Juaṉ 16:2 - Yus Papí: Shuarja̱i̱ Yus Yamaram Chicham Najanamu

² Israer shuar iruntai̱nmaya̱ ji̱i̱ki̱ akuptámkattarme. Nu arantcha mantamainiaksha ‘Yusan shiir awajsattsan túrajai’ tiártatui.

Juaṉ 16:2 Iomraidhean Croise

Isa. 65:5

Tura nisha chichainiak ‘Weantúrkaip íkiaṉ wajasta. Warí iikia ámiji̱a̱i̱ naṉkaamas tí peṉker tunaarinchaitjiai’ tuíniawai. Nuka Winia nuji̱rui̱ṉkia mukuintiua núnis áiniak tsawant takamtsuk ji tí keak tuke kapa̱a̱na núnin áiniawai.

Isa. 66:5

Átum Uunt Yusa chichame̱ ántakrum sapijmiatirmeka Uunt Yusa chichame̱ antuktarum. Atumí yachi̱ Winia enentáimturkurmin muí̱jramainiak ji̱i̱ki̱ akuptámainiana nu chichainiak ‘Uunt Yus naṉkamantu awajsatarum. Túrakrumin atumí waramuri̱ wainkiartai’ tuíniawai túrasha niṉkia natsanmai̱ awajkámu ártatui.

Tan. 11:33

Nuyá̱ nú shuarnumia̱ neka ainia nusha untsurí aentsun nekatai̱n jintintiáwartatui. Túrasha ishichik tsawantak máamuksha tura áesamuksha ártatui. Túrutskesha achirar yaruakmasha núja̱i̱nchuka aya jú̱nik ujukamuksha ártatui.

Mat. 10:28

Aya aya̱shniak main ainia nu ashamkairap. Wakanin máchmin áiniawai. Antsu wakanmincha aya̱shmíncha mái̱mtek jinium emesramnia asamtai Yus nekas ashamkatarum.

Mat. 24:9

“Nuyá̱ atumniasha yajauch awajsarat tusa surutmakartatui. Tura mantamawartatui. Tura winia naar pachia asakrumin ashí shuar muí̱jramkartatui.

Ruk. 6:22

Núnisaṉ atumín aents nakitrámprarmataisha ajapramawarmataisha tura Wi Aents Ajasu tutaiya nú shuar ajasuíti tusar tsanumprutmak katsekramkarmataisha shiir enentáimpratarum.

Juaṉ 12:42

Tuma ai̱ṉ untsurí Israer shuarsha tura ni úuntri̱nmaya̱sha Jesusan nekas enentáimtusarmiayi. Tura nisha Pariséun ashamainiak paant tícharmiayi. Israer shuara iruntai̱ri̱ya̱ ji̱i̱ki̱ awetama̱i̱j tusa ashamiarmiayi.

Juaṉ 16:25

Métektaku chichamja̱i̱ nakumkan nuna tímiajai. Tura ukunmaṉka nuja̱i̱ chichatsuk winia Aparnan paant ujaktatjarme.

Juaṉ 16:32

Tí warik átumka ashamkarum tsakiṉmakattarme tura Winiak ikiurkittiarme. Antsu winia Apar pujakui Wiki pujatsjai.

Juaṉ 4:21

Jesus chicharuk “Nawantru nekaata. Tsawant jeatémai Yus Apa tikishmátratin aya jú̱ nainniumkechu núnisaṉ aya Jerusaréṉnumkesha áchattawai.

Juaṉ 4:23

Tsawant winittiana nu yamái jeayi. Ashí shuar Yus Apan nekas tikishmátainiakka wakaní̱ji̱a̱i̱ nekas enentáimtusar awajitsuk tikishmátrartatui. Tímiatrusar tikishmátrurat tusa Yus Ápaka wakerawai.

Juaṉ 9:22

Sapijmiak tiármiayi. Israer shuara úuntri̱ṉkia “Jesus Yus akupkámu asa nekas Krístuiti” tuinia núnaka Israer shuara iruntai̱nmaya̱ ji̱i̱ki̱ akupnákti tiniu ásarmatai tsuarma aparí̱ ashamkarmiayi.

Juaṉ 9:34

Nui̱ṉkia chicharainiak “Ámeka tunaarintin akiiniaitiatmesha ¿iin jintintin átaj tamek?” Nuna tiar ji̱i̱ki̱ awemarmiayi.

Tur. 5:33

Tutai nuna antukar ti kajerkarmiayi. Túrawar maatai tusar wakeriarmiayi.

Tur. 7:56

Tumá wainiak Israer shuaran chicharuk “Nuá iiskua, nayaimp uranniun wainjiai. Tura Jesusan, Aents Ajasu tutaiya nuna Yusa untsuurí̱ni̱ni̱ wajan wainjiai” tímiayi.

1 Kur. 4:13

Tsanumprutmakrincha tuke shiir chichaaji. Tsuata áintsarik tuke yamaisha ashí yajauchia núnisaṉ ajapramatniun enentáimturmainiaji.

Apu. 6:9

Nuyá̱ Murik asakamu séṉkun já̱a̱kmatai Yus sutai kuṉkuin áestutai̱ wakenmaani̱ íismajai. Túran Yus Chichaman etserainiakui máwarma wakaní̱n wainkiamjai.