Juaṉ 17:22 - Yus Papí: Shuarja̱i̱ Yus Yamaram Chicham Najanamu

²² Ame páantniuram surusuitmena núnisnak Wisha winia páantniurun súsaruitjiai. Iikia chikichik ájinia núnisaṉ nisha chikichik ajasárti tusan túraitjiai.

Juaṉ 17:22 Iomraidhean Croise

Mar. 6:7

Tuse unuiniamuri̱n untsuk jímiar jímiar werum Yus Chicham etserkatarum tusa akupkarmiayi. Tura iwianchin nupetkarat tusa ni kakarmari̱n súsarmiayi.

Ruk. 22:30

Tura akupin pujutai̱nium pujusrum Israer shuar tuse írutkamu akupkáttarme tajai.” Tú timiayi.

Juaṉ 1:14

Túrasha nú Chichamsha aya̱shtin ajas iiji̱a̱i̱ núkap tsawant pujumiayi. Yusa waitnenkartutairiji̱a̱i̱ tura ashí nekasa nuja̱i̱ piákuyi. Núnisaṉ ni péṉkeri̱n aya Yusa Uchirí̱ chíkichkia nu takusminia nuna iniakmamiayi. Nusha iisha paant wáinkiaitji.

Juaṉ 1:16

Chichamsha ti waitnenkartin asa ashí péṉker ana nuna súak nuyá̱ waitnenkartutai̱n súramji.

Juaṉ 14:20

Tura nu tsawantai̱ ju̱ nekaattarme. Wisha winia Aparja̱i̱ tsaniṉkia pujakur chikichkitji. Núnisnak Wisha atumji̱a̱i̱ tsaniṉkian pujajai. Tura atumsha Wiji̱a̱i̱ tsaniṉkia pujarme.

Juaṉ 17:24

Aparu, shuar surusmam nu Wi pujustatjana nui̱ pujusárti tusan seajme. Kame ju̱ nuṉká nájanchamunmaṉ tuke anentin asam ti shiir awajtúsuitme. Tura ti shiir awajtúsmamna nuna íisarti tusan nuna seajme.

Tur. 5:41

Jesusa akatrámuri̱sha Israer shuara uuntri̱ pujamunmaya̱ jíinkiarmiayi. Tura wáitsamniaitrume tusa Yuska Jesusa naari̱ pachia asakrin ii natsantin wáitsatniun tsaṉkatramkaitji tusar ti shiir enentáimsar wéarmiayi.

Rum. 8:30

Tura Yus achikmia nuna Niniu awajsámiayi. Tura nu shuaran “péṉkeraitrume” tímiayi. Tura ti shiir awajsámiayi.

2 Kur. 3:18

Nu asamtai iisha ii yapi̱ tarachji̱a̱i̱ nukukchamu asar íspikia núnisketji. Uunt Kristu péṉkeri̱ iniakmaji. Kristu péṉkeri̱ nú nukap takaki̱ wéakur Krístuja̱i̱ métek ajastasa pujaji. Yusa Wakaní̱ṉkia nuna túrawai.

2 Kur. 5:20

Krístunu ataksamu asar Yuska atumín suir íirmarmena nu atsaṉkrarum aṉkant ajasat tusa Krístuja̱i̱ nawamnaikiatarum tusa ii wene̱ja̱i̱ atumín seatmarme. Tuma asakrin Kristu náari̱i̱n túratarum tájarme.

2 Kur. 6:1

Yusa Papiri̱i̱n Isayas áarmaiti “Tsawant jeamtai ame seatmena nuna anturkamajme. Uwempratin tsawant jeamtaisha yáiṉmajme.” Isa. 49:8 Wats yamaikia Yus seatin jeayi. Yamái Yusai̱ uwempratin jeayi.Isa. 61:2 Tuma asamtai iikia Yusa takatrí̱n pachitkiajnia nu, Yusa aneṉkrattairi̱ péṉker achiktarum tusar seajrume.

Ipi. 2:20

Átum uunt je̱a̱ je̱a̱mma núnisaitrume. Uunt je̱a̱ je̱a̱mtin emka kaya apujtúktiniaiti je̱a̱ ti wewe atí tusa. Núnisaṉ yaunchu Yúsnan etserniusha tura Kristu akatrámuri̱sha Yus Chichaman etserainiak imiá nekas enentáimtustinia nuna apujtukarmiayi. Tura ashí nuja̱i̱ naṉkaamas Jesukrístu enentáimtustiniaiti.

Jir. 1:29

Krístunu asarum Ni nekas enentáimtustinniasha tura Niniu asarum wáitsatniusha Yus anenma asa tsaṉkatramkaitrume.

Kurs. 1:24

Atumín wáitiaknasha ti shiir waraajai. Kristu ni shuari̱n nekas péṉker awajsat tusa wáitiana nui̱ pachinkia asan waraajai. Ashí Yus shuar Kristu aya̱shí̱ áintsaṉ áiniakui Yus shuaran yáiṉtajtsan aya̱shruja̱i̱ wáitiakun shiir enentáimjiai.

1 Jṉ. 1:3

Yus Apaja̱i̱sha ni Uchirí̱ Jesukrístuja̱i̱sha tsaniṉkiar nekas chikichík ajaji. Tura atumsha núnisrumek iiji̱a̱i̱ chikichík ajasúk tusar wainkiamajnia nuna tura anturkamajnia nunasha ujajrume.

1 Jṉ. 3:24

Shuar ni chichame̱n umía nuka Yusja̱i̱ tsaniṉ wekaawai tura Yus niji̱a̱i̱ tsaniṉ wekaawai. Mai̱ chikichik ajasu áiniawai. Tura Yusa Wakaní̱ ii enentái̱n pujá asamtai nuja̱i̱ Yus iiji̱a̱i̱ tsaniṉ wekaana nu nékaji.

1 Jṉ. 4:17

Núnisar tí peṉker anenkartin ajaji. Túrarⁱ sumamtikiatin tsawantai̱ natsamtsuk wajastatji. Kame ju̱ nuṉkanam pujayatrik Jesukrístuja̱i̱ méteketji.

Apu. 21:14

Ti uunt kaya tuse apujsamu armai. Tura nui̱ ekenir péṉkramuyi. Nu tuse kayanam Murikiu akatrámuri̱ tuse armia nuna naari̱ áarmauyi.