Juaṉ 19:5 - Yus Papí: Shuarja̱i̱ Yus Yamaram Chicham Najanamu

⁵ Tímiatai Jesussha jaṉkin etseṉkraku tura pushin yamakáirman entsaru jiinkimiayi. Tura Piratu nui̱ káunkarun chicharainiak “Pai ju̱i̱ti, iistarum” tiármiayi.

Juaṉ 19:5 Iomraidhean Croise

Isa. 40:9

Tura uwempratin chicham etserin asam Seuná, naint yakiya̱ nui̱ wakata. Kame Jerusaréṉká, yamaram chicham etserin asam sapijmiatsuk kakaram etserkata. Tura Jutanmaya̱ pepru chicharainiakum “¡Atumí Yusri̱ ju̱i̱ pujawai!” tu ujakárta.

Isa. 43:1

Yamaikia Uunt Yus ámin najatma jú̱nis túramui. Jakupá sapijmiakaip warí Wi sumakuitjiame. Israerá ámeka Wíniaitme tuma asakmin Wi anaikiamjame.

Isa. 7:14

Tuma asamtai Úunt Yusak aents túrachminian túrattawai. Nuwa̱ natsach ajapruktatui tura uchin takustatui nuna náari̱sha Emanuér anainiaktatui. Mat. 1:23; Ruk. 1:31,34

Ukan. 1:12

Átum nu jintianmaani̱ ashí yujarmena nútirmeka ¿itiurchatka peṉké enentáimtsurmek? Émamkesrum íisrum Jiuwá suíran kae̱ kaje̱nturak winia asuttiakui najaimiakmaj tímiatrusar najaimiaktin áwak nu péṉker nekaatarum.

Mat. 27:29

Muuknumsha tawasap jaṉkiji̱a̱i̱ najanamun etseṉkrumtikiarmiayi. Tura karisun akupniu numiri̱ya ániun untsuurí̱ni̱ ataksarmiayi. Túrawar wishikiainiak tikishmátrar chicharainiak “Israer shuara úunt akupniuri̱nme”

Juaṉ 1:29

Nuyá̱ kashin Juaṉ Jesusan winian wainiak chichaak “Iistarum. Núiti Yusa Murikrí̱ ashí aentsu yajauchiri̱n asakána nu.

Juaṉ 19:2

Suntarsha Jesusan wishikiainiak tawasap jaṉki najanamun etseṉkrumtikiarmiayi. Yamákái pushincha úunt akupniua áintsaṉ áentsrarmiayi.

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.