Juaṉ 17:6 - Yus Papí: Shuarja̱i̱ Yus Yamaram Chicham Najanamu

⁶ Ashí jú̱ nuṉkanmaya̱ surusármamna nú shuaran Ámin nekamtikiamjai. Áminiu áiniakui surusármame. Nisha ame chichammin umirtámkaruiti.

Juaṉ 17:6 Iomraidhean Croise

YKan. 119:11

Amiin yajauchin túrawa̱i̱j tusan Ame chichammin nekas shiir enentáimtusan umíajai.

YKan. 22:22

Túruta asakmin Ame náarmin winia yatsurun ujakártatjai. Kame Yusru, iruntramunam kantampruáttajme. Isr. 2:12

Jiin. 9:16

Núnisaṉ winia kakarmarun ámin iniaktustajam tusan tura winia naar ashí nuṉkanam etserkamu atí tusan máchuitjiame.

Neka. 2:10

Kame neka ajasmeka tura nékamna nuja̱i̱ shiir nekapeakmiṉkia jú̱nis arutmáttawai.

Neka. 23:23

Nekasa nusha tura ti neka átincha núnisaṉ unuimiártincha nuyá̱ enentáimtai̱sha sumakta túram surukaip.

Juaṉ 1:18

Yúsnaka chikichkisha peṉké wáinkiachuiti. Tura ni Uchirí̱ chíkichkia nu tuke Niji̱a̱i̱ tsaníaku asa Yusan paant awajtúrmasuitji.

Juaṉ 12:28

Aparu, wi túramuja̱i̱ ashí shuar ame náarmin shiir enentáimturarti” tímiayi Jesus. Tutai nayaimpinmaya̱ chichaman antukarmiayi “Winia náarun shiir awajsaitjiai tura ataksha shiir awajsattajai” tímiayi.

Juaṉ 15:19

Atumsha ju̱ nuṉkanmaya̱ shuaraitkiurminkia níniua nútiksaṉ anenmaintrume. Antsu Wí shuar ajastarum tusan ju̱ nuṉkanmaya̱ achikmajrume. Túramtai nekas ju̱ nuṉkanmaya̱nchuitrume yamaikia. Nu asamtai nu shuar nakitramainiawai.

Juaṉ 15:3

Wi ujakjarmena nuja̱i̱ puruarmaitrume.

Juaṉ 15:7

Tuke Winí̱ áchitkiaitkiurmeka tura Winia Chichamprusha kajinmáttsuk emetarmeka átum wakerarmena nu seakrumin amastatjai.

Juaṉ 17:12

Ju̱i̱ niji̱a̱i̱ pujakun ame kakaram náarmiji̱a̱i̱ ti péṉker wáinkiarmajai. Antsu Yus Chichamnum aarma uminkiati tusa aya chikichik meṉkakaiti. Nisha tuke emesnartinia núiti.

Juaṉ 17:14

Wikia jú̱ nuṉkanmaya̱nchuitjiai. Nisha núnisaṉ jú̱ nuṉkanmaya̱nchu áiniawai. Tuma asamtai Ame chichammin Wi súsarmatai jú̱ nuṉkanmaya̱ shuarka nin muí̱jkiarmai.

Juaṉ 17:16

Wi ju̱ya̱nchuitiaj áintsaṉ nisha ju̱ya̱nchu áiniawai.

Juaṉ 17:2

Ashí aentsun akupkatin tsaṉkatkaitme. Núja̱i̱ṉkia Nin susamna nú shuaran yamaram iwiaakman tuke amuukashtinian súsaiti.

Juaṉ 17:24

Aparu, shuar surusmam nu Wi pujustatjana nui̱ pujusárti tusan seajme. Kame ju̱ nuṉká nájanchamunmaṉ tuke anentin asam ti shiir awajtúsuitme. Tura ti shiir awajtúsmamna nuna íisarti tusan nuna seajme.

Juaṉ 17:26

Nú shuaran Ame Náarmin nekaawarti tusan jintintiáitjiai tura nu arantcha jintintiáttajai. Núja̱i̱ṉkia Winia anenniuitmena nuka niin atí tura Wisha niin atajai” tú aujsamiayi Jesus.

Juaṉ 17:7

Ashí Wi takaajna nu Amek surusuitme. Nisha nuna nekaawaru áiniawai.

Juaṉ 18:9

Jesus nuik áujuk “Winia Apar surusma nu meṉkakacharai” timia nu uminkiati tusa Jesus “waketkiarti” tímiayi.

