Juaṉ 17:13 - Yus Papí: Shuarja̱i̱ Yus Yamaram Chicham Najanamu

¹³ Yamaikia Amiini̱ winiajai. Tura ju̱i̱ tuke pujakun Wi warajna núnisar nisha ti shiir warasarat tusan ju̱na tájame.

Juaṉ 17:13 Iomraidhean Croise

Neem. 8:10

Nuyá̱ chicharainiak “Werum péṉker yurumak iwiaramu yurumárum yumincha umartarum. Núnisrumek yurumkan takaktsuna nusha ayurarum akupkatarum. Warí ju̱ tsawantka Yusna akantúkma Nin shiir enentáimtustinian tsawantaiti. Uunt Yusa waratáiri̱nkia iin ikiakátmakrin kúntuts pujusairap” tiármiayi.

YKan. 126:5

Útkamaikia arakmainia nuka waras júukartatui.

YKan. 43:4

Túrunan Yus áestutai̱niam jeattajai. Yusan shiir enentáimtakun wararsattajai. Shiir enentáimtakun árpaja̱i̱ Yusá winia Yusru shiir awajsattajme.

Juaṉ 13:3

Tura Jesus Yusai̱ya̱ tau asa waketkitniuyi. Tura Yus Apa ashí mash susamiayi akupin atí tusa. Jesussha nuna nekáa

Juaṉ 15:11

Wi warajna áintsarmek warastarum tusan nuna tájarme. Tura ti shiir warastatrume.

Juaṉ 16:33

Winia enentáimturkuram aṉkant shiir pujusuk tusan tájarme. Jú̱ nuṉkanam ti wáitsattarme. Tura Wi jú̱ nuṉkanmaya̱n nupetka asamtai warastarum” tímiayi Jesus.

Juaṉ 17:11

Yamaikia Wikia jú̱ nuṉkanam pujuschattajai tura nu shuarka ju̱i̱ pujuartatui. Tuma asamtai Ámiji̱a̱i̱ pujustajtsan winiakui ashí surusármam nuka, Tunaarincha Aparu, ame kakaram náarmiji̱a̱i̱ wáinkiarta. Wisha Ámiji̱a̱i̱ chikichik ájinia núnisaṉ nisha ashí iruntrar chikichik ajasárti.

Juaṉ 3:29

Kame shuar nuwa̱n nuatna nuna áishri̱nti. Nuatnaiyak áishmaṉ nuwa̱ja̱i̱ áujnaiyakui ni amikrí̱sha nuna antukar ti warainiatsuk. Wisha núnisnak aents Jesusai̱ wénakui ti waraajai.

Juaṉ 7:33

Nuyá̱ Jesussha chicharainiak “Aya ishichik tsawant atumji̱a̱i̱ pujustatjai. Nuyá̱ ataksha Winia akuptúku pujana nui̱ waketkittiajai.

Tur. 13:52

Yusa Wakaní̱sha pimiutkamu ásar Yus shuarka ti warasarmiayi.

Rum. 14:17

Kame Yus umirkatin yurumátniuja̱i̱sha umartinji̱a̱i̱sha enentáimtuschatniuiti. Antsu Yusa Wakaní̱ji̱a̱i̱ shiir wekasar Yusja̱i̱ tura shuarja̱i̱ nawamnaikiar tí peṉker wekasatniuitji.

Kar. 5:22

Ayu, yamaikia Yusa Wakaní̱ kakarmari̱ji̱a̱i̱ túratin enentáimsatai. Yusa Wakaní̱ ii enentái̱n pujak péṉker túratniun nerektinia áintsaṉ neremtikramji. Ju̱ áiniawai, aneatin, shiir enentáimsatin, Yusja̱i̱ tura shuarja̱i̱ nawamnaikiar wekasatin, shiir enentáiji̱a̱i̱ katsuntratin, chíkich shuar shiir awajsatin, wait aneaku átin, tana nuna tímiatrusaṉ umiktin,

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

1 Jṉ. 1:4

Kúntutsja̱i̱nchu ti shiir warasaruk tusan ju̱na áatjarme.

2 Jṉ. 1:12

Tí nukap atumji̱a̱i̱ áujmatsatniun wakerajai. Túrasha ju̱ papinium mash áatrashtatjarme. Antsu imia wiki atumín iyakun jeatjai. Nuyá̱ naka chichasar ti shiir warastatji.