Juaṉ 19:30 - Yus Papí: Shuarja̱i̱ Yus Yamaram Chicham Najanamu

³⁰ Jesussha churuinian naje̱kaa “Ashí túrunatniua nu mash uminkiai” tímiayi. Nuna ti, muuke̱n nená jakamiayi.

Juaṉ 19:30 Iomraidhean Croise

Naṉ. 3:15

Ámin nuwa̱ja̱i̱ nemasmamtikiattajme. Tura ame tiraṉmí tiraṉki̱sha nuwa̱nuja̱i̱sha núnisaṉ nemasnaikia ártatui. Ti ukunam nuwa̱nu átatna nu muukmin najatmarmatai ame ni saṉkani̱n esaim najaimiamtikiattame.” Tú timiayi Uunt Yus.

YKan. 22:15

Winia kakarmarsha muits iniarámua núnis ju̱ju̱ptin ajatrúsmai. Winia iniai̱rsha kayakpátrui̱ nujamamai. Warí jakar ju̱yu̱jyun ajatainiam ikiursamame.

Isa. 53:10

Kame Uunt Yuska awatnarti timia nuja̱i̱ métek mantamnamiayi. Tura niṉkia tunaanum taṉku maar áestuatniua núniktin asa ukunam akiiniawartatna nunasha wáinkiartatui. Nuya̱ṉka náṉkatkachu tsawantnum pujustatui tura Uunt Yus wakeramuka níji̱a̱i̱ṉkia tuke péṉker uminkiattawai.

Isa. 53:12

Nuna túramtai uunt pujuinia nu nin shiir awajsatai tusar tariarti tusan tsaṉkatkattajai tura kakaram ainia nuja̱i̱ nupetmakar ata̱rman akantúnairartatui. Warí ni iwiaakmari̱nkia surumak jakamiayi. Tura yajauch túrin shuarnum sumamauyayi. Ashí aentsu tunaari̱n jurukín asa umichu ainia nunasha Yusan seatiarmiayi.

Tan. 9:24

Áme shuarumka tura Yus akantúkma péprurmesha sataintia tumiṉ iwiarturmaiti. Nuja̱i̱ ashí tunáa tura yajauch túrutai̱sha amukáttawai. Núnisaṉ ashí tunáa túramuja̱i̱ métek akinkiartatui. Túrunamtai aya nekasa nuja̱i̱ métek túratin átatui. Núnisaṉ ímiaja̱i̱k wainkiamusha tura ukunam túrunatin etserkamusha uminkiattawai. Nuya̱ṉka Ti Shiir Tesamusha asuitiji̱a̱i̱ ukatnáktatui.

Tan. 9:26

Nuyá̱ sasaintitús tumiṉ naṉkaamasmatai Misíaska junaktiatui. Túram wariṉkísha takuschattawai. Tura akupin tátatna nuna shuari̱ pépruncha nuyá̱ Yus Shiir Awajtai̱ Je̱e̱ncha emeskartatui. Túrasha amukatniuka entsa ama̱a̱ra núnis amukáttawai. Tura meset amuumam ashí amuktinia nu tunattawai.

Sak. 13:7

Maj, puyá̱a̱, Winia murikiu wáinin tura áishmaṉ Winia a̱i̱rua nu ijiuarta” tawai Ashí Akupin Uunt Yus. “Tura murikiu wáinniun mantuattajai túram murik pisarartatui. Antsu uchichincha nekapsan amukchartatjai.”

Mat. 20:28

Wisha Aents Ajasuitiatan Winia yáintkiarat tusan táchaitjiai antsu shuaran yáiṉtaj tusan táwitjiai. Untsurí shuara tunaarí̱ tumashri̱n akikmatkataj tusan jákatniuitjiai. Nuna tarimjiai” tímiayi Jesus.

Mat. 27:50

Jesus ataksha kakantar untsumak nuya̱ṉka jakamiayi.

Mat. 3:15

Tura Jesus chichaak “Tsaṉkatrukta yamaikia. Núnisrik ashí nekas túratniua nu umirkatniuitji” tutai Juaṉ iniaisámiayi.

Mar. 15:37

Nuiṉkia Jesus kakaram untsumak jakamiayi.

Ruk. 22:37

Nekaatarum. Yus Papinium yaunchu aarma ana nu wi túrunamuja̱i̱ uminkiattawai. Ju̱i̱ti aarma, ‘Yajauch shuarnum pachikiarmiayi.’ Isa. 53:12 Warí, Yus Papinium ashí Winia aarma ana nu uminkiatniuiti.”

Ruk. 23:46

Nuyá̱ Jesus untsumuk “Apawá, winia wakantrun Amiin ikiuajai” YKan. 31:5 tímiayi. Nuna tinia jakamiayi.

Juaṉ 10:11

Wikia péṉker wáinniuitjiai. Péṉker wáinniuka ni murikrí̱n uwemtikrartaj tusa jakattawai.

Juaṉ 10:18

Wi wakerakun jakattajai. Wi wakerachkuiṉkia chíkichkia mantuachminiaiti. Jákatniuncha tura nantaktinniasha winia Apar surusuiti” tímiayi Jesus.

Juaṉ 17:4

Ashí túratniun akuptúkmamna nuna amukuitjiai. Túran ju̱ nuṉkanam shiir awajsaitjiame.

Juaṉ 19:28

Nuyá̱ ashí uminkiamtai Jesus nuna nekáa yaunchu Yus Papinium aarma uminkiati tusa “kitiamajai” tímiayi.

Juaṉ 4:34

Tuíniakui Jesus áimiuk “Winia akuptúkua nuna wakeramuri̱n túrakun tura Ni takatrí̱ amuktinia nuiti Winia yurumkarka.

Rum. 10:4

Kame aya Kristu enentáimtamuja̱i̱ nekas péṉker ajastin asamtai akupkámu umirkatniuja̱i̱ péṉker ajastinkia ántraiti.

Rum. 3:25

Tura Krístun akupkámiayi ni jakamuja̱i̱ ashí tunaan asakártinian. Túramtai shuar Niin nekas enentáimtuiniakui Yus tsaṉkuramniaiti. Yaunchu tunáa túramun katsunteak enentáimtuschamiayi. Yamái tsaṉkuramnia nuna yaunchu nekáa, nuna turamniuyayi.

1 Kur. 5:7

Tuma asamtai nu karía yajauch awajtámsa̱i̱j tusarum ukartarum. Núnisrum ju̱ tunaanumia̱ kanakrum péṉker átatrume. Yaunchu enentái karía núnis amuukatniuiti. Ashí yamarmak yuminia áintsaṉ ajasuitrume. Paṉ karin eṉketáchma enentáimpratai. Israer shuar Paskua nampernum aya paṉ karin eṉketáchman yuu áiniawai. Atumí tunaarí̱ atsakui atumsha nu námper paṉka áintsarum péṉker ajasuitrume. Paskua nampertincha Israer shuar murikiun main áiniawai. Núnisaṉ Kristu jaka ii murikri̱a áinis ajasuíti.

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

Isr. 9:22

Nu akupkámuja̱i̱ peṉké ishichik numpa ukatkachmaja̱i̱ shiir awajsámniaiti. Túmaitiat numpaja̱i̱nchuka yajauch túrutai̱ peṉké asakárchamniaiti.