Juaṉ 18:32 - Yus Papí: Shuarja̱i̱ Yus Yamaram Chicham Najanamu

³² Yaunchu Jesus ni jákatniuri̱n enentáimtus “Wi awajnaitniuitjiai” tímiayi. Nisha krúsnum awajnain asamtai itiur mantuawartata Ni timia nu uminkiamiayi.

Juaṉ 18:32 Iomraidhean Croise

YKan. 22:16

Yajauch túrin ainia nu aents ya̱wá̱ núnisar téntatkar eṉketáwarmai. Túrutawar winia nawernasha tura uwejruncha ajintruawar chiṉkiarturawarmai.

Mat. 20:19

Tura Israer shuarchanum surutkartatui. Nui̱ katsekrukar awattiar krúsnum máwarti tusar túrutawartatui. Túrasha jákayatan menaintiú tsawantai̱ nantaktiatjai” tímiayi.

Mat. 26:2

“Atumsha nékarme, Paskua námper jeatin jimiarchik tsawant taasai. Nui̱ Aents Ajasuitjiana ju̱na krúsnum mantamnati tusar surutkartatui” tímiayi.

Mar. 10:33

Ujaak chicharainiak “Antuktarum, arak Jerusaréṉnum wéaji. Nui̱ Winia, Aents Ajasuitjiana ju̱na, Yúsnan pujurniu úuntri̱n jintinniunmasha surutkartatui. Nisha apachnium mantamnati tusar surutkartatui.

Juaṉ 10:31

Tutai Israer shuarsha atak kayan achikiar tukutaj tiármiayi.

Juaṉ 10:33

Israer shuarsha Nin chicharainiak “Péṉker tura asakmin mátaj tátsuji antsu Yus yajauch chicharkumin túrattaji. Ámeka shuáraitiatam Yusa nuke enentáimtumame” tiármiayi.

Juaṉ 13:18

Tura tájana nuna ashí tátsujrume. Anaikiaitiaj núnaka Wi nékajai. Tura Yus Chicham uminkiatniuiti, nékajai. Ju̱ áarmaiti ‘Wiji̱a̱i̱ yurumna nu winia nemasur ajasái.’ YKan. 41:9

Juaṉ 18:31

Tutai Piratu chicharainiak “Atumek jukirum atumí akuptámmari̱ji̱a̱i̱ ni tunaarí̱ nekaatarum” tutai Israer shuarsha chichainiak “Antsu iikia Israer shuartikia tunáa shuarsha máchminiaitji” tiármiayi.

Juaṉ 21:19

Jesus núja̱i̱ṉkia Pítiur itiur jákatniuit nuna ujakmiayi. Tura núnisaṉ jakamtai Yusan shiir awajsattana nuna ujakmiayi. Nuyá̱ Pítrun “Nemartusta” tímiayi.

Juaṉ 3:14

Iis, yaunchu Israer shuar atsamunam napi esaim tí jainiakui tsuámararat tusa Muisais napin nakumak yakí̱ numiniam awajaimiayi. Núnisnak Wisha awajnaitniuitjiai.

Juaṉ 8:28

Tuma asamtai chicharainiak “Aents Ajasuitjiana ju̱, numiniam ajintruarum yakí̱ takuriakrumin núja̱i̱ṉkia nekarattarme. Wi tájana nuitjiai tura winia enentái̱rja̱i̱ṉ takatsuk aya winia Apar unuitiurmanak tajai.

Tur. 7:59

Tura Estepaṉka tukamaitiat Yusan áujsamiayi. Tura áujuk “Uuntru Jesusá, winia wakantrusha jurutkitia” tímiayi.

Kar. 3:13

Tura Kristu yamaikia uwemtikrampramji. Akupkámun umirkachu yumiṉkramuiti tana nuka iin túramtsuji. Antsu Kristu iin yaintmaktin krúsnum jaka yumiṉkramu ajasmiayi. Kame áarmaiti “Shuar jakati tusa numiniam nenasma yumiṉkramuiti.” Muis. 21:22-23

Muis. 21:23

ni aya̱shi̱ nui̱ṉ numiniam nenarum atsawe̱tsuk nu tsawantini̱ṉ iwiarsatniuitrume. Warí numiniam nenamua nuka Yusai̱ya̱ yumiṉkiaiti. Tura Uunt Yus atumín nuṉkan amasua nuna yajauch awajsa̱i̱ṉ tusarum túratniuitrume.