Juaṉ 18:20 - Yus Papí: Shuarja̱i̱ Yus Yamaram Chicham Najanamu

²⁰ Jesussha aya̱k “Ashí aents iimiainiai̱ṉ tuke etserniuitjiai. Israer shuar iruntai̱nmasha tura Yusa Uunt Je̱e̱ncha nuyá̱ Israer shuar irunainia nui̱sha arantsuk tuke etserkaitjiai.

Juaṉ 18:20 Iomraidhean Croise

YKan. 22:22

Túruta asakmin Ame náarmin winia yatsurun ujakártatjai. Kame Yusru, iruntramunam kantampruáttajme. Isr. 2:12

YKan. 40:9

Uunt Yusá, ti untsurí irunar matsatmanum Ame péṉker túramurmin yawe̱tsuk etserkamaj nuka Ámeka nékame.

Mat. 24:26

Tuma asamtai ‘Iis, Kristu nui̱ aents atsamunam pujawai’ turamainiakuisha nui̱ weerap. ‘Ju̱i̱ ú̱mak pujawai’ tuíniakuisha anturkairap.

Mat. 26:55

Nuna tinia Jesus nu shuaran chicharuk “Átum kasá achiktaj tawa nútiksarum puya̱ja̱i̱sha numiji̱a̱i̱sha tarutniurme. Kame ashí tsawantai̱ Yusa Je̱e̱n atumji̱a̱i̱ pujusan Yus Chichaman etsermiajai. Nui̱sha achirkachmarme.

Mat. 26:65

Nuyá̱ Yúsnan pujurniu uuntri̱ nuna antuk ti kajek ni pushiri̱ ja̱a̱k chichaak “Ju̱ áishmaṉ ni chichame̱ja̱i̱ Yusan nekas yajauch chicharniuiti. Nuya̱sha ¿warí atsumajⁱ? Atumsha Yusan yajauch chicharu antukcharmek.

Mat. 4:23

Ashí Kariréanam Jesus Israer shuar iruntai̱niam etserki̱ wémiayi. Yus ju̱ nuṉkanam akupkatin chichaman etserkamiayi. Tura untsurí suṉkurja̱i̱ jáinian ashí tsuármiayi.

Mat. 9:35

Jesus ashí péprunam we ni iruntai̱ri̱n wayá̱ uwempratin chichaman étseruk “Yus akupeana nui̱ eṉkemátarum” tu etsermiayi. Tura ashí najaimiayancha tura suṉkurja̱i̱ jáiniancha tsuámiayi.

Mar. 8:32

Nunasha paant ujakmiayi. Tura Pítrusha Jesusan arantach jukí̱ kakantramiayi. “Tu chichasaip” tímiayi.

Ruk. 21:37

Tuke tsawant tsawai̱sha Yusa Uunt Je̱e̱n Jesus unuiniamiayi. Tura káshikia Uriwiu nainnium we wémiayi.

Ruk. 4:15

Nu nuṉkanam ashí péprunam Israer shuar iruntai̱ je̱a̱ armia nui̱ unuiniarmiayi. Tura anturkarmia nuka ni náari̱n shiir awajsarmiayi.

Juaṉ 18:21

¿Urukamtai Winia inintiam? Winia chichamprun antukarua nu aniastarum. Wi timian ni ujatmákarti. Wi timiancha nisha nékainiatsuk.”

Juaṉ 6:59

Núnaka Kapernáumnum Israer shuar iruntai̱niam Jesus tu unuiniarmiayi.

Juaṉ 7:14

Nampersha ajapén ajasmatai Jesus Yusa Uunt Je̱e̱n wayá̱ shuaran unuiniamiayi.

Juaṉ 7:26

Tura nui̱ ashí ántamunam étserui tura suntar páchiniatsui. ¿Ii úuntri̱sha ‘Nekas Krístuiti’ tu enentáimtuiniawash?

Juaṉ 7:28

Jesus nuna antuk Yusa Uunt Je̱e̱n wajá kakaram chichaak “Winia nekararum tuyá̱ winiaj nu nékarme. Kame núnisrum enentáimprume. Tura winia enentái̱rja̱i̱ táchaitjiai antsu winia Apar akuptúkuiti. Nisha ti nekas akupniúsha átumka nékatsrume.

Juaṉ 7:4

Ashí shuar nekaawarat tákumka ú̱kam túrawaip. Ti tujintiamu túriniaitkiumka ashí shuar íimmianum túrata” tiármiayi.

Juaṉ 8:2

Tura kashin tsawa̱r Yusa Uunt Je̱e̱n ataksha támatai ashí shuar Niin káutkarmiayi. Túrawarmatai Jesus pujus unuiniarmiayi.

Juaṉ 8:26

Nu arantcha atumín súmamtikiatjarum tusan ti tíminiaitjiai. Winia Apar akuptúkua nuka tuke nekasa nuna tawai. Tura aya ni táman antukan ashí shuaran nunak tajai” tímiayi.

Tur. 26:26

Wi tájana nuna uunt Akripia ju̱i̱ pujana nuka nékawai. Tuma asamtai arantutsuk nin chichareajai. Kame ju̱ túrunamu ti paant asamtai nisha nékawai, tajai” tímiayi.