Juaṉ 16:26 - Yus Papí: Shuarja̱i̱ Yus Yamaram Chicham Najanamu

^26-27 Nu tsawantai̱ átumka Winia enentáimtursarum winia Apar seattarme. Winia Aparsha atumín anea asamtai Wi Nin áujsatin atsumashtatrume. Winia anentu asarum tura winia Aparuí̱ya̱ táman enentáimtakrumin Nisha anenmawai.

Juaṉ 16:26 Iomraidhean Croise

Juaṉ 14:16

Tura wéakun winia Aparun chikichan akuptúrmakti tusan seattajai. Nisha atumji̱a̱i̱ tuke pujak atsaṉtamprartatui.

Juaṉ 14:20

Tura nu tsawantai̱ ju̱ nekaattarme. Wisha winia Aparja̱i̱ tsaniṉkia pujakur chikichkitji. Núnisnak Wisha atumji̱a̱i̱ tsaniṉkian pujajai. Tura atumsha Wiji̱a̱i̱ tsaniṉkia pujarme.

Juaṉ 16:19

Jesussha nin aniastai táman nekáa chichaak “‘Ishichik pujusrum wáitkiashtatrume nuyá̱ ataksha ishichik pujusrum waitkiattarme’ tímiajai. ¿Núchakait átum inintrústin wakerarmena nua?

Juaṉ 16:23

Nu tsawantinkia peṉké ininsashtatrume. Ti nekas tájarme Winia enentáimtursarum winia Apar searum nuna ashí amastatui.

Juaṉ 16:30

Mash nékaitme. Shuar Ámin ininmatsa̱i̱ṉ péṉker áimkiatin nékame. Nu nekaar Ame nekas Yusai̱ya̱itme tu enentáimtaji” tiármiayi.

Juaṉ 17:19

Nisha nekasa nuja̱i̱ mátrachu ti shiir ajasárti tusan Wisha mátrachu shiir awajmámsaitjiai.

Juaṉ 17:24

Aparu, shuar surusmam nu Wi pujustatjana nui̱ pujusárti tusan seajme. Kame ju̱ nuṉká nájanchamunmaṉ tuke anentin asam ti shiir awajtúsuitme. Tura ti shiir awajtúsmamna nuna íisarti tusan nuna seajme.

Juaṉ 17:9

Ni yaiṉkiarta tusan seajme. Jú̱ nuṉkanmaya̱ shuaran Ámin enentáimturmainiatsna nuna seattsujai. Antsu Ame surusármamna nuna Áminiu ajasármatai yaiṉkiarta tusan seajme.

Rum. 8:34

Tura ¿yaki “jinium apenáti” titi? Warí, Kristu peṉké túrashtatui. Antsu nu shuaran jarukmiayi. Tura nantaki̱ Yusa untsuurí̱ni̱ ekemas iin áujturmaji.