Juaṉ 17:26 - Yus Papí: Shuarja̱i̱ Yus Yamaram Chicham Najanamu

²⁶ Nú shuaran Ame Náarmin nekaawarti tusan jintintiáitjiai tura nu arantcha jintintiáttajai. Núja̱i̱ṉkia Winia anenniuitmena nuka niin atí tura Wisha niin atajai” tú aujsamiayi Jesus.

Juaṉ 17:26 Iomraidhean Croise

YKan. 22:22

Túruta asakmin Ame náarmin winia yatsurun ujakártatjai. Kame Yusru, iruntramunam kantampruáttajme. Isr. 2:12

Juaṉ 14:20

Tura nu tsawantai̱ ju̱ nekaattarme. Wisha winia Aparja̱i̱ tsaniṉkia pujakur chikichkitji. Núnisnak Wisha atumji̱a̱i̱ tsaniṉkian pujajai. Tura atumsha Wiji̱a̱i̱ tsaniṉkia pujarme.

Juaṉ 14:23

Jesus chichaak “Winia anentuka tájana nuna enentáimtawai. Winia Aparsha nu shuaran aneattawai. Tura Wisha winia Aparuí̱ nu shuarja̱i̱ tsaniṉkia pujustatji.

Juaṉ 15:15

Takarniuka ni uuntri̱ takaana nuna nékatsui. Tuma asamtai ‘winia takarniúruitrume’ tátsujrume. Antsu ashí winia Apar táman ujaku asan ‘winia amikruitrume’ tájarme.

Juaṉ 15:4

Átumka Winí̱i̱ pujustarum núnisnak Wisha atumíin pujustatjai. Warí kanawe̱ kampui̱i̱n áchitkiachkuṉka níṉkikia peṉké nerekchamniaiti. Núnisrumek atumsha Winí̱i̱ áchitkiachkurmeka nerekchattarme.

Juaṉ 15:9

Winia Apar anenna nútiksanak Wisha atumín aneajrume. Winia aneamur tuke atarum.

Juaṉ 17:23

Amesha Winí̱ init pujakmin tura Wi ni enentái̱n pujakui nisha peṉké chikichik ajasárti. Túramtai Ame akuptúkuitmena tura Winia anenmena áintsam nu shuarsha aneamna nuna ashí shuar nekaawartatui.

Juaṉ 17:6

Ashí jú̱ nuṉkanmaya̱ surusármamna nú shuaran Ámin nekamtikiamjai. Áminiu áiniakui surusármame. Nisha ame chichammin umirtámkaruiti.

Juaṉ 17:8

Ame chichamem surusmam nuna ujakam nisha umirtámkaruiti. Ame akuptúkakmin Amiiní̱ya̱ táwitjiai. Nu nekasaiti tu enentáimtuiniawai.

Juaṉ 6:56

Winia aya̱shrun yúakka tura winia numparnasha úmakka Wi niin pujurjai tura ni Winí̱ pujurtawai.

Juaṉ 8:50

Wikia ‘shiir enentáimturarti’ tátsujai túrasha Yuska ashí shuar Winia shiir enentáimturat tusa wakerawai. Nisha Yus asa ashí shuar túramun péṉkerashit tusa nekaattawai.

Rum. 8:10

Tura Kristu atumín pujurtamkurminkia atumí aya̱shi̱ tunaaja̱i̱ jakamnia ai̱ṉ Yus “péṉkeraitme” túramu asamtai atumí wakaní̱ṉkia nekas tuke iwiaakuiti.

1 Kur. 1:30

Tura Yus atumín Krístuja̱i̱ tsaniṉ apujtamsaiti. Tura Kristu enentáimtusar Yus nekas nekatai̱ṉkia nekaattaji. Kristu enentáimtakrin Yus shiir enentáimturmaji, péṉker awajtamji tura uwemtikramji.

1 Kur. 12:12

Iikia Kristu aya̱shí̱ya áintsarⁱ aya̱shímkiaitji. Kristu aya̱shí̱ muchitmari̱sha írunui. Nisha túmaitiat chikichik aya̱shtiniaiti.

Kar. 2:20

Wisha Krístuja̱i̱ krúsnum jákaitjiai. Tuma asamtai yamaikia wikia iwiaaktsujai wi wakeraj nuna túratniun antsu Kristu winí̱ iwiaakui ni wakera nuna túratniun. Tura ju̱ aya̱shnium pujayatan aya Kristu enentáimtakun iwiaakjai. Krístusha Yusa Uchirí̱ntiat winia ti anentuk jarutkamiayi.

Ipi. 1:6

Núja̱i̱ṉkia ni waitnenkartutairi̱ imiá péṉkera nu paant atí tusa nuna túriniaiti. Núnaka peṉké ántar ni aneamu Uchirí̱n suramsaitji.

Ipi. 3:17

Yus nekas enentáimtakrumin Kristu atumí enentái̱n pujusat tusan áujtajrume. Tuke yapají̱tsuk aneṉkratin átarum tusan áujtajrume.

Ipi. 5:30

ni aya̱shí̱ asamtai. Kame ni aya̱shí̱ muchitmarintji.

Ipi. 5:32

Nusha Kristu ni shuari̱ji̱a̱i̱ tsaniṉmán tawai. Nuka yaunchu nekaachma yamaikia nekanaiti tura ti enentáimturtiniaiti.

Kurs. 1:27

Nu chichamsha ju̱i̱ti. Kristu atumí enentái̱n pujak Niji̱a̱i̱ métek ti shíiram awajtámsattawai. Nu imiá shiir chichamnum Israer shuarchasha pachiniainian Yus ashí ni shuari̱ nekaawarat tusa wakerimiayi.

Kurs. 2:10

Túmakui̱ atumsha Krístuja̱i̱ tsaniṉkiu asarum ni iwiaakmari̱ takamtsuk takakuitrume. Krístusha ashí akupniun akupniuiti. Aentsnumsha iwianchniumsha tura nayaimpinmasha ashí akupin írunna nuna akupniuiti.

Kurs. 3:11

Ashí írunna nuja̱i̱ naṉkaamas Kristu ashiyaiti. Níiniun pujurui. Tuma asamtai ashí ni shuari̱ enentái̱n pujá asamtai nusháa enentáimtunairchatniuiti. Kriaku aentssha tura Israer shuarsha, tsupirnakusha tura tsupirnakchasha, apachcha tura yajaya̱ shuarsha, takarin ainia nusha tura aṉkant ainia nusha, Kristu ashí ni enentái̱n pujakui nusháa enentáimtunairchatniuiti.

2 Tis. 2:16

Ii Uuntri̱ Jesukrístusha tura ii Aparí̱ Yussha tí peṉker ásar iincha anenmatsjik. Tura waitnentrama ásar iincha shiir enentáimtikramji. Tura nú naṉkaamas ii tuke péṉker pujustinian ikiurtámsaitji.

Isr. 2:12

Yus Papinium núnisaṉ tawai “Ame náarmin winia yatsurun ujakártatjai. Ashí iruntramunam kantampruáttajme.” YKan. 22:22

1 Jṉ. 3:24

Shuar ni chichame̱n umía nuka Yusja̱i̱ tsaniṉ wekaawai tura Yus niji̱a̱i̱ tsaniṉ wekaawai. Mai̱ chikichik ajasu áiniawai. Tura Yusa Wakaní̱ ii enentái̱n pujá asamtai nuja̱i̱ Yus iiji̱a̱i̱ tsaniṉ wekaana nu nékaji.