Juaṉ 16:14 - Yus Papí: Shuarja̱i̱ Yus Yamaram Chicham Najanamu

¹⁴ Ashí Wínian ujatmak Winia shiir awajtústatui.

Juaṉ 16:14 Iomraidhean Croise

Sak. 12:10

Tura Tawitia shuari̱n nuyá̱ Jerusaréṉnum pujuinia nuna waitnenkartin tura Yus seamin enentái̱n súsartatjai. Nuya̱ṉka Winia ijiutiarmia nuna ijiumun wáinkiar kúntuts enentáimiainiak ni uchirí̱n chikichkiniak iwia̱i̱ri̱ ajakra núnis úttiartatui.

Juaṉ 14:21

Shuar Winia anentuka wi akupkámun nekáa umíawai. Nú shuarnaka winia Aparsha aneawai. Wisha nin aneajai tura nekarati tusan iniaktustatjai.” Jesus nuna tímiayi.

Juaṉ 15:26

Tura atsaṉtamprattsa yáintmana nuna winia Aparuí̱ya̱ akuptúktatjarme. Nisha tuke nekas tiniu Wakaniti. Nisha Yusai̱ya̱ taa atumín nekamtikramattarme.

Juaṉ 7:39

Nuna taku Jesus “Ashí Yusan enentáimtusarun Yusa Shiir Wakaní̱ súsatniuiti” tímiayi. Tura núnisaṉ Yus Papiniumsha áarmaiti. Antsu Jesus tuke nayaimpiniam wéatsa̱i̱ṉ Yusa Wakaní̱ shuar súsachmauyayi.

1 Kur. 12:3

Tura jú̱ja̱i̱ṉ shuar Yusa Wakaní̱ kakarmari̱ji̱a̱i̱ chichaana nu nekaamniaiti. Yusa Wakaní̱ji̱a̱i̱ṉkia shuar “Jesus yajauchiti” tíchamniaiti. Núnisan aya Yusa Wakaní̱ji̱a̱i̱ṉ “Jesus winia Úuntur asa akuptúktiniaiti” tíminiaiti.

2 Kur. 4:6

Yaunchu kiritin aan Yus tsáapin ati tusa tsáapnin awajsachmakia. Nú Yúsaiti ii enentái̱n tsáapnin awajtámsamia nu. Nu tsáapniji̱a̱i̱ ni shíirmari̱n Jesukrístu iniakmana nuna ashí aents nekaawarat tusar Jesukrístunu étsereaji.

Kar. 5:5

Antsu iikia Yusa Wakaní̱ji̱a̱i̱ tura Yus enentáimtakrin Yus shiir enentáimturmastatji, tu enentáimji.

1 Pit. 2:7

Kristu nekas Yusa uchirí̱nti nekas tírum enentáimtarmena nu “kaya tí peṉkeraiti” tárume. Antsu Krístun nekas enentáimtuiniatsna nú kaya nakitrámuiti. Ju̱ áarmaiti “Je̱a̱n je̱a̱min nakitrarmia nú kaya je̱a̱n emka apujtuamuri̱ atí tusa apujamuiti.” YKan. 118:22

1 Jṉ. 3:23

Ju̱i̱ti Yus akupkámu, ni Uchirí̱ Jesukrístu nekas enentáimtustin tura Kristu timia áintsarik shuartisha mái̱ anenai ajartin.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.

1 Jṉ. 5:6

Jesukrístu jú̱ nuṉkanam taa entsaja̱i̱ imiantkui Yus nayaimpinmaya̱ chichaak “Ju̱ka winia aneamu Uchiruiti” tímiayi. Tura nuyá̱ Jesus jakamtai ni numpé̱ puármiayi. Entsaja̱i̱ imianin ni takatrí̱n naṉkamamiayi túrasha iin jarutramak ni takatrí̱n ju̱ nuṉkanam amukmiayi. Chikichkinkikia túrutsuk mái̱ metek tura asamtai Yusa Uchirí̱ya nu paant nekanamniaiti. Yusa Wakaní̱sha tuke nekas tiniua nu métek tawai.

Apu. 19:10

Takui̱ nu Yusa suntari̱n shiir awajsataj tusan tikishmátramjai. Túramtai chichartak “Íimsakia áinkiaip. Wisha ámiji̱a̱i̱ métek tura yatsumja̱i̱ métek Jesusa nekas chichame̱n tuke umirin ainia núnisan Yusa yáintri̱ntjiai. Yusak shiir awajsatniuiti” turutmiai. Kame Jesus imiá nekas tiniua nuna ashí átatna nuna wakaní̱nti.