Juaṉ 16:5 - Yus Papí: Shuarja̱i̱ Yus Yamaram Chicham Najanamu

⁵ Antsu yamaikia wáketjai winia Akuptúkmia nuja̱i̱ pujustaj tusan. Tuma ai̱ṉ wéajna nu inintratsrume.

Juaṉ 16:5 Iomraidhean Croise

Juaṉ 13:3

Tura Jesus Yusai̱ya̱ tau asa waketkitniuyi. Tura Yus Apa ashí mash susamiayi akupin atí tusa. Jesussha nuna nekáa

Juaṉ 13:36

Semuṉ Pítiur Jesusan aníak “Uuntá, ¿túa wéam?” tutai Jesussha “Wi wéajna nui̱ yamaikia winichminiaitrume. Tura ukunam winittiarme” tímiayi.

Juaṉ 14:28

Nuik timiaj nu antukmarme. Aparuí̱ wena atak atumíin tátatjai. Winia Aparka Wiji̱a̱i̱ naṉkaamas úuntaiti. Tuma asamtai ti nekas anentkurmeka ‘Aparuí̱ wéajai’ takui̱ ashí warasa̱a̱rme.

Juaṉ 16:10

Winia Aparuí̱ wáketkui wáitkiashtatrume. Tuma asamtai ashí shuar wi péṉker yajauchiji̱a̱i̱nchu wekaamun nekaawartatui.

Juaṉ 16:16

Ishichik pujusrum Winia wáitkiashtatrume. Nuyá̱ ataksha ishichik pujusrum ataksha waitkiattarme. Wisha winia Aparuí̱ wéajai.”

Juaṉ 16:17

Nuyá̱ ni unuiniamuri̱ nuamtak áujmatainiak “¿Jú̱ chichamsha warimpiait? ‘Ishichik pujusrum wáitkiashtatrume tura ataksha ishichik pujusrum waitkiattarme tura Aparuí̱ wéajai’ tátsuk.

Juaṉ 16:28

Winia Aparuí̱ya̱ jíinkin jú̱ nuṉkanam táwitjiai. Yamaikia jú̱ nuṉkanmaya̱ jíinkin ataksha Aparuí̱ wáketjai” tímiayi.

Juaṉ 17:13

Yamaikia Amiini̱ winiajai. Tura ju̱i̱ tuke pujakun Wi warajna núnisar nisha ti shiir warasarat tusan ju̱na tájame.

Juaṉ 17:4

Ashí túratniun akuptúkmamna nuna amukuitjiai. Túran ju̱ nuṉkanam shiir awajsaitjiame.

Juaṉ 6:62

Wátsek Wi nayaimpiniam pujuyaj nui̱ wáketkuisha ¿urukawaintrumek?

Juaṉ 7:33

Nuyá̱ Jesussha chicharainiak “Aya ishichik tsawant atumji̱a̱i̱ pujustatjai. Nuyá̱ ataksha Winia akuptúku pujana nui̱ waketkittiajai.

Isr. 1:3

Níyaiti Yusan imiá métek nakumeana nu. Tura Níyaiti Yus naṉkaamas shiira nuna paant awajeana nu. Nisha aya ni chichame̱ja̱i̱ kakarma nuja̱i̱ ashí írunna nuna wáiniuk emeta pujurui. Tura ii yajauch túramuri̱n nijiatramak akupin pujutai̱nium Yusa untsuurí̱ni̱ pujusuiti.

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.