Juaṉ 17:14 - Yus Papí: Shuarja̱i̱ Yus Yamaram Chicham Najanamu

¹⁴ Wikia jú̱ nuṉkanmaya̱nchuitjiai. Nisha núnisaṉ jú̱ nuṉkanmaya̱nchu áiniawai. Tuma asamtai Ame chichammin Wi súsarmatai jú̱ nuṉkanmaya̱ shuarka nin muí̱jkiarmai.

Juaṉ 17:14 Iomraidhean Croise

Naṉ. 3:15

Ámin nuwa̱ja̱i̱ nemasmamtikiattajme. Tura ame tiraṉmí tiraṉki̱sha nuwa̱nuja̱i̱sha núnisaṉ nemasnaikia ártatui. Ti ukunam nuwa̱nu átatna nu muukmin najatmarmatai ame ni saṉkani̱n esaim najaimiamtikiattame.” Tú timiayi Uunt Yus.

Neka. 29:27

Yajauchin túrin ainia nu péṉkera túrin ainia nuna muí̱jiainiawai núnisaṉ péṉker wekainia nu Yusan enentáimtichu ainia nuna muí̱jiainiawai.

Sak. 11:8

Tura chikichkí nantunmaṉ menaintiú murikiu wáinniun ji̱i̱rarmajai. Tura nuna túrawaran tí kuntuts nekapramjai núnisaṉ nisha nakitrurarmiayi.

Mar. 10:39

Takui̱ “Túramniaitji, páchitskea” tuíniakui Jesus chichaak “Wats, Wi umartatjana nu umartatrume tura Wi imiantiatjana núnisrumek imiantiatrume.

Juaṉ 17:16

Wi ju̱ya̱nchuitiaj áintsaṉ nisha ju̱ya̱nchu áiniawai.

Juaṉ 17:8

Ame chichamem surusmam nuna ujakam nisha umirtámkaruiti. Ame akuptúkakmin Amiiní̱ya̱ táwitjiai. Nu nekasaiti tu enentáimtuiniawai.

Juaṉ 7:7

Ju̱ nuṉkanmaya̱ aents atumniaka kajertamatsrume. Antsu ni tunaari̱n etsertamu ásar Wíniaka kajertuiniawai.

Juaṉ 8:23

Nuiṉkia Jesus chichaak “Átumka nuṉkaya̱itrume antsu Wikia nayaimpinmaya̱itjiai. Ju̱ nuṉkaya̱itrume tura Wikia ju̱ya̱nchuitjiai.

1 Jṉ. 3:12

Iisha Kainkia ánin áchatniuitji. Íwianch shuar asa ni yachi̱n mámiayi. Tura ¿urukamtai mamia? Enentáimprata. Ni yajauch asa tura ni yachi̱ péṉker asamtai mámiayi.

1 Jṉ. 3:13

Yatsurtiram, ju̱ nuṉkanmaya̱ shuar nakitramainiakui ti enentáimsairap.