Juaṉ 17:8 - Yus Papí: Shuarja̱i̱ Yus Yamaram Chicham Najanamu

⁸ Ame chichamem surusmam nuna ujakam nisha umirtámkaruiti. Ame akuptúkakmin Amiiní̱ya̱ táwitjiai. Nu nekasaiti tu enentáimtuiniawai.

Juaṉ 17:8 Iomraidhean Croise

Neka. 1:23

Antsu wi tájana nuja̱i̱ seertarum. Wi nekatai̱ asan wakantruja̱i̱ jintintiakun paant nékamtikiattajrume.

Neka. 1:3

Núnisaṉ unuimiátar péṉker enentáimkia átinniasha nuyá̱ esetar wekasatniuncha tura yajauchinmaani̱ wekasashtinniasha nékamtikiainiajai.

Neka. 2:1

Uchiru, wi tájamna nu antukam tuke enentáimtakmeka jintíamu chicham antukta. Tura “nekas enentái̱rja̱i̱ péṉker nekaataj” tusam wakerakmeka esettsam enentáimtusta.

Neka. 4:10

Tuma asamtai uchiru, winia chichamur antukta tura wi tájamna nu ímiatrusmek túrata. Nu umíakmeka núkap uwí iwiaaku pujustatme.

Neka. 8:10

Tura wi jintinkiartamu unuimiátratniuka kuítji̱a̱i̱sha tura kuriji̱a̱i̱sha naṉkaamas wakerújataiti.

Mat. 13:11

Tutai Jesus chichaak “Urukuk ju̱ nuṉkanam Yus akupin ati, nuka yaunchu nekanachmiayi. Tura yamaikia Yus ashí nuna atumín paant iniakturmawai. Antsu chíkich nuna nekaachmin áiniawai.

Juaṉ 12:49

Wi enentáimmiaja̱i̱ṉ chichaatsjai. Winia Apar akattúr akuptúkuiti. Tura chichastinia nuna surusuiti.

Juaṉ 14:10

Winia Aparja̱i̱ tsaniṉkian pujakun tura winia Aparsha Wiji̱a̱i̱ pujakui tuke chikichkitji. ¿Nu nékatsrumek? Wi tájarmena nu Winia chichampruchuiti. Yus Apa Winí̱ pujak ni wakeramun takaawai.

Juaṉ 15:15

Takarniuka ni uuntri̱ takaana nuna nékatsui. Tuma asamtai ‘winia takarniúruitrume’ tátsujrume. Antsu ashí winia Apar táman ujaku asan ‘winia amikruitrume’ tájarme.

Juaṉ 16:30

Mash nékaitme. Shuar Ámin ininmatsa̱i̱ṉ péṉker áimkiatin nékame. Nu nekaar Ame nekas Yusai̱ya̱itme tu enentáimtaji” tiármiayi.

Juaṉ 17:14

Wikia jú̱ nuṉkanmaya̱nchuitjiai. Nisha núnisaṉ jú̱ nuṉkanmaya̱nchu áiniawai. Tuma asamtai Ame chichammin Wi súsarmatai jú̱ nuṉkanmaya̱ shuarka nin muí̱jkiarmai.

Juaṉ 17:18

Ju̱ nuṉkanam akuptúkmam áintsanak Wisha nin ju̱ nuṉkanam akupkaruitjiai.

Juaṉ 17:21

Núja̱i̱ṉkia ashí nisha chikichik ajasárti. Wisha Amesha, Aparu, chikichik ájinia núnisaṉ nisha Iiji̱a̱i̱ chikichik ajasártai tusan seajme. Nuja̱i̱ ju̱ nuṉkanmaya̱ shuar akuptúkuitmena nuna nekaawartatui.

Juaṉ 17:23

Amesha Winí̱ init pujakmin tura Wi ni enentái̱n pujakui nisha peṉké chikichik ajasárti. Túramtai Ame akuptúkuitmena tura Winia anenmena áintsam nu shuarsha aneamna nuna ashí shuar nekaawartatui.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Juaṉ 3:17

Yus aentsun kajerak jinium surukat tusa ni Uchirí̱n akupkachmiayi. Antsu uwemtikrarat tusa akupkámiayi.

Juaṉ 3:33

Antsu ni chichame̱n ántana nuka ‘Yusa Chichame̱ imiá nekasaiti’ tawai.

Juaṉ 6:68

Semuṉ Pítrusha ái̱kmiayi “Uuntá, ¿yáini̱ṉ wétajⁱ? Ame chichammiji̱a̱i̱ṉ tuke iwiaaku áminiaiti.

Juaṉ 8:42

Tura Jesus chichaak “Yus nekas atumí Aparí̱ntkiuiṉkia Winiasha anentíntrume Yusai̱ya̱ tau asamtai. Wisha winia enentáimmiarja̱i̱ ju̱i̱ táchaitjiai antsu Yus akuptúkuiti.

1 Kur. 11:23

Ii Uuntri̱ Kristu jintintruama núnaka ujakmajrume. Jútas tuke súratsa̱i̱ṉ, nu kashi ii Uuntri̱ Jesus apatkun jukí̱

1 Kur. 15:1

Ataksha yatsuru, uwempratin chichaman wi etserkamaj nuna atumín enentáimtikrattsan wakerajrume. Nu chichamsha atumsha enentáimturarum tariarurme.

Muis. 18:18

Amea ánis Yúsnan etserniun ame yatsuminianak anaikiattajai. Tura winia chichamprun etserkattawai. Nuyá̱ ashí Wi títiatjana nuja̱i̱ métek chichartamkattawai.

1 Tis. 2:13

Yus Chicham ii étserma antukrum aya aentsnumia̱ṉchaiti tímiarme. Yusai̱ya̱iti tímiarme. Nu tiniu asarum umirkamarme. Kame nekas tárume. Ii étserjinia nu nekas Yusa Chichame̱nte. Átum nu chicham umirka asakrumin atumí enentái̱n kakaram ajastinian amaawai, Yus Chicham asa. Átum Yus Chicham umirkaru asakrumin iisha tuke tsawant Yus yúmiṉkiaji.

1 Tis. 4:1

Iikia Uunt Jesus akupkámuitji. Tuma asar nu kakarmaja̱i̱ atumniasha ju̱ túratarum tusan akupeajrume. Atumsha iwiaaku pujarmena nui̱ Yus shiir waramtiksatarum tura tuke péṉker túrukrum wetarum tusar seajrume. Iisha nuik atumín unuiniarmajrumna nútiksarmek túratarum.

1 Jṉ. 4:14

Yus Apa ni Uchirí̱n ashí shuaran uwemtikrarat tusa ju̱ nuṉkanam akupkámia nu wainkia asarⁱ étsereaji.

Apu. 1:1

Jú̱ áarman Jesukrístun Yus ujakmiayi. Wárik túrunatta nuna ni shuari̱n ujakárat tusa ujakmiayi. Tuma asamtai Jesukrístu ni suntari̱n akupak ashí winia paant awajtúrsamai. Wisha Jesukrístu takarniúri̱ Juáṉkaitjiai.