Juaṉ 19:1 - Yus Papí: Shuarja̱i̱ Yus Yamaram Chicham Najanamu

¹ Nuyá̱ Piratu Jesusan asutiáwarat tusa suntaran akupkámiayi.

Juaṉ 19:1 Iomraidhean Croise

YKan. 129:3

Nuṉká pukú ainia nu winia tuntuprui̱ pukuiwiarmai tura nuṉka íkrar ésaram awajsarmai.

Isa. 50:6

Winia asuttiuáwarma nunasha tuntupmatran wajattsarmajai. Túran winia susurnasha uwerturarti tusan tsaṉkatkarmajai. Núnisnak wishikruiniak yapirui̱sha usukruawarti tusan iniaitiusarmajai.

Isa. 53:5

Tura ii yajauchiri̱n Niṉkia ijiunmiayi. Ii tunaari̱n awatnármiayi. Ni asutniámuja̱i̱ ii aṉkant ajasmiaji. Tura Ni wáitsamuja̱i̱ iikia péṉker ajasmiaji.

Mat. 20:19

Tura Israer shuarchanum surutkartatui. Nui̱ katsekrukar awattiar krúsnum máwarti tusar túrutawartatui. Túrasha jákayatan menaintiú tsawantai̱ nantaktiatjai” tímiayi.

Mat. 23:34

Untsurí shuaran akuptúktatjarme. Yúsnan etserniuncha, ti nekaancha, jintinkiartinniasha akuptúktatjarme. Tura atumsha chíkich máattarme, chikitcha krúsnum ajintruarum máattarme, chikitcha iruntai̱ je̱a̱nam asutiáttarme tura chikitcha ashí nuṉkanam áintrattarme.

Ruk. 18:33

Tura awatrar nuya̱ṉka máwartatui. Túramaitiatan menaintiú tsawantin nantaktiatui” tímiayi.

Ruk. 23:16

Túraitiat tuke túrutai̱ asamtai námper jeakui sepunmaya̱ chikichík áishmaṉkan Piratu aṉkant akupkatin ámiayi. Tuma asamtai ni chichaak “ju̱na asutián awematjai” tímiayi.

Ruk. 23:23

Tura nisha kakaram untsumainiak “Jesus mantamnati” tiármiayi. Kame aentssha tura Yúsnan pujurniu úuntri̱sha tí untsumainia ásarmatai ni wakeramuri̱ tsaṉkatnakarmiayi.

2 Kur. 11:24

Israer shuar chikichkí achirkacharmai. Antsu timiajní seṉku jeá achirkarmai. Tura emka achirkarmia nui̱ awá awatakua traintinuíwi ejeyarmiayi. Tura nu timiajní seṉku jeá achirkarmia nui̱sha nútiksaṉ nuja̱i̱ métek awatturarmiayi.

Isr. 11:36

Chikitcha katseknakarmiayi, asutniáwarmiayi, jiruja̱i̱ jiṉkiawar sepunam eṉkenawarmiayi.

1 Pit. 2:24

Kristu imia Niṉki ni aya̱shí̱i̱n ii tunaari̱n entsakí̱ krúsnum jarutramkamiaji. Kame iikia yajauch túrutainmaṉka jákaitji. Túmaitiatar naka péṉkera nuja̱i̱ métek túratniunam iwiaakji. Ántsarik Ni asutniámuja̱i̱ iikia tsuámaruitji.