Juaṉ 15:7 - Yus Papí: Shuarja̱i̱ Yus Yamaram Chicham Najanamu

⁷ Tuke Winí̱ áchitkiaitkiurmeka tura Winia Chichamprusha kajinmáttsuk emetarmeka átum wakerarmena nu seakrumin amastatjai.

Juaṉ 15:7 Iomraidhean Croise

1 Akup. 3:5

Saramúṉ Kapaunnum pujan kashi mesekranam Uunt Yus chicharuk “Ashí surusat tusam wakeram nu seattiá” tímiayi.

Juup 23:12

Ni akupkámu chichame̱ya̱nka peṉké kanakchamjai. Winia yurumkarja̱i̱ naṉkaamas Ni akupkámu chichame̱nka umikmajai.

YKan. 119:11

Amiin yajauchin túrawa̱i̱j tusan Ame chichammin nekas shiir enentáimtusan umíajai.

YKan. 37:4

Kame Uunt Yus ti aneakum warastinkia Niini̱ weankata. Nuiṉkia ame wakeram nuna amastatui.

Neka. 10:24

Yusan enentáimtichunka ni ashamamuk tarittiawai. Antsu péṉker enentáimniua nuka ni wakeramuri̱ sunastatui.

Neka. 4:4

Tura winia aparsha jintintrak “Winia chichamur tuke enentáimtusam pujusta. Núnismek wi jintíamur kajinmátkip. Núja̱i̱ṉkia iwiaaku pujustatme” turutniuyayi.

Jrm. 15:16

Ame chichammin wainkiamjai túran yua núnikmajai. Ame chichammeka winia shiir enentáimtikrawai antsu enentái̱rui̱ṉkia waraajai. Warí, Ashí Akupin Uunt Yusá Ame náarmin wikia untsukmaitjiai.

Mat. 7:7

Yus seakrumin suramsattawai. E̱a̱krumka wainkiattarme. ‘Winiajai’ tákurmin awa̱intiámattarme.

Juaṉ 14:13

Ashí Winia enentáimtursarum seatrumna nuna amastatjai. Núja̱i̱ṉkia winia Apar shiir awajnástatui.

Juaṉ 15:16

Aya atumí enentáimsamuri̱ji̱a̱i̱ṉ Wí shuar ajaschamarme. Antsu akatrámur ajastarum tusan atumniaka achikmajrume Wi. Winia takatur takastiniaitrume. Túrarum péṉker túratniuitrume nerektinia áintsarmek. Tura nu nere amuutsuk tuke átiniaiti. Tuma asamtai winia Apar searmena nuna amastatui.

Juaṉ 16:23

Nu tsawantinkia peṉké ininsashtatrume. Ti nekas tájarme Winia enentáimtursarum winia Apar searum nuna ashí amastatui.

Juaṉ 8:31

Israer shuaran Nin shiir enentáimtusarmia nuna Jesus chicharainiak “Wi tájarmena nu yawe̱tsuk túrakrumka nekas winia unuiniamur átatrume.

Juaṉ 8:37

Átum Aprajám weaitrume nékajai. Túmaitiatrum winia chichamur ántachu asarum mantuataj tárume.

Kar. 4:2

Tuke uunt ajatsuk ni wainnia nuna umirkatniuiti. Tura uunt ajasmatai tura ni aparí̱ “Ayu” takui̱ nuyá̱ ni antsu ni aparí̱niu ashí wáinkiatniuiti.

Kar. 5:16

Ju̱na tájarme. Atumí aya̱shi̱ wakerana nu umiki̱a̱i̱j tusarum Yusa Wakaní̱ kakarmari̱ji̱a̱i̱ wekasatarum.

Muis. 6:6

Tura ju̱ chichaman yamái jintintiajmena nu péṉker enentáimtusam nekaata.

Kurs. 3:16

Kristu shiir Chichame̱ atumí enentái̱n piaktí. Nekas naka enentáimprarum jintinniáiyarum mai̱ ikiakánai ajatarum. Yus kanta kantamárum tuke enentáiji̱a̱i̱ Yus yumiṉsarum shiir awajsatarum.

1 Jṉ. 2:14

Úuntirmincha yámankamtaikniumia̱ tuke pujuuya nu nekáa asakrumin ju̱na áatjarme. Úuntmarutirmincha atumí enentái̱ji̱a̱i̱ Yus chicham umirkarum kakaram asarum íwianch nupetka asakrumin ju̱na áatjarme.

1 Jṉ. 2:27

Atumniasha Jesukrístu Yusa Shiir Wakaní̱n suramsakrumin, nú Wakan tuke pujurtamkurmin shuar jintintrámatin atsumatsrume. Antsu Yusa Wakaní̱ ashí jintintramprume. Ni jintintrammasha imiá nekas asa wáitchaiti. Tuma asamtai Ni jintintramna áintsarum Krístuja̱i̱ tuke tsaniṉkrum pujustarum.

1 Jṉ. 3:22

Tura ni wakeramu túrakrikia tura ni chichame̱sha umiru asakrin ashí ii seaj nuna suramsattaji.

1 Jṉ. 5:14

Yus wakeramuja̱i̱ métek seakrinkia anturtamji. Tura anturtamkurin ii seamaj nu nekas takusua nu enentáimpramniaitji. Nu neka asar Yus ti shiir enentáimtaji.