Juaṉ 16:10 - Yus Papí: Shuarja̱i̱ Yus Yamaram Chicham Najanamu

¹⁰ Winia Aparuí̱ wáketkui wáitkiashtatrume. Tuma asamtai ashí shuar wi péṉker yajauchiji̱a̱i̱nchu wekaamun nekaawartatui.

Juaṉ 16:10 Iomraidhean Croise

Tan. 9:24

Áme shuarumka tura Yus akantúkma péprurmesha sataintia tumiṉ iwiarturmaiti. Nuja̱i̱ ashí tunáa tura yajauch túrutai̱sha amukáttawai. Núnisaṉ ashí tunáa túramuja̱i̱ métek akinkiartatui. Túrunamtai aya nekasa nuja̱i̱ métek túratin átatui. Núnisaṉ ímiaja̱i̱k wainkiamusha tura ukunam túrunatin etserkamusha uminkiattawai. Nuya̱ṉka Ti Shiir Tesamusha asuitiji̱a̱i̱ ukatnáktatui.

Juaṉ 16:28

Winia Aparuí̱ya̱ jíinkin jú̱ nuṉkanam táwitjiai. Yamaikia jú̱ nuṉkanmaya̱ jíinkin ataksha Aparuí̱ wáketjai” tímiayi.

Juaṉ 16:5

Antsu yamaikia wáketjai winia Akuptúkmia nuja̱i̱ pujustaj tusan. Tuma ai̱ṉ wéajna nu inintratsrume.

Juaṉ 3:14

Iis, yaunchu Israer shuar atsamunam napi esaim tí jainiakui tsuámararat tusa Muisais napin nakumak yakí̱ numiniam awajaimiayi. Núnisnak Wisha awajnaitniuitjiai.

Juaṉ 5:32

Chikicha Wínian etserturna nu awai. Ni chichame̱sha imiá nekasaiti.

Juaṉ 7:33

Nuyá̱ Jesussha chicharainiak “Aya ishichik tsawant atumji̱a̱i̱ pujustatjai. Nuyá̱ ataksha Winia akuptúku pujana nui̱ waketkittiajai.

Tur. 17:31

Yuska áishmaṉkan anaikiaiti. Nú áishmaṉ ashí aentsti, yaki péṉkeran túriniait yaki yajauchin túriniait núnaka nekarmattaji. Nú áishmaṉ Yus akupkámun tuke enentáimtakui Yus nin anaikiaiti. Tura tsawant nú túrunatin átatna nuna Yus Niṉki achikiuiti. Túrasha nekas anaikiajai tusa tura ashí aentstiram nekaatarum tusa nú aishmaṉkan jakamunmaya̱ iniantkímiayi” tímiayi Papru.

Tur. 2:32

Au Krístun timia nu Jesusaiti. Nu Jesusnak Yus iniantkímiayi. Nuka iisha neka asar étsereaji.

Tur. 3:14

Jesus péṉker nákak enentáimniuyana nu ‘akupnakchati’ tímiarme. Antsu shuaran main akupnakat tusarum wakerimiarme.

Tur. 7:52

Iisiá, atumí úuntri̱sha Yusa etserniuri̱n tuke kajerin ármiayi. Tura nú arant atumí úuntri̱sha Tunaarincha tátatui tu etseru wekaan, mácharmakia. Nútiksarmek yamaisha Tunaarincha támania nusha atumek anaṉkarum máchmakuram.

Rum. 1:17

Nu chichamnum Yus enentáimsamia nu páantaiti. Ju̱i̱ti, áyatik Yusan nekas enentáimtuiniakui Yuska “péṉkeraitme” tíminiaiti. Yus Papiniumsha núnisaṉ tawai “Yusan nekas enentáimta nuna Yus ‘péṉkeraitme’ tutai tuke Yusja̱i̱ shiir wekasattawai.” Awa. 2:4

1 Kur. 1:30

Tura Yus atumín Krístuja̱i̱ tsaniṉ apujtamsaiti. Tura Kristu enentáimtusar Yus nekas nekatai̱ṉkia nekaattaji. Kristu enentáimtakrin Yus shiir enentáimturmaji, péṉker awajtamji tura uwemtikramji.

2 Kur. 5:21

Krístuka peṉké tunaarinchauyayi. Túmanak íi tunaari̱n Yus Krístun makumiayi. Nuna tura Kristui̱ iikia makuchmin Yusa péṉkeri̱ ajasúk tusa túraiti.

Kar. 5:5

Antsu iikia Yusa Wakaní̱ji̱a̱i̱ tura Yus enentáimtakrin Yus shiir enentáimturmastatji, tu enentáimji.

1 Tim. 3:16

Maa, imiá nekasaiti, Yus iwiaintiurmakma ashí naṉkaamas tí enentáimtustiniaiti. Tura ju̱i̱ti, Yuska aents ajas aya̱shtiuk jú̱ nuṉkanam paant wantinkiamiayi. Yus Wakancha “tuke peṉké mátrachuiti” Niin etserkamuiti. Yusa suntarí̱sha Nin wáinkiarmiayi. Ashí nuṉkanam nu etsernakmiayi. Túramtai ashí nuṉkanmaya̱ aents nekas enentáiji̱a̱i̱ enentáimtusaruiti. Tura nayaimpiniam iwiaintiurkamuyayi.

1 Pit. 3:18

Kristu ii tunaari̱n asakártaj tusa jarutramkamiaji. Ashí asakárma asamtai atak tunaan jarukchatniuiti. Nisha tunaan peṉké túrichuitiat ii tunáa asakrin Yusai̱ ejetamtai tusa wáitrutmasmiaji. Aya̱shi̱i̱nkia jakayat ni wakaní̱ji̱a̱i̱ ni aya̱shi̱ ataksha iwiaaku ajasmiayi.