Juaṉ 15:5 - Yus Papí: Shuarja̱i̱ Yus Yamaram Chicham Najanamu

⁵ Wikia kampuintji̱a̱i̱ tura átumka kanawe̱ntrume. Ni Winí̱i̱ pujakuiṉkia núnisnak Wisha niní̱ pujaknaka núkap nerektatui. Antsu Wini̱i̱ya̱ kanakiṉkia péṉkeran túratniunka peṉké tujintkiattawai.

Juaṉ 15:5 Iomraidhean Croise

Neka. 11:30

Péṉker enentáimin túrana nu numi nereana núnisaṉ iwiaaku átinian nereawai. Ántsaṉ Yusna átinian jintintiáinia nu nekas nékaiti. Mat. 7:17-20; 12:33-35; Ruk. 6:43-45

Mat. 13:21

Tura núkap kaṉkaprurcharu ásar katsuiniatsui. Antsu itiurchatan íṉkiuiniak tura Yus Chichaman wakeruinia ásarmatai chíkich yajauch áujmatam wárik iniaisar ikiuiniawai.

Juaṉ 12:24

Wi tájana nu ti nekasaiti. Araachmaka niṉki pujatsuk. Antsu araamka tsapain jiṉkiaichiri̱ miniar amuukaitiat nerek ti untsurí ajatsuk.

Juaṉ 15:16

Aya atumí enentáimsamuri̱ji̱a̱i̱ṉ Wí shuar ajaschamarme. Antsu akatrámur ajastarum tusan atumniaka achikmajrume Wi. Winia takatur takastiniaitrume. Túrarum péṉker túratniuitrume nerektinia áintsarmek. Tura nu nere amuutsuk tuke átiniaiti. Tuma asamtai winia Apar searmena nuna amastatui.

Juaṉ 5:19

Nuyá̱ Jesus chichaak “Tí nekas tájarme, Yusa Uchirí̱ṉkia ni enentái̱ji̱a̱i̱ṉ takaatsui. Antsu aya Winia Apar takaana nuna iisan métek takaajai. Ashí Winia Apar túramun Wisha ni Uchirí̱ asan métek takaajai.

Juaṉ 9:33

Ju̱ áishmaṉ Yusai̱ya̱nchuitkiuṉka peṉké túracha̱a̱yi” tímiayi.

Tur. 4:12

Tura chíkichja̱i̱ uwempratin peṉké atsawai. Ju̱ nuṉkanam ii chikicha naari̱ pachisar uwempratin atsaji. Jesuskete ii uwemtikrampratniun Yus suramsamiaj nu” tímiayi Pítiur.

Rum. 12:5

Núnisrik iisha, Yus shuarti, aya̱shí̱ muchitmari̱ya̱ áintsarik untsurítiatar chikichik aya̱shtinia áintsar takaaji. Nusha Krístuja̱i̱ tsaniṉkiu asar áitkiamuitji. Túramu asar nuamtak atsumnaiyaji.

Rum. 6:22

Antsu yamaikia tunaanumia̱ uwempra asarum Yus umirniuitrume. Antsu ju̱ka Yusja̱i̱ shiir wekasatniunam júawai tura nuyá̱ tuke iwiaaku pujustatrume.

Rum. 7:4

Núnisrumek atumsha yatsuru, Kristu aya̱shí̱ muchitmari̱ ajasu asarum akupkámu emetachmin jaka áintsarum ajasuitrume. Túrakrum Krístuja̱i̱ nuatnaikiatniua áintsarum aṉkantaitrume. Nisha jakamunmaya̱ nantakniuiti. Yamaikia Krístunu ajasu asar Niji̱a̱i̱ tsaniṉkiar Yus wakeramu péṉker túratniuitji.

1 Kur. 10:16

Kristu jakamu enentáimtustin námper najanar Yus áujeaji Kristu numpe̱n nakumea nu shiir atí tusar. Tura métek umarar nuja̱i̱ Kristu numpé̱ métek enentáimtaji taji. Tura apatkusha púurarⁱ tura métek yuarⁱ nuja̱i̱ Kristu aya̱shí̱ iin jarutramkamu métek enentáimtaji taji.

1 Kur. 12:12

Iikia Kristu aya̱shí̱ya áintsarⁱ aya̱shímkiaitji. Kristu aya̱shí̱ muchitmari̱sha írunui. Nisha túmaitiat chikichik aya̱shtiniaiti.

1 Kur. 12:27

Núniskete Kristu aya̱shí̱ji̱a̱i̱ aya̱shímkiajⁱ nu. Tura chíkich chíkich ni muchitmari̱ aji.

2 Kur. 13:8

Warí, Yusa nekas chichame̱ emesratin tujintiaji. Antsu ii túrajnia nu Yusa nekas chichame̱ja̱i̱ túraji.

2 Kur. 9:10

Arakmaun arakan súana nusha Yúsaiti. Tura yurumkan súana nusha Yúsaiti. Nisha átum péṉker araatniun suramsattarme. Tura araarumna nuja̱i̱ péṉker túratarum tusa arakrumin ipiampártatui.

Kar. 5:22

Ayu, yamaikia Yusa Wakaní̱ kakarmari̱ji̱a̱i̱ túratin enentáimsatai. Yusa Wakaní̱ ii enentái̱n pujak péṉker túratniun nerektinia áintsaṉ neremtikramji. Ju̱ áiniawai, aneatin, shiir enentáimsatin, Yusja̱i̱ tura shuarja̱i̱ nawamnaikiar wekasatin, shiir enentáiji̱a̱i̱ katsuntratin, chíkich shuar shiir awajsatin, wait aneaku átin, tana nuna tímiatrusaṉ umiktin,

Ipi. 5:9

Tsáapninium wekainiaka shiir awajkartincha tura nekas chichamtincha tura péṉker túrin áiniawai.

Jir. 1:11

Núnisaṉ Jesukrístu kakarmari̱ji̱a̱i̱ ashí péṉker túrin átatrume. Tura nuja̱i̱ ashí shuar Yusan ti shiir enentáimturartatui.

Jir. 4:13

Kristu ni kakarmari̱n surakui ashí túramniaitjiai.

Jir. 4:17

Aya kuit akuptúrkakrumin tu enentáimtsujai. Antsu nu kuit Yusai̱ kawentramkaku tusan wakerajrume.

Kurs. 1:10

Atumsha Krístunu ainia núnisrum péṉker takarsak tusar seaji. Tura ashí ni wakerana nu umíakrum ