Juaṉ 19:11 - Yus Papí: Shuarja̱i̱ Yus Yamaram Chicham Najanamu

¹¹ Tutai Jesussha chichaak “Yus nuna amaschaitkiuiṉkia peṉké tujintkiaintme. Nu asamtai amiin surutka nu ámin naṉkaamas yajauch túriniaiti” tímiayi.

Juaṉ 19:11 Iomraidhean Croise

YKan. 39:9

Múutmaran pujusmajai. Kame Ámeka ju̱ka túriniaitme.

YKan. 62:11

Yuska chikichkí chichakuiti núnaka jimiará antukuitjiai. Warí kakaram ajastinkia Yusai̱ya̱inti.

Ukan. 3:37

¿Yaki wariṉkish naṉkaama nuna Yuska jú̱naka akupkachuiti tíminiait?

Tan. 4:17

Wats, Ashí Naṉkamantu Yusa nuke aentsu akupeamuri̱i̱n nekas akupniuiti. Tuma asamtai ni wakera nuna anainiuiti. Núnisaṉ ashí aentsnumia̱ péejchachia nuna akupin awajeawai. Tuma asamtai asutniana nuka nayaimpinmaya̱ wáinin akupkarma nuyá̱ tunaarincha ainia nuka etserkarma nuna ashí aents nekaawarat tusa uminkiattawai” tímiayi.

Tan. 4:25

Tura áminkia aentsnumia̱ṉka ji̱i̱ki̱ ajunmiartatui. Túrutmawarmatai kampunniunmaya̱ yajasmaja̱i̱ tsaniṉkiam pujuttame. Túmakum waakaja̱i̱ métek sa̱a̱k yútatme. Núnisaṉ saana iniji̱á̱tmattawai. Ashí Naṉkamantu Yus akupin ainia nuna Úunt Akupniuri̱nti tura yana wakera nuna súwiti tu enentáimtumam nuní̱ túrunam siati uwí pujustatme.

Tan. 4:32

Tura aentsnumia̱sha ji̱i̱ki̱ ajunmiartatui. Túrutmawarmatai kampunniunmaya̱ yajasmaja̱i̱ tsaniṉkiam pujuttame. Túmakum waakaja̱i̱ métek sa̱a̱k yútatme. Ashí Naṉkamantu Yus akupin ainia nuna Úunt Akupniuri̱nti tura yana wakera nuna súwiti tu enentáimtumam siati uwí pujustatme” tímiayi.

Tan. 4:35

Ju̱ nuṉkanam aents matsatainia nusha Niji̱a̱i̱ íismaka peṉké ántar áiniawai. Nayaimpinmasha ashí kakaram ainia nuja̱i̱ tura nuṉkanmasha ashí aentsja̱i̱sha Ni wakeramuja̱i̱ métek túriniaiti. Nuna túrakuisha yaaksha suritkiachminiaiti núnisaṉ ¿urukamtai áitkiam? nunaksha tíchamniaiti.

Tan. 5:21

Nuyá̱ aentsnumia̱ṉka jí̱i̱kiarmiayi. Tura enentáimtairi̱sha yajasma núnis ajas kampunniunmaya̱ yajasmaja̱i̱ irunar pujumiayi. Tura waaká núnis sa̱a̱kin ayuriarmiayi nuyá̱ sanasha iniji̱á̱i̱miayi. Kame Ashí Naṉkamantu Yuska akupin ainia nuna Úuntri̱nti tura ¿yana wakera? nuna apujniuiti tu enentáimmiam túmasan pujusmiayi.

Mat. 26:65

Nuyá̱ Yúsnan pujurniu uuntri̱ nuna antuk ti kajek ni pushiri̱ ja̱a̱k chichaak “Ju̱ áishmaṉ ni chichame̱ja̱i̱ Yusan nekas yajauch chicharniuiti. Nuya̱sha ¿warí atsumajⁱ? Atumsha Yusan yajauch chicharu antukcharmek.

Mat. 27:2

Tiar Jesusan jiṉkiawar apachi úuntri̱n Punsiu Piratuí̱ júkiarmiayi.

Mat. 6:13

Tunáa wakeruktin tsaṉkamkartukaip. Antsu ashí yajauch túratniunmaya̱ iin aṉkant awajkartusta. Tuke ashí aents akupkámniaitme. Núnisam Amesha tuke ti kakarmaitme. Tura tí shiiraitme. Tuma asakmin seaji. Nuke atí.’

Mar. 14:44

Káuntsa̱i̱ṉ Jútas chicharainiak “Wi áujkin mukunataj núiti Jesus. Achikrum péṉker emetarum jukitiarum” tímiayi.

Ruk. 22:53

Nuik Yusa Uunt Je̱e̱n tuke tsawant atumji̱a̱i̱ pujumaj nui̱ achirkachmarme. Túrasha átum kiritniumia̱ kakarmaja̱i̱ nupetkatin yamái tsawantin tsaṉkatkamuitrume” tímiayi Jesus.

Juaṉ 18:13

Nuyá̱ Anasa je̱e̱n júkiarmiayi. Anassha Kaipiasa we̱a̱rí̱yayi Tura Kaipias nu uwitin Yúsnan pujurniu úuntri̱yayi.

Juaṉ 18:3

Tura untsurí suntarja̱i̱sha Jesusan tariarmiayi. Pariséusha tura Yúsnan pujurniu peṉkeri̱sha suntarnasha nuyá̱ Yusa Je̱e̱n wáinniuncha Jesusan achikiárat tusa akupkarmiayi. Nisha machitniasha naṉkincha rámparancha jiniasha júkiar weriarmiayi.

Juaṉ 19:10

Nuyá̱ Piratu chichaak “¿Urukamtia winia ái̱rtsum. Wi jeajna nu nékatsmek? Wakeraknaka krúsnum mátniuncha tura aṉkant akupkatniuncha jeajai.”

Juaṉ 3:27

Tutai Juaṉ chichaak “Ashí kakarmaka aya Yusai̱ya̱ṉchakait.

Juaṉ 7:30

Nuyá̱ sepunam eṉkeataj táyat achikcharmiayi ni tsawantri̱ jeachu asamtai.

Juaṉ 9:41

Jesussha chichaak “Átum kusurúitkiurmeka atumí tunaarí̱ wáinchakrum sumamachu áintrume. Tura ‘paant iimjiai’ tau asarum sumamaitrume” tímiayi.Jṉ. 15:22-24

Tur. 2:23

Tura Jesus surunkamia nuna Yus yaunchu túmatsa̱i̱ṉ paant nekaamiayi. Túrasha Yus enentáimmia nuja̱i̱ métek túrawarmiayi. Tura atumek emetarum Jesus jukimiarme. Nú arant krúsnum mátarum tunáa shuar tímiarme.

Tur. 3:13

Atsá. Antsu Yuska ni Uchirí̱n Jesusan ashí naṉkamantu awajsaiti. Ii uuntri̱ Aprajámsha, Isaksha tura Jakupsha enentáimtin armia nú Yusan tajai. Átumka Jesus nakitrarum Piratuí̱ surukmarme. Tura Piratu akupkataj tau atumsha suritkiamarme.

Tur. 4:28

Tura Ame enentáimji̱a̱i̱ iwiaramamna nuna tímiannak umikiarmiayi.

Rum. 11:36

Ashí najanamu ainia nu Yus najanamu áiniak Niniu áiniawai. Tura Nin shiir awajsatin najanawarma áiniawai. Yus tuke iniaitsuk shiir awajnásti. Núnisaṉ atí.

Rum. 13:1

Akupniúnka ashí shuar umirkatniuiti. Akupniúka Yus apujsamuiti. Yus apujsachma akupin atsawai.

San. 1:17

Ashí péṉker ana nu, ashí shiir ana nusha nayaimpinmaya̱ Yusak amasuiti. Yus ashí tsáapninia nuna najanaiti. Tura Nin kiritin atsa̱i̱ṉ yapají̱tsuk tuke tsáapniti.

San. 4:17

Shuar péṉker túratniun nékayat, túrachkuiṉkia, nuka tunaiti.