Juaṉ 17:2 - Yus Papí: Shuarja̱i̱ Yus Yamaram Chicham Najanamu

² Ashí aentsun akupkatin tsaṉkatkaitme. Núja̱i̱ṉkia Nin susamna nú shuaran yamaram iwiaakman tuke amuukashtinian súsaiti.

Juaṉ 17:2 Iomraidhean Croise

YKan. 110:1

Uunt Yus winia Úuntrun ju̱na chichaak “Akupin pujutai̱niam, winia untsuurui̱ni̱ pujusam Ame nemasrumin nupetkan Ámin umirtamkarti tusan amaamam nákarsata. Mat. 22:44; Isr. 1:3,13

Tan. 7:14

Nuya̱ṉka akupkatin tura naṉkamantu ajastin núnisaṉ akupin átincha sunasmai. Tuma asamtai ashí aents tura mátsatkamu uunt nuṉka ainia nuya̱sha núnisaṉ chíkich chíkich chichamtin ainia nusha Nin shiir enentáimtuiniak umiriarmai. Warí, ni akupkatniuri̱ṉkia náṉkatkachu amuukashtin tura peṉké emesnarchatniuiti.

Mat. 11:27

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Mat. 25:46

Nu shuarka tuke wáitsatniunam wéartatui. Tura Yus achikma ainia nusha tuke iwiaaku Yusja̱i̱ pujustinnium wéartatui” tímiayi Jesus.

Mat. 28:18

Nuyá̱ Jesus tíjiu̱ch tantá chichaak “Ashí nayaimpinmasha nuṉkasha akupkatniun kakarman surusuiti.

Juaṉ 17:24

Aparu, shuar surusmam nu Wi pujustatjana nui̱ pujusárti tusan seajme. Kame ju̱ nuṉká nájanchamunmaṉ tuke anentin asam ti shiir awajtúsuitme. Tura ti shiir awajtúsmamna nuna íisarti tusan nuna seajme.

Juaṉ 17:6

Ashí jú̱ nuṉkanmaya̱ surusármamna nú shuaran Ámin nekamtikiamjai. Áminiu áiniakui surusármame. Nisha ame chichammin umirtámkaruiti.

Juaṉ 17:9

Ni yaiṉkiarta tusan seajme. Jú̱ nuṉkanmaya̱ shuaran Ámin enentáimturmainiatsna nuna seattsujai. Antsu Ame surusármamna nuna Áminiu ajasármatai yaiṉkiarta tusan seajme.

Juaṉ 3:35

Yus Apa ni Uchirí̱n anea asa ashí ana nuna iistí tusa íktusuiti.

Juaṉ 4:14

Antsu Wi súajna nú entsan umarka atakka peṉké kitiamchattawai. Antsu nu entsaka ni enentái̱n púkuni̱ya̱ ántsaṉ tuke pajamtitiawai tura nuja̱i̱ tuke iwiaaku pujustatui.”

Juaṉ 6:27

Ju̱yá̱ yurumak amuukatin asamtai ti enentáimtuschatnuitrume̱. Antsu amuukashtin yurumak tuke iwiaaku pujustinian amaana nu takarsatniuiti. Nú yurumkanka Wi Aents Ajasu asan susattajrume. Tú tusa Yus Apa nuna túratniun surusuiti” tímiayi.

Juaṉ 6:37

Ashí shuaran Winia Apar tsaṉkatrukarmiania nu, Wí shuar ajasártatui. Winin winiana núnaka peṉké nakitrashtatjai.

Juaṉ 6:39

Winia Apar akuptúkuiti tura ju̱na wakerawai. Ashí winia tsaṉkatrukman emeṉkátsuk amuukatin tsawantai̱ iniantkiarat tusa wakerawai.

Rum. 6:23

Tunáa takarkumka tuke jákatniun akirmáktatui. Antsu Yuska iikia takaatsrini̱ṉ peṉké ántar tuke iwiaaku pujustinian suramsattaji. Ii Uuntri̱ Jesukrístuja̱i̱ tsaniṉkia pujá asakrin nuna túrutmattaji.

1 Kur. 15:25

Iis, jú̱nisaṉ átatui. Emka Yus Apa ashí ni nemasri̱n nupetak Krístun susattawai akupin atí tusa.

Ipi. 1:20

nuja̱i̱ Krístun jakamunmaya̱ iniantkímiayi. Tura nayaimpiniam jukí̱ ni untsuurí̱ni̱ akupin pujutai̱nium apujsamiayi.

Jir. 2:10

Tuma asamtai ashí nayaimpiniam írunna nusha, nuṉká írunna nusha, tura iwiarsamusha Jesusa náari̱n antukar tikishmátrartatui.Isa. 45:23

1 Tim. 1:16

Ti tunáa ai̱ṉ Jesukrístu ti anenkartin ana nu paant nekanati tusa Yus winia waitnentrurmiayi. Tuma asamtai chíkich shuar wiji̱a̱i̱ métek Yusan nekas enentáimtusar Niji̱a̱i̱ tuke iwiaaku pujusártatui.

Isr. 1:2

Kame amúamu tsawantin pujajnia ju̱i̱ṉkia Ni Uchiri̱i̱ní̱ chichartamkaitji. Tura ashí írunna nunasha Niini̱ najanka asa Ni nérentin ajasti tusa Uchirí̱n ashí súsaiti.

1 Pit. 3:22

Tura Nisha nayaimpiniam we akupin pujutai̱nium Yusa untsuurí̱ni̱ apujsamuiti. Túramtai nayaimpinmaya̱ suntarsha tura ashí kakaram akupin áiniana nusha Jesukrístun umirainiawai.

1 Jṉ. 1:2

Iwiaaku átinia nérenniusha paant nekanamiayi nusha Jesukrístuiti. Iisha Ni wainkia asar nu étsereaji. Tura tuke iwiaaku átinia nérenniuri̱ asa tuke Yus Apaja̱i̱ pujuyayi. Tura yamaikia iiní̱ paant ajatrámsakrin atumniasha ujajrume.

1 Jṉ. 2:25

Jesukrístusha Niji̱a̱i̱ tuke iwiaaku pujustinian tsaṉkatramkaitji.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.

Jut. 1:21

Yus ti anenmakui ni wakera nu wakeruktarum atumsha. Túrarum ni anenmamu shiir nekaattarme. Tsawant winiawai, ii Uuntri̱ Jesukrístu iin waitnentrama asa tuke shiir Niji̱a̱i̱ pujustinian amastatji. Nu tsawant naká pujutarum.