Juaṉ 17:25 - Yus Papí: Shuarja̱i̱ Yus Yamaram Chicham Najanamu

²⁵ Tí peṉker Aparu ju̱ nuṉkanmaya̱ shuar Ámin nekarmainiatsui. Antsu Wikia nékajme. Núnisaṉ Wí shuarsha ame akuptúkman nékainiawai.

Juaṉ 17:25 Iomraidhean Croise

Isa. 45:21

Kame yúsaiti tusarmechuk untsúarum wats, weantúkrum untsuktarum. Túrarum ashí anintrústaj tusarum weantúktarum. Yama naṉkamtaiksha ¿ya ju̱na tíniuit? ¿Ya ti yáunchusha etserkait? ¿Nuiṉkia nu Uunt Yus Wíchakaitiaj? Tura Wini̱ya̱ṉka chíkich yuska péṉkeran túrak uwemtikkiartinkia peṉké atsawai.

Mat. 11:27

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Mat. 16:16

Semuṉ Pítrusha “Ámetme Kristu, Yus Anaikiamu. Nekas iwiaaku Yusa Uchirí̱nme” tímiayi.

Ruk. 10:22

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nú shuarsha winia Aparun nékainiawai” tímiayi Jesus.

Juaṉ 1:18

Yúsnaka chikichkisha peṉké wáinkiachuiti. Tura ni Uchirí̱ chíkichkia nu tuke Niji̱a̱i̱ tsaníaku asa Yusan paant awajtúrmasuitji.

Juaṉ 15:21

Winia Akuptúkun nékachu ásar Winia enentáimturkurmin yajauch awajtámsartatui.

Juaṉ 16:3

Nu shuar Winiasha tura winia Aparnasha nékachu ásar túrutmawartatui.

Juaṉ 16:30

Mash nékaitme. Shuar Ámin ininmatsa̱i̱ṉ péṉker áimkiatin nékame. Nu nekaar Ame nekas Yusai̱ya̱itme tu enentáimtaji” tiármiayi.

Juaṉ 17:11

Yamaikia Wikia jú̱ nuṉkanam pujuschattajai tura nu shuarka ju̱i̱ pujuartatui. Tuma asamtai Ámiji̱a̱i̱ pujustajtsan winiakui ashí surusármam nuka, Tunaarincha Aparu, ame kakaram náarmiji̱a̱i̱ wáinkiarta. Wisha Ámiji̱a̱i̱ chikichik ájinia núnisaṉ nisha ashí iruntrar chikichik ajasárti.

Juaṉ 17:18

Ju̱ nuṉkanam akuptúkmam áintsanak Wisha nin ju̱ nuṉkanam akupkaruitjiai.

Juaṉ 17:21

Núja̱i̱ṉkia ashí nisha chikichik ajasárti. Wisha Amesha, Aparu, chikichik ájinia núnisaṉ nisha Iiji̱a̱i̱ chikichik ajasártai tusan seajme. Nuja̱i̱ ju̱ nuṉkanmaya̱ shuar akuptúkuitmena nuna nekaawartatui.

Juaṉ 17:23

Amesha Winí̱ init pujakmin tura Wi ni enentái̱n pujakui nisha peṉké chikichik ajasárti. Túramtai Ame akuptúkuitmena tura Winia anenmena áintsam nu shuarsha aneamna nuna ashí shuar nekaawartatui.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Juaṉ 17:8

Ame chichamem surusmam nuna ujakam nisha umirtámkaruiti. Ame akuptúkakmin Amiiní̱ya̱ táwitjiai. Nu nekasaiti tu enentáimtuiniawai.

Juaṉ 3:17

Yus aentsun kajerak jinium surukat tusa ni Uchirí̱n akupkachmiayi. Antsu uwemtikrarat tusa akupkámiayi.

Juaṉ 6:19

Ajapén ajasár Jesus entsá pátatek nanamas tíjiu̱ch winian wáinkiar ashamkarmiayi.

Juaṉ 7:29

Antsu Winia akuptúkuitkiui ai̱ya̱ tau asan Wikia nékajai” tímiayi.

Juaṉ 8:19

Takui̱ “¿Ame apasha tui̱ pujá?” tiármiayi. Tutai “Átumka Winiasha winia Aparsha nékatsrume. Winia nékarkurmeka winia Aparsha nekaawaintrume” tímiayi Jesus.

Juaṉ 8:55

Nusha táyatrum Nin nékatsrume. Wikia Nin nékajai. ‘Nin nékatsjai’ tákunka atumji̱a̱i̱ métek wáitrin aintjiai. Tura Nin neka asan Ni tana nuna tuke túriniaitjiai.

Tur. 17:23

Kame wi nuik atumí yusri̱ enentáimtutai̱niam íistaj tukamán nui̱ je̱a̱chin iwiaramun, JU̱ NEKAACHMA YUSNAITI tu áarman wainkiamjai. Wátsek, ju̱ Yus átum nékachiatrum tikishmátrumna nuna ujaktajrume.

Tur. 26:18

Péṉker jintintiata tusan akupeajme. Kame aentssha kiritniumia̱ jíinkiar tsáapninium wekasarat tusan tura iwianchi kakarmari̱ya̱ aṉkant awajsar Yusan umirkarat tusan akupeajme. Tura Winia enentáimtursarmatai Wisha ni yajauchiri̱n tsaṉkurattajai. Nuna túran Yusna ajasáru áiniana nuja̱i̱ apujsattajai.’ Nuna Jesus turutmiai.

Rum. 1:28

Tura tuke Yusan nakitiáinia asamtai ti yajauch enentáimiainiak peṉké túrachminia nuna túrawarti tusa Yus tsaṉkatkarmiayi.

Rum. 3:11

Yúsnan nekaatniun nakitiáiniawai. Yusnasha e̱a̱iniatsui.

Rum. 3:26

Tura yamaiya̱ tunaancha tsaṉkureak ashí shuar Jesus táman nékaskete tú enentáimtuinia nu shuaran Yus “tunaarincha awajsaitme” tíminiaiti. Kristu jakamuja̱i̱ nuka paant ajasái.

1 Kur. 1:21

Aya ni nékamuja̱i̱ aents Yusan nekaacharmiayi. Núnisaṉ atí tusa Yus túramiayi timiá neka asa. Antsu ashí aentsun Yus ni chichame̱ja̱i̱ uwemtikratniun wakerimiayi. Chíkich “ántraiti” tuíniana nu chichamja̱i̱ṉᵏⁱ Yus Niin enentáimtuinia núnaka uwemtikratniun wakerak túramiayi.

1 Kur. 15:34

Tunáa ikiuakrum péṉker wekasatin shiir enentáimpratarum. Iis, shuar Yusan nékainiachu tuke awai. Atumín natsa̱a̱ruk tusan tájarme.

2 Kur. 4:4

Iwianchi uuntri̱ ju̱ nuṉká yusri̱ ana nu, nu aentsu enentái̱n ukusturuiti. Krístunu shiir chichaman ii étsermaja̱i̱ tsáapnin enentáimprara̱i̱ṉ tusa ukustawai. Krístuka Yusan ímiatrusaṉ nakumui.

2 Tis. 1:8

Tura nú tsawantai̱sha Yusan nékainiatsna núnaka ii Uuntri̱ Jesukrístu Uwempratin Chichame̱n uminiatsna nunasha ti asutiátajtsa tátatui.

Isr. 8:11

Nui̱sha Yusan nekaat tusa ni ai̱sha ni yachi̱sha jintinniáiyachartatui. Warí ashí shuar, uchisha uuntcha niṉki nekarawartatui.

1 Jṉ. 1:9

Antsu ii yajauch túramuri̱ Yus paant ujakrinkia Yuska tsaṉkurtámprattaji. Tura ashí ii tunaari̱n asakátramprattaji. Yuska tí peṉker asa Ni tana nuna tímiatrusaṉ umikmin asa túrattawai.

Apu. 13:8

Túramtai ashí aents tuke iwiaaku átinia nu papinium ni naari̱ yámankamtaikniumia̱ anujkamu atsúarma nuka nu Yajasman tikishmátrarmai. Nu papincha Murik jaka nantakmia nu takakui.

Apu. 16:5

Nuyá̱ suntar entsá wáinniua nuna chichame̱n antukmajai. “Uuntá, amek tí peṉker Yus asam jú̱tikiame. Yáunchusha tuke pujúu asam tí shiiraitme.