Juaṉ 19:17 - Yus Papí: Shuarja̱i̱ Yus Yamaram Chicham Najanamu

¹⁷ Jesussha ni krusri̱ yanakí̱ Kúrkuta nainnium wémiayi. Kúrkuta támaka Israer shuara chichame̱ja̱i̱ṉkia “muuka ukunch” tawai.

Juaṉ 19:17 Iomraidhean Croise

Naṉ. 22:6

Nuyá̱ Aprajámka Yus takamtsuk áestakur ikiamkatin nakashun Isakan ayankamiayi tura niṉkia kuchiin nuyá̱ jinia jukí̱ jímiarchik wéarmiayi.

1 Akup. 21:13

Nuya̱ṉka jimiará áishmaṉ netse armia nu Nawut pujamunam eem pujusármiayi. Tura aents iruntramunam Nawutan chicharainiak “Yúsnasha tura úunt akupniuncha yajauch chichareawai” tiármiayi. Nuya̱ṉka péprunmaya̱ jí̱i̱kiar kayaja̱i̱ tukurar máwarmiayi.

Riw. 24:14

“Winia yajauch chichartukainia nuka matsamkamunmaya̱ṉka arant jukitiarum. Túrawakrumin aents nuna antukarainia nu uwejé̱n muuknun awantkarti. Túrawarmatai ashí aents kayaja̱i̱ tukurar máwarti.

Mat. 10:38

Tura ashí wáitsatniun surimiatsuk ni krúsri̱n yanakí̱ jukí̱ nemartachkuṉka Winia unuiniamur ajastinniaka táasuiti.

Mat. 16:24

Nuyá̱ Jesus ashí ni unuiniamuri̱n chicharainiak “Shuar Winia nemartustaj tusa wakerakka ni wakeramuri̱n iniais ni krúsri̱n yanakí̱ Winia nemartusti.

Mat. 27:37

Tura urukamtai máamuit ashí aents nekaawarti tusa áarman muuknumaani̱ anujtúkarmiayi. JU̱I̱TI JESUS, ISRAERA ÚUNT AKUPNIURI̱ Tu áarmauyayi.

Mar. 10:21

Tutai Jesus iis wáitnenmai chichaak “Chikichik táasume. Weme ashí áminiu ana nu surukta. Túram nu kuit kuítrincha súsarta. Túrakum nayaimpiniam kuítrum ikiauṉkattame. Túram winitiá krus yanaktinia áintsamek itiurchatrum ai̱ṉ nemartusta” tímiayi.

Mar. 15:26

Urukamtai máamuit ashí aents nuna nekaawarat tusa ni krúsri̱n ju̱ áarmauyayi ISRAER SHUARA AKUPNIURI̱.

Mar. 15:32

Yusa anaikiamuri̱ Krístuashit, ii akupniúri̱niashit. Wats, yamái krúsnumia̱ akaikiti, iisha nu íisar nekas Krístuiti titiái tusar” wishikiainiak núnaka tiármiayi. Jesusja̱i̱ krúsnum ajintruamusha Nin wishikiarmiayi.

Mar. 8:34

Nuna tuasua amik tura nui̱ matsamármia nunasha ni unuiniamuri̱ncha untsuk chicharainiak “Shuar Winia nekas nemartustasa wakerakka ni wakeramuri̱nkia iniaisati tura ni krusri̱ yanakí̱ nemartusti.

Ruk. 14:27

Ni wakeramuri̱n ajakeak ni krusri̱ yanakí̱ nemartatsna nu winia unuiniamur ajaschamniaiti.

Ruk. 23:26

Jesusan jukitiatsa pujuiniai̱ Serininmaya̱ Semuṉ ni pépruri̱ya̱ Jerusaréṉnum yama jeamiayi. Nin achikiar Jesusa krusri̱ ayantkar “ni úkuri̱ wetá” tiármiayi.

Ruk. 23:33

Karawír naint tutainiam jeawar Jesusan krúsnum ajintrurarmiayi. Tura Jesusa untsuurí̱ni̱ chikichík yajauch áishmaṉkan tura ni menaari̱ni̱ chíkich yajauch áishmaṉkan núnisaṉ krúsnum ajintrurarmiayi.

Ruk. 23:38

Tura muuknumaani̱, Kriaku chichamja̱i̱, Rúmanmaya̱ apach chichamja̱i̱sha tura Israer chichamja̱i̱sha ju̱ áarar anujkamu ámiayi JU̱I̱TI ISRAER SHUARA UUNT AKUPIN.

Ruk. 9:23

Nuyá̱ ashí aentsun chicharuk “Shuar Winia nekas nemartustajtsa wakerakka ni wakeramuri̱ṉkia iniaisati. Tuke tsawant ni krusri̱ yanakí̱ nemartusti.

Juaṉ 19:13

Piratusha táman antuk akupin pujutai̱nium pujus Jesusan untsukmiayi. Nui̱ kaya ukatkámu asamtai Israer shuar chichamja̱i̱ṉkia Kapata anaikiarmiayi.

Juaṉ 5:2

Jerusaréṉ yama waya̱munam Murik Wáitiniam ayamach entsa pajamtai ámiayi. Nu pajamtain Pitista tiniu ármiayi. Nuna wáitiri̱ṉkia seṉku ármiayi.

Tur. 7:58

Túrawar péprunmaya̱ arant júkiarmiayi. Tura antuk etserkarmia nu pushiri̱n áikiar natsa Sauru wajamunam au iistí tusar aeprusarmiayi. Tura máwartai tusar Estepaṉkan kayaja̱i̱ tukurarmiayi.