Juaṉ 18:1 - Yus Papí: Shuarja̱i̱ Yus Yamaram Chicham Najanamu

¹ Jesussha nuna tinia amuk ni unuiniamuri̱ji̱a̱i̱ Kitrun entsá katiṉkí̱ numi arakmanum wémiayi.

Juaṉ 18:1 Iomraidhean Croise

Naṉ. 2:15

Kame takakmak wainkiat tusa Uunt Yus áishmaṉkan Eten ajanam

Naṉ. 3:23

Tuma asamtai Uunt Yus nuna túrunawara̱i̱ṉ tusa Ataṉkan Eten ajanmaya̱ ji̱i̱ki̱ akupkámiayi. Nuṉkaja̱i̱ najanamu asamtai nuṉká takakmasat tusa túramiayi.

2 Sam. 15:23

Ashí entsan katitiainiai̱ ashí aents kakantar útiarmiayi. Núnisaṉ úunt akupniuka tura ashí aents niji̱a̱i̱ yujarmia nui̱m Kitrun ashintsan katitrar kampuntin atsú jintianmaani̱ wéarmiayi.

1 Akup. 15:13

Núnisaṉ ni nukuchri̱ Máakanka najanamu yus Aseran nakumak mui̱jmiainian najana asamtai nuwa̱ úunt akupniuya̱ nuya̱ṉka jí̱i̱kmiayi. Tura Ásaka mui̱jmiai̱ nakumkar najanamuya̱ núnaka emesak Kitrun ashintsanam áesamiayi.

1 Akup. 2:37

Ju̱ péṉker nekaata jiinkim Kitrun ashints wéakum katitkiumka tsaṉkurnatsuk jakattame. Nuyá̱ ame númpemka áminiak waketkittiawai” tímiayi.

2 Akup. 23:4

Kame úunt akupin Jusíaska Yúsnan pujurniu uuntri̱ Irkíasan tura chíkich Yúsnan pujurin armia nunasha chicharainiak Uunt Yusa Je̱e̱n Paarna tura Aseranu núnisaṉ yáanusha wariṉkish írunna nuka ashí ji̱i̱rtarum tusa akupkámiayi. Túram núnaka ashí ji̱i̱rar Jerusaréṉnumia̱nka arant ekemákarmiayi túrawar yuṉkunmiri̱ṉkia Pitirnum júkirmiayi. Núnisaṉ najankamu yus ainia nuna takarin Páaran tura etsa̱ncha núnisaṉ nantuncha nuyá̱ nayaimpiniam írunna nunasha ántsaṉ yaan kuṉkuinian áestin armia núnaka ashí jí̱i̱rmiayi. Nuna tura Asera enentáimtutai̱ numi Uunt Yusa Je̱e̱n amia nunasha ji̱i̱ki̱ Jerusaréṉnumia̱ṉka arant jukí̱ áesamiayi. Tura yuṉkunmiri̱ṉkia aents iwiarsarma armia nuna uká ukatú awajsarmiayi.

Jrm. 31:40

Tura jákaru núnisaṉ yuṉkunim paka tutainiam je̱á̱ chaiki̱ paka áiniana nuyá̱ juárkimiuk Kitrun ashintsa tímianai núnisaṉ etsa̱ tatainmaani̱sha tsukintiaani̱ Kawái waiti tutaiya̱ tímianaisha ashí nú nuṉka Uunt Yusna akantúkma átatui. Nuya̱ṉka atakka tsuriarchamu tura emestasha peṉké emeskachma átatui” tawai Uunt Yus.

Mat. 26:30

Yus kantan kantamáwar umikiar Uriwiu nainnium wéarmiayi.

Mat. 26:36

Nuyá̱ Jesus ni unuiniamuri̱ji̱a̱i̱ Jitsemaní ajanam jeá chichaak “Ju̱i̱ pujusrum nákarsatarum. Aranta ai̱ wena Yusan áujsataj.”

Mar. 14:26

Yus kantan kantamáwar jíinkiar Uriwiu nainnium wéarmiayi.

Mar. 14:32

Nuyá̱ Jitsemaní ajanam jeawar ni unuiniamuri̱n chicharainiak “Wikia Yusan áujsataj tusa pujái̱ átumka ju̱i̱ pujustarum” tímiayi.

Mar. 14:42

Nantaktiarum, wemí. Iis, Winia súrutna nu nuntumsai” tímiayi Jesus.

Juaṉ 14:31

Tura Wikia winia Aparun aneajai tura Ni akuptúrkama nuna tuke túrajai. Ashí shuar nuna nekaawarti tusa ashí túrunatniuiti. Wajaktiarum. Ju̱yá̱ wetái” tímiayi.

Juaṉ 18:26

Chíkich takarin Marku shuari̱ nui̱ pujumiayi. Pítiur Marku kuíshi̱n tsupirkamia nuna shuari̱ asa chichaak “¿Ajanam Jesusja̱i̱ wekaamin wáinkiachmakjam?”

Tur. 21:11

Nisha taa Papru emenmamkari̱n achikmiayi. Tura achik niṉki ni nawe̱n tura uwejé̱ncha jiṉkiamamiayi. Nuna tura chichaak “Yusa Wakaní̱ tawai ju̱na emenmamka nérenniuri̱n Israer shuar Jerusaréṉnum pujuinia nu jútikia jiṉkiawar Israer shuarchanum surukartatui tawai” tímiayi.