Juaṉ 16:3 - Yus Papí: Shuarja̱i̱ Yus Yamaram Chicham Najanamu

³ Nu shuar Winiasha tura winia Aparnasha nékachu ásar túrutmawartatui.

Juaṉ 16:3 Iomraidhean Croise

Ruk. 10:22

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nú shuarsha winia Aparun nékainiawai” tímiayi Jesus.

Juaṉ 15:21

Winia Akuptúkun nékachu ásar Winia enentáimturkurmin yajauch awajtámsartatui.

Juaṉ 15:23

Winia nakitruinia nuka winia Aparnasha nakitiáiniawai.

Juaṉ 17:25

Tí peṉker Aparu ju̱ nuṉkanmaya̱ shuar Ámin nekarmainiatsui. Antsu Wikia nékajme. Núnisaṉ Wí shuarsha ame akuptúkman nékainiawai.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Juaṉ 8:19

Takui̱ “¿Ame apasha tui̱ pujá?” tiármiayi. Tutai “Átumka Winiasha winia Aparsha nékatsrume. Winia nékarkurmeka winia Aparsha nekaawaintrume” tímiayi Jesus.

Juaṉ 8:55

Nusha táyatrum Nin nékatsrume. Wikia Nin nékajai. ‘Nin nékatsjai’ tákunka atumji̱a̱i̱ métek wáitrin aintjiai. Tura Nin neka asan Ni tana nuna tuke túriniaitjiai.

Tur. 3:17

Wats, yatsurtiram wi nékajai. Atumsha atumí úuntri̱ji̱a̱i̱ Jesus túramarmena nu nékatsuk túramarme.

1 Kur. 2:8

Ju̱ nuṉkanam akupniúka nuna peṉké nekaacharmiayi. Nékainiakka ii Uuntri̱ timiá shiira nuna krúsnum mácharu a̱a̱yi.

2 Tis. 1:8

Tura nú tsawantai̱sha Yusan nékainiatsna núnaka ii Uuntri̱ Jesukrístu Uwempratin Chichame̱n uminiatsna nunasha ti asutiátajtsa tátatui.

1 Tim. 1:13

Wi Yusan imiá yajauch chicharniuyajai. Yus shuarnasha áintrarmiajai. Yusnasha katsekniuyajai. Túrin ai̱ṉ Yus winia waitnentrurmiayi. Kame Jesuska Yus Anaikiamun nékachu asan wi túramu yajauchiti tu enentáimchauyajai.

1 Jṉ. 2:23

Yusa Uchirí̱n nakitiáinia nu Yus Apaja̱i̱sha tsaniṉ pujatsui. Tura Yusa Uchirí̱n shiir awajea nu, Yus Apaja̱i̱sha tsaniṉ pujawai.

1 Jṉ. 3:1

Maa, shiir enentáimpratarum. Yus Apa ti anenma asa “winia uchir” tu anaitiamkaitji. Kame nekas ni uchirí̱ntji. Tuma asakrin jú̱ nuṉkanmaya̱ Yus shuarcha nekarmainiatsji. Kame Yusnasha nékainiatsui.

1 Jṉ. 4:8

Shuar aneṉkratcha nuka Yúsnanka nékatsui. Kame Yuska tuke aneṉkratniuiti.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.