Juaṉ 19:34 - Yus Papí: Shuarja̱i̱ Yus Yamaram Chicham Najanamu

³⁴ suntar aya páenam ijiumiayi. Ijiumtaisha nu chichamtaik numpa yumiji̱a̱i̱ puármiayi.

Juaṉ 19:34 Iomraidhean Croise

YKan. 51:7

Uruchji̱a̱i̱ japirtinia núnis tunaar japirturta. Túrutawakmin enentái̱rui̱ṉkia michaja̱i̱ naṉkaamas puju ajastatjai.

Isk. 36:25

Tura péṉker entsaja̱i̱ ukatran ashí yajauchia nuyá̱ atumí tunaari̱ncha tsaṉkurattajai. Nuyá̱ najankamu yus enentáimtutai̱nmaya̱sha aṉkant awajsattajrume.

Sak. 12:10

Tura Tawitia shuari̱n nuyá̱ Jerusaréṉnum pujuinia nuna waitnenkartin tura Yus seamin enentái̱n súsartatjai. Nuya̱ṉka Winia ijiutiarmia nuna ijiumun wáinkiar kúntuts enentáimiainiak ni uchirí̱n chikichkiniak iwia̱i̱ri̱ ajakra núnis úttiartatui.

Sak. 13:1

Kame nu tsawantinkia Tawit shuar tura Jerusaréṉnum pujuinia nuna tunaari̱n núnisaṉ mui̱jmiai̱ ajakárman nijiartin púkuni chíṉkiamu átatui.

Mat. 27:62

Nu kí̱arai̱ṉ ayampratin tsawantna mash iwiarnakui Yúsnan pujurniu úuntri̱sha tura Pariséusha Piratuí̱ wéarmiayi.

Juaṉ 19:33

Tura Jesusan weantuk yaunchu jákaiti tusa kaṉkaji̱n kupirtsuk

Juaṉ 20:20

Nuna ti nuyá̱ ni uwejé̱n ajintruamuncha páenum ijiumuncha iniakmasmiayi. Ni unuiniamuri̱sha Úuntri̱n wáinkiar shiir warasarmiayi.

Tur. 22:16

Tuma asamtai yamaisha ¿warí nákam? Tunaarun asakátrurat tusam Uunt Jesus enentáimtusam weme ni naari̱ pachisam imiantia’ turutmai.

1 Kur. 1:30

Tura Yus atumín Krístuja̱i̱ tsaniṉ apujtamsaiti. Tura Kristu enentáimtusar Yus nekas nekatai̱ṉkia nekaattaji. Kristu enentáimtakrin Yus shiir enentáimturmaji, péṉker awajtamji tura uwemtikramji.

1 Kur. 6:11

Atumíya̱sha chíkich chíkich nuna túrin armai. Tura yamaikia ii Uuntri̱ Jesusa kakarmari̱ji̱a̱i̱sha tura ii Yusri̱ Wakaní̱ kakarmari̱ji̱a̱i̱ atumí enentái̱ shiir ajasuíti, atumsha Yusna ajasurme tura tuke péṉker ajasurme.

Ipi. 5:26

Kristu ashí ni shuari̱n ni Chichame̱ja̱i̱ tura entsaja̱i̱ nijiar ní shuar péṉker árat tusa jakamiayi.

Tit. 2:14

Jesukrístuka iin jarutramkamiaji ii tunaarí̱nia̱ uwemtikrampratajtsa. Tura Winia ajasár tuke enentáiji̱a̱i̱ péṉker túrawarat tusa ii tunaari̱n japirtampramiaji.

Isr. 9:13

Nekas taṉkú numpe̱sha tura áesamu yuṉkunmiri̱sha shuara yajauchiri̱n aya pátatek ukatkámu aya pátatek shiir awajsámniuyi.

Isr. 9:22

Nu akupkámuja̱i̱ peṉké ishichik numpa ukatkachmaja̱i̱ shiir awajsámniaiti. Túmaitiat numpaja̱i̱nchuka yajauch túrutai̱ peṉké asakárchamniaiti.

1 Pit. 3:21

Nu yumi Yus shuarti imiantinian nakumui. Ii aya̱shi̱ chamir awajsatai tusar imiantsuji. Antsu ii enentái̱ péṉker atí tusar Yus sear imianji. Nuja̱i̱ iisha uwemji. Jesukrístu nantakin asamtai nuja̱i̱ uwempraitji.

1 Jṉ. 5:6

Jesukrístu jú̱ nuṉkanam taa entsaja̱i̱ imiantkui Yus nayaimpinmaya̱ chichaak “Ju̱ka winia aneamu Uchiruiti” tímiayi. Tura nuyá̱ Jesus jakamtai ni numpé̱ puármiayi. Entsaja̱i̱ imianin ni takatrí̱n naṉkamamiayi túrasha iin jarutramak ni takatrí̱n ju̱ nuṉkanam amukmiayi. Chikichkinkikia túrutsuk mái̱ metek tura asamtai Yusa Uchirí̱ya nu paant nekanamniaiti. Yusa Wakaní̱sha tuke nekas tiniua nu métek tawai.

Apu. 1:5

Núnisaṉ Jesukrístu shiir yaintmakarti. Ni tana nu imiá nekasaiti. Nisha emka jakamunmaya̱ yamaram iwiaakmaja̱i̱ nantakniuiti. Tura ju̱ nuṉkanmaya̱ akupniu Úuntri̱nti. Iin anenma asa ni numpe̱ja̱i̱ ii tunaari̱n nijiatramkaitji.

Apu. 7:14

Túrutkui “Uuntá, amek nékame” tímiajai. Tutai “Ju̱ shuar tí waitsaru áiniawai. Túrawar Murikiu numpe̱ja̱i̱ ni pushiri̱ nijiamawar puju awajsaru áiniawai.