Juaṉ 19:24 - Yus Papí: Shuarja̱i̱ Yus Yamaram Chicham Najanamu

²⁴ Tuma asamtai suntar chichainiak “Ju̱ka já̱a̱kchatai. Antsu nakurakrin yának ati nu jukiti” tiármiayi. Núja̱i̱ṉkia yaunchu Yus Chichamnum aarma nu uminkiamiayi. “Winia entsarmarun akantrarmiayi tura nakurúsar awakmakua nuna winia pushirun súsarmiayi.” YKan. 22:18

Juaṉ 19:24 Iomraidhean Croise

YKan. 22:18

Núnisaṉ winia pushirnasha nuamtak akantrarmai. Túruiniak pushirun áintkiar yaki jukit tusar nakurúsar awakmáktinian nui̱ nakurúsarmai. Mat. 27:35; Mar. 15:24; Ruk. 23:34; Jṉ. 19:24

Isa. 10:7

Túrasha niṉkia tuusha enentáimprachartatui antsu ashí nuṉkanam nupetmarar nui̱ pepru irunainiaka emeskatai tu enentáimtumasar jú̱nis tuíniawai “Ii akupniúri̱ uchirí̱sha ¿ashí akupniuchuk ainia? Kárnikia Karkimisa ¿núninchakait? Amatcha Arjata ¿núninchakait? Samariasha Tamaskua ¿núninchakait? Winia kakarmarja̱i̱ṉ ashí najanamu yusa nuṉke̱ncha atantracharukaitiaj tura nu yussha uwejja̱i̱ nakumkar najankamuitiat Jerusaréṉnumia̱ yúsja̱i̱ṉkia tura Samarianmaya̱ yúsja̱i̱ṉkia naṉkaamas áiniatsuk. Kame Jerusaréṉnasha tura nakumka najankamu yus nui̱ irunainia nunasha Samarian yúsri̱ntiuk ¿itiurkamaj wats, nútikiashtajash?” tuíniawai.

Mat. 27:35

Krúsnum ajintrurar suntar yaki Jesusa pushiri̱n jukit tusar nakurúsar awakmakua nuna súsarmiayi. Núja̱i̱ṉkia yaunchu Yúsnan etserin aarmia nu uminkiamiayi “Winia entsarmarun akantrarmiayi tura nakurúsar awakmakua nuna winia pushirun súsarmiayi.” YKan. 22:18

Mar. 15:24

Nantu yakí̱ jatemsamtai krúsnum ayapá̱r ajintrurar ikiusármiayi. Túrawar suntar yaki jukit tusar nakurútaiji̱a̱i̱ nakurúsar Jesusa pushiri̱n yaruakarmiayi.

Ruk. 23:34

Tura Jesus krúsnum ajintraku pujuram chichaak “Apawá, tsaṉkurarta. Ni áitkiainia nuna nékainiatsui” tímiayi. Tura suntar pujuarmiania nu, yaki Jesusa pushiri̱ jukit tusar nakurúsarmiayi.

Juaṉ 10:35

Kame Yus Papinium aarma nu tuke nekaschakait. Tuma asamtai ni chichame̱n antukarun Yuska ‘yúsaitrume’ takui̱ nuikia ti nekaschakait.

Juaṉ 13:18

Tura tájana nuna ashí tátsujrume. Anaikiaitiaj núnaka Wi nékajai. Tura Yus Chicham uminkiatniuiti, nékajai. Ju̱ áarmaiti ‘Wiji̱a̱i̱ yurumna nu winia nemasur ajasái.’ YKan. 41:9

Juaṉ 19:28

Nuyá̱ ashí uminkiamtai Jesus nuna nekáa yaunchu Yus Papinium aarma uminkiati tusa “kitiamajai” tímiayi.

Tur. 13:27

Iis, Jesusa túrunatniuri̱n Yuska yaunchu ni etserniuri̱n áamtikrachmakia. Tura ukunam Jerusaréṉnumia̱ shuar ni akupniúri̱ji̱a̱i̱ tuke ayampratin tsawantai̱ nuna áujenayatkesha peṉké nekaacharmiayi. Tuma ásar Jesuska Yusa Uchirí̱nti tícharmiayi. Tura jakati tiarmia nui̱ Jesusa túrunatniuri̱n, Yus yaunchu chichakmia nuna tímiatrusaraṉ umikiarmiayi.