Juaṉ 16:22 - Yus Papí: Shuarja̱i̱ Yus Yamaram Chicham Najanamu

²² Atumsha núnisrumek yamaik kúntuts pujarme. Tura atak íitjiarum tusan winiakui ti shiir atumí enentái̱n warastatrume. Nu warastinian jurutrámkichmin áiniawai.

Juaṉ 16:22 Iomraidhean Croise

YKan. 146:2

Kame wi iwiaakjana ju̱i̱ṉkia Uunt Yusan shiir awajsattajai túran winia Yúsrun pujajna ju̱i̱ṉkia kantampruáttajai.

YKan. 33:21

Tuma asamtai ii enentáiṉkia Nin waraawai, warí Ni naari̱ tunaari̱ncha nu enentáimtiniaitji.

Isa. 25:9

Nu tsawantinkia chichainiak “Ii Yusri̱ṉkia Uunt Yuska ju̱i̱ti. Ni nákasaruitji tura uwemtikramprartatji. Kame uwemtikrampra asakrin shiir enentáimtusar wararsartai” tiártatui.

Jrm. 31:12

Kame káunkar Seun naintia tsakari̱n Yusa náari̱n shiir awajsártatui. Warí Uunt Yusa péṉkeri̱n yurumkan tura umutairi̱ yamarman nuyá̱ asuitin núnisaṉ murikji̱a̱i̱ waaká uchirí̱ncha tseke káutkartatui. Tuma asa aja entsa tuke ukatmá urukuit nuja̱i̱ métek átatui. Túmainiak atakka peṉké wáitsachartatui.

Mat. 28:8

Tutai nu nuwa̱ iwiarsamunmaya̱ wárik jíinkiar ashamainiayat ti warasar tseke waketkiarmiayi ni unuiniamuri̱n ujaktai tusar.

Ruk. 10:42

Tura aya chikichik nekas túratniuiti. Marikia nekas péṉker ana nuna achikiai. Nusha peṉké jurunkishtatui” tímiayi.

Ruk. 16:25

Tutai Aprajám chicharuk ‘Uchiru enentáimprata. Ame nuṉká iwiaaku pujusam ti shiir pujumame. Antsu Rásaruka nui̱ ti yajauch pujumai. Tura nisha yamaikia ju̱i̱ áyamui tura ámeka wáitiame.

Ruk. 19:26

Tutai uunt chichaak ‘Takakna nuja̱i̱ takaakuiṉkia patatnástatui tájarme. Tura takakna nuja̱i̱ takaachkuiṉkia ishichik takakkuisha jurunkíttiawai.

Ruk. 24:41

Warainiayat sapijmiainia ásar Nímpiashit tu enentáimtusarmiayi. Tuma asamtai nin chicharainiak “¿yurumak takakrumek?” tímiayi.

Juaṉ 14:1

“Kúntuts pujusairap. Yus enentáimtustarum, Winiasha enentáimtursatarum.

Juaṉ 14:19

Ishichik tsawant naṉkaamasmatai chíkich shuar írunna nu wáitkiachartatui. Tura Wi iwiaaku asamtai átumka nu iwiaakmaja̱i̱ pujustatrume. Tuma asarum waitkiattarme.

Juaṉ 14:27

Aṉkant shiir pujustarum. Aṉkant shiir pujajna núnisrumek pujustarum tusan amaajai. Jú̱ nuṉkanmaṉka warastin wáinkiashtatrume. Antsu itiurchatnum pujayatrumkesha Wiji̱a̱i̱ aṉkant shiir pujustatrume. Ashamtsuk pujustarum. Itiurchat enentáimprairap.

Juaṉ 16:16

Ishichik pujusrum Winia wáitkiashtatrume. Nuyá̱ ataksha ishichik pujusrum ataksha waitkiattarme. Wisha winia Aparuí̱ wéajai.”

Juaṉ 16:20

Ti nekas tájarme. Átumka kúntuts pujusrum úttiatrume tura Yus shuarcha warasartatui. Tuma ai̱ṉᵏⁱ átum kúntuts pujayatrumek ukunam warastatrume.

Juaṉ 16:6

Antsu nuna takui̱ tí kuntuts enentáimprarme.

Juaṉ 21:7

Núja̱i̱ṉkia Jesusa unuiniamuri̱ Jesus ti aneemia nu Pítrun chicharuk “Ii Úuntri̱nti.” Takui̱ Pítrusha áimiaku asa ni pushiri̱n entsar entsá iniaṉmiayi yukuak jeataj tusa.

Juaṉ 4:14

Antsu Wi súajna nú entsan umarka atakka peṉké kitiamchattawai. Antsu nu entsaka ni enentái̱n púkuni̱ya̱ ántsaṉ tuke pajamtitiawai tura nuja̱i̱ tuke iwiaaku pujustatui.”

Tur. 13:52

Yusa Wakaní̱sha pimiutkamu ásar Yus shuarka ti warasarmiayi.

Tur. 16:25

Tura kashi ajapéṉ Papru Sérasja̱i̱ Yusan áujainiak kantampriarmiayi. Tura chíkich eṉkeamusha nuna antúu pujuarmiayi.

Tur. 2:46

Tuke tsawant Yusa Uunt Je̱e̱n kauniarmiayi. Tura ni je̱e̱ncha iruntrar warainiak Kristu enentáimtustin námper najanin ármiayi. Tura naṉkamantu enentáimtumatsuk yurumkan ajamnainiarmiayi.

Tur. 5:41

Jesusa akatrámuri̱sha Israer shuara uuntri̱ pujamunmaya̱ jíinkiarmiayi. Tura wáitsamniaitrume tusa Yuska Jesusa naari̱ pachia asakrin ii natsantin wáitsatniun tsaṉkatramkaitji tusar ti shiir enentáimsar wéarmiayi.

2 Kur. 6:10

Kúntuts pujayatrik ii enentái̱nkia waraaji, kuítrinchaitiatrik chíkich shuar kuítrintin awajeaji, peṉké takakchiatrik ashí wainji.

2 Tis. 2:16

Ii Uuntri̱ Jesukrístusha tura ii Aparí̱ Yussha tí peṉker ásar iincha anenmatsjik. Tura waitnentrama ásar iincha shiir enentáimtikramji. Tura nú naṉkaamas ii tuke péṉker pujustinian ikiurtámsaitji.

Isr. 10:34

Atumsha sepunam pujuarmia nusha waitnentramarme. Tura shiir warasrum kuítrumin atantramainiakuisha katsuntramarme. Nayaimpiniam tuke amuukashtin ashiji̱a̱i̱ naṉkaamas írunna nu achiktin asarum túramarme.

Isr. 6:18

Yus peṉké waitruachmin asa áyatik ni tamaja̱i̱ nekasaiti. Nuna arant nuikia imia Niṉki pachimias ti ikiakátmaji iin. Nuja̱i̱ iisha uwempratai tusar Niní̱ weamkatikia tsaṉkatramkattajnia nu ti shiir enentáimsar wáinkiatin nákaji.

1 Pit. 1:8

Jesukrístu wáinchaitiatrum anearme. Tura yamái wáinchiatrumek nekas enentáimtarme. Tuma asarum ti wararme. Nu warastin nayaimpiniam warastatjinia núniskete, nuka paant títin jeatsji.