Juaṉ 17:21 - Yus Papí: Shuarja̱i̱ Yus Yamaram Chicham Najanamu

²¹ Núja̱i̱ṉkia ashí nisha chikichik ajasárti. Wisha Amesha, Aparu, chikichik ájinia núnisaṉ nisha Iiji̱a̱i̱ chikichik ajasártai tusan seajme. Nuja̱i̱ ju̱ nuṉkanmaya̱ shuar akuptúkuitmena nuna nekaawartatui.

Juaṉ 17:21 Iomraidhean Croise

Jrm. 32:39

Nuyá̱ nu aentsun chikichik enentái̱ji̱a̱i̱ métekrak takasarat tusan tsaṉkatkartatjai tura tuke iniaitsuk Winia arantúrkar nisha nuyá̱ ni uchirí̱sha ti shiir pujusártatui.

Sup. 3:9

“Jiuwá náari̱n ashí aents páchiniak métekrak chichasar Nin péṉker takarsarat tusan nu tsawantinkia ashí nuṉkanmaya̱ aentsun ni wene̱ja̱i̱ṉkia aya péṉkera nunak Wikia ataksha chichamtikiattajrume.

Sak. 14:9

Nuiṉkia Uunt Yus ashí ju̱ nuṉkanam akupkáttawai. Nu tsawantinkia Uunt Yusak aya Níṉkiti tura ni náari̱nkia chikichkiniak átatui.

Mar. 3:24

Chikichik nú nuṉkanmaya̱ shuar nuamtak kajernaiyakuiṉkia, nu nuṉka wari meserchattawak.

Juaṉ 10:16

Chíkich muriknasha takakjai. Nusha ju̱ wenuimiunmaya̱nchu áiniawai. Nunasha itiattajai. Nu muriksha Winia umirtukar ashí métek matsamsar chikichík wenuimiunmaya̱ ajasártatui tura chikichik wáinin átatui.

Juaṉ 10:30

Wikia winia Aparja̱i̱ aya chikichkitji” tímiayi Jesus.

Juaṉ 10:38

Tura nekas túrakuiṉkia enentáimtursatarum. Tura Winia nakitrakrumsha nuikia wi túramu enentáimtustarum. Núja̱i̱ṉkia winia Apar Winin pujamu ashí nekaattarme. Núnisnak Wisha Niin pujajai. Iisha chikichkitji.”

Juaṉ 11:42

Winiasha tuke anturtame tura ju̱ shuaran péṉker enentáimtikrataj tusan tajai. Ame akuptúkuitmena nuna nekarmawarti.”

Juaṉ 13:32

Wi Yusa kakarmari̱n paant awajeakui Wisha ni Uchirí̱ asamtai winia kakarmarnasha Yuska wárik paant awajsattawai.

Juaṉ 13:35

Anenaiyakrumni̱ṉkia nuja̱i̱ ashí shuar ‘Kristu unuiniamuri̱ áiniawai’ turamartatui.”

Juaṉ 17:11

Yamaikia Wikia jú̱ nuṉkanam pujuschattajai tura nu shuarka ju̱i̱ pujuartatui. Tuma asamtai Ámiji̱a̱i̱ pujustajtsan winiakui ashí surusármam nuka, Tunaarincha Aparu, ame kakaram náarmiji̱a̱i̱ wáinkiarta. Wisha Ámiji̱a̱i̱ chikichik ájinia núnisaṉ nisha ashí iruntrar chikichik ajasárti.

Juaṉ 17:18

Ju̱ nuṉkanam akuptúkmam áintsanak Wisha nin ju̱ nuṉkanam akupkaruitjiai.

Juaṉ 17:20

Aya níniunkeka seatainiatsjame antsu ashí ni chichame̱ncha antukar Winia nekas enentáimtursartatna nusha ame yaiṉkiarta tusan seajme.

Juaṉ 17:25

Tí peṉker Aparu ju̱ nuṉkanmaya̱ shuar Ámin nekarmainiatsui. Antsu Wikia nékajme. Núnisaṉ Wí shuarsha ame akuptúkman nékainiawai.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Juaṉ 17:8

Ame chichamem surusmam nuna ujakam nisha umirtámkaruiti. Ame akuptúkakmin Amiiní̱ya̱ táwitjiai. Nu nekasaiti tu enentáimtuiniawai.

Juaṉ 3:17

Yus aentsun kajerak jinium surukat tusa ni Uchirí̱n akupkachmiayi. Antsu uwemtikrarat tusa akupkámiayi.

Juaṉ 5:23

Tuma asamtai ashí shuar Yus Apan shiir awajainia áintsaṉ ni Uchirí̱ncha métek shiir awajsatin áiniawai. Yus Apa ni Uchirí̱n akupka asamtai Uchirí̱n shiir awajeatsna nuka Yus Apancha shiir awajeatsui” tímiayi.

Tur. 2:46

Tuke tsawant Yusa Uunt Je̱e̱n kauniarmiayi. Tura ni je̱e̱ncha iruntrar warainiak Kristu enentáimtustin námper najanin ármiayi. Tura naṉkamantu enentáimtumatsuk yurumkan ajamnainiarmiayi.

Tur. 4:32

Yus shuar ajasármia nu tí untsuritiat ashí chikichík enentáiniak enentáimainiak ni takaku armia nuna aya wíniakete tútsuk ju̱sha ashí iiniu áiniawai tiármiayi.

Rum. 12:5

Núnisrik iisha, Yus shuarti, aya̱shí̱ muchitmari̱ya̱ áintsarik untsurítiatar chikichik aya̱shtinia áintsar takaaji. Nusha Krístuja̱i̱ tsaniṉkiu asar áitkiamuitji. Túramu asar nuamtak atsumnaiyaji.

1 Kur. 1:10

Yatsuru, ii Uuntri̱ Jesukrístu naari̱ pachisan seajrume métek enentáimpratarum tusan. Niisháa niisháa enentáimprairap antsu chikichik enentáiji̱a̱i̱ métek enentáimsa pujustarum.

1 Kur. 12:12

Iikia Kristu aya̱shí̱ya áintsarⁱ aya̱shímkiaitji. Kristu aya̱shí̱ muchitmari̱sha írunui. Nisha túmaitiat chikichik aya̱shtiniaiti.

1 Kur. 6:17

Tura shuar ii Uuntri̱ Krístuja̱i̱ tsaniṉkiar mai̱ chikichík wakantin ajainiawai.

Kar. 3:28

Jesukrístuja̱i̱ tsaniṉkiu asarⁱ imiá métek aji. Israer shuar, Israer shuarcha aṉkant ainia nu aṉkantcha ainia nu áishmaṉ, nuwa̱, ashí mash Jesukrístunuitkiuiṉkia yamaikia “niishaaiti” tu enentáimprashtiniaiti. Ni shuari̱ mash chikichik áiniaji.

Jir. 1:27

Kristu chichame̱ tí peṉker asamtai atumsha aya péṉkera nuke túratarum. Wi atumji̱a̱i̱ pujaknasha tura yajá pujaknasha átum ti shiir túrarmena nuna antuktinian wakerajai. Ashí shuar uwempratin chichaman nekaawar umirkarat tusarum chikichik enentáiji̱a̱i̱ kakaram ajastarum.

1 Jṉ. 1:3

Yus Apaja̱i̱sha ni Uchirí̱ Jesukrístuja̱i̱sha tsaniṉkiar nekas chikichík ajaji. Tura atumsha núnisrumek iiji̱a̱i̱ chikichík ajasúk tusar wainkiamajnia nuna tura anturkamajnia nunasha ujajrume.

1 Jṉ. 5:7

Nu asamtai menaint “Yusa Uchirí̱nti” Jesusan tuíniawai. Nayaimpiniam Yus Apa tura Jesukrístu, Chícham aa nu tura Yus Wakancha, nuṉkanmasha Yus Wakancha, entsasha tura numpasha. Mash métekrak tuíniawai.