 26:58

Tura Pítiur árantak Jesusan nemarkin uuntri̱ je̱e̱n a̱a̱ri jeamiayi. Tura suntarja̱i̱ tsaniṉ pujusmiayi Jesusan itiurkartiṉ tusa.

Mat. 27:22

Takui̱ aniasarmiayi “Jesusnasha Yusa Anaikiamuri̱ Kristu tuinia nunasha ¿itiurkattaja?” tutai ashí aents “Krúsnum maatá” tiármiayi.

Mat. 27:24

Tura Piratu Jesus uwemtikrachminiaitkiui antsu ashí shuar charaatum ajainiakui entsa uturtitiarum tusa seamiayi. Tura ashí iimiainiai̱ṉ ikijmiak chichaak “Ju̱ péṉker áishmaṉ mátniunam wikia pachintsujai. Antsu atumek iistarum.”

Ruk. 23:4

Nuyá̱ Yúsnan pujurniu úuntri̱ncha tura aents nui̱ iruntrarmia nunasha Piratu chicharainiak “Ju̱ áishmaṉ yajauchin túran peṉké wáinkiachuitjiai” tímiayi.

Juaṉ 18:3

Tura untsurí suntarja̱i̱sha Jesusan tariarmiayi. Pariséusha tura Yúsnan pujurniu peṉkeri̱sha suntarnasha nuyá̱ Yusa Je̱e̱n wáinniuncha Jesusan achikiárat tusa akupkarmiayi. Nisha machitniasha naṉkincha rámparancha jiniasha júkiar weriarmiayi.

Juaṉ 18:31

Tutai Piratu chicharainiak “Atumek jukirum atumí akuptámmari̱ji̱a̱i̱ ni tunaarí̱ nekaatarum” tutai Israer shuarsha chichainiak “Antsu iikia Israer shuartikia tunáa shuarsha máchminiaitji” tiármiayi.

Juaṉ 18:38

Tura Piratu “¿Nekasa nusha warimpiait?” tímiayi. Piratusha nuna ti atak Israer shuarja̱i̱ chichastajtsa jiinkí̱ chichaak “Jú̱ aishmaṉka tunaari̱n peṉké wáittsujai” tímiayi.

Juaṉ 19:15

Tura ashí “Jakati, jakati, krúsnum maatá” tu untsumkarmiayi. Tura Piratu “¿Atumí úunt akupniuri̱n krúsnum máattajak?” tímiayi. Tura Yúsnan pujurniu peṉkeri̱ chichainiak “Sésarja̱i̱ṉkia naṉkaamas chíkich úunt akupniuka atsawai.”

Juaṉ 19:4

Nuyá̱ Piratu atak jiinkí̱ chichaak “Átum wainkiarum nekaatarum tusan Jesusan jí̱i̱ktiatjai. Wikia yajauch túrutairi̱ncha peṉké wáittsujai.”

Tur. 2:23

Tura Jesus surunkamia nuna Yus yaunchu túmatsa̱i̱ṉ paant nekaamiayi. Túrasha Yus enentáimmia nuja̱i̱ métek túrawarmiayi. Tura atumek emetarum Jesus jukimiarme. Nú arant krúsnum mátarum tunáa shuar tímiarme.

Tur. 7:52

Iisiá, atumí úuntri̱sha Yusa etserniuri̱n tuke kajerin ármiayi. Tura nú arant atumí úuntri̱sha Tunaarincha tátatui tu etseru wekaan, mácharmakia. Nútiksarmek yamaisha Tunaarincha támania nusha atumek anaṉkarum máchmakuram.