Juaṉ 15:6 - Yus Papí: Shuarja̱i̱ Yus Yamaram Chicham Najanamu

⁶ Winí̱ tuke áchitkiachuka ajapam kukartatui. Kanawe̱sha kukarmatai irumnar jiniu epeam esaawartatui.1 Jṉ. 2:19

Juaṉ 15:6 Iomraidhean Croise

2 Sam. 23:7

Núnaka yaaksha achikchattawai antsu achiktaj tákunka esáa amukat tusa jiruja̱i̱ nuíchuka naṉki numiri̱ji̱a̱i̱ achik jinium epeattawai” tímiayi.

YKan. 80:15

Ame untsuur uwejmiji̱a̱i̱ árak je̱e̱r tsapait tusam araamam nuka ju̱i̱ti.

Isa. 14:19

Túrasha ámeka muí̱jkiar asa̱a̱rar ajapamua núnisam iwiarsamurminia̱sha ajapamuitme. Kame mesetnum puya̱ja̱i̱ maamu pushiri̱ tsupiramu iwiarsar amutúrar ikiukmia núnisam init ikiusmaitme.

Mat. 13:41

Nui̱ Wi Aents Ajasu asan winia suntarun akupkáttajai. Tura ashí yajauchin túruinia nunasha tura chikichan tunaanum útsuinia nunasha ashí irurar jinium apeáwartatui. Nui̱sha ti úttin ti wáitsatniusha átatui.

Mat. 27:5

Tinia Jútas nui̱ Yusa Uunt Je̱e̱ kuítian utsaṉ ikiuak nuyá̱ we kajempramiayi.

Mat. 3:10

Numi ajaktinia áintsaṉ kampuwá̱ri̱n jacha atuttsamuiti. Tura ashí numi péṉker nereatsna nuka ajakar jinium apeamu ártatui.

Mat. 7:19

Yajauch numi ajakar tsupirar jinium apeashtinkiait.

Juaṉ 15:2

Ashí kanawe Winí̱ áyat nereatsna núnaka tsupirak jurustatui. Antsu nereana núnaka nú nukap nerekat tusa puruartatui.

Isr. 10:27

Áyatik ashamak tí tsuumai̱ sumamatin tsawantan nákasminiaiti. Nu tsawantai̱ Yus ni nemasri̱n ti kajerak asutiak mash emesrattawai. YKan. 21:9; 68:1-2; Isa. 33:14; Jrm. 4:4; Mks. 4:1

2 Pit. 2:20

Kame shuar, Uunt Jesukrístu uwemtikkiartin ana nuna chichame̱n nékainiak ju̱ nuṉkanam yajauch ainia nuyá̱ uwempra ainia nu, tunáa nupetkam atak yajauchiniam iniainiakka, nuik pujumia núja̱i̱ṉkia naṉkaamas yamái imiá yajauch pujuiniawai.

1 Jṉ. 2:19

Nusha ii we̱a̱k ármayi. Túmaitiat nekas Yus shuar ácharmayi. Nekas Yus shuar áiniaka tuke iiji̱a̱i̱ irunar pujuara̱a̱yi. Tura jíinkiarmatai nekas Yus shuarcha ainia nu paant nekanamniaiti.

Apu. 20:15

Tura ashí shuar tuke iwiaaku pujustin papinium ni naari̱ áatrachma asa wainniakchama nusha ti keá nu ji antumiaṉ kuamunam aju̱a̱warmai.

Apu. 21:8

Antsu sápijkia Yusan enentáimtichusha, yajauchin máatrasha, maṉkartincha, tsanirmatan pujurniusha, wawekratniusha, najankamu yusan tikishmátniusha tura ashí wáitrincha ji asupriji̱a̱i̱ keá antumiaṉnum apenáwartatui. Nuka jimiará jákatin tutainti” timiai.