Juaṉ 6:37

Ashí shuaran Winia Apar tsaṉkatrukarmiania nu, Wí shuar ajasártatui. Winin winiana núnaka peṉké nakitrashtatjai.

Juaṉ 6:39

Winia Apar akuptúkuiti tura ju̱na wakerawai. Ashí winia tsaṉkatrukman emeṉkátsuk amuukatin tsawantai̱ iniantkiarat tusa wakerawai.

Juaṉ 8:51

Ti nekasaiti. Wi tájana nuna enentáimta nú shuarka peṉké jákashtiniaiti” tímiayi.

Juaṉ 8:52

Nuiṉkia Israer shuar chicharainiak “Pai, yamaikia ti paant íwianch takakme. Aprajámsha ashí Yúsnan etserniusha jákaruiti tura Ame ‘Wi tájana nuna enentáimtaka peṉké jákashtiniaiti’ tátsumek.

Tur. 13:48

Nú chichaman antukar Israer shuarcha ti wararsar “Uunt Yus tana nuka imiá péṉkeraiti” tiármiayi. Tura ashí tuke iwiaaku pujusmin achikma armia nu Krístun enentáimtusar Yus shuar ajasármiayi.

Rum. 11:2

Yámankamtaikniumia̱ Yus Israer shuaran ni shuar ártí tusa achikiu asa yamaikia iniaisashtatui. Ti yaunchu Yúsnan etserin Irías Israer shuaran pachis Yusan áujtak

2 Kur. 4:6

Yaunchu kiritin aan Yus tsáapin ati tusa tsáapnin awajsachmakia. Nú Yúsaiti ii enentái̱n tsáapnin awajtámsamia nu. Nu tsáapniji̱a̱i̱ ni shíirmari̱n Jesukrístu iniakmana nuna ashí aents nekaawarat tusar Jesukrístunu étsereaji.

Kurs. 3:16

Kristu shiir Chichame̱ atumí enentái̱n piaktí. Nekas naka enentáimprarum jintinniáiyarum mai̱ ikiakánai ajatarum. Yus kanta kantamárum tuke enentáiji̱a̱i̱ Yus yumiṉsarum shiir awajsatarum.

2 Tim. 1:13

Shiir chichaman jintintiamajmena nuke emetata. Jesukrístuja̱i̱ tsaniṉkiu asar Yus nekas enentáimtaji tura nuja̱i̱ aneṉkratniuitji. Tuke núnismek túrata.

Isr. 2:12

Yus Papinium núnisaṉ tawai “Ame náarmin winia yatsurun ujakártatjai. Ashí iruntramunam kantampruáttajme.” YKan. 22:22

Isr. 3:6

Túrasha Kristu Yusa Je̱e̱n takarniuchu asa antsu Yusa Uchirí̱ asa nui̱ ashí akupeawai. Nu je̱a̱sha iitji. Tura tuke iniaitsuk kakaram ajasár Yus suramsattaj nu wararsar nákastiniaitji.

1 Pit. 1:1

Wisha ju̱ papin aajna nu Pítruitjiai. Wisha Jesukrístu akatrámurintjiai. Israer shuar Yus shuar árumna nuna atumín aṉkant aṉkant tsakiṉmakarum chíkich chíkich nuṉkanam matsatrumna nuna áatjarme. Púntunmasha Karaseanmasha Kapatúseanmasha Ásianmasha Pitinianmasha pujarmena nuna áatjarme.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.

Apu. 2:13

‘Ashí ame túram nuna nékajai. Iwianchi uuntri̱ Satanás akupea nui̱ pujayatmek tuke shiir enentáimturmena nuna nékajai. Winia shiir umirtínian Ántipasan máwarmataisha Winia enentáimtursatin ishichkisha iniaitiuschamame. Nusha íwianch pujutai̱nium pujakrumin túrunamai.

Apu. 3:10

Katsuntrata tímiaj nu, shiir umirka asakmin Wisha tí wáitsatin ashí nuṉkanam átatna nuyá̱ uwemtikrattajme. Nu wáitsatniuja̱i̱ ashí nuṉkanmaya̱ shuar nekapnasartatui.Rum. 14:10; 2 Kur. 5:10

Apu. 3:8

‘Ashí ame túram nuna nékajai. Kakarmachuitiatmek winia chichamur shiir enentáimtakum Winia initiuschaitme. Tuma asakmin wáitin uratjiame. Nuna chíkich peṉké epenchamniaiti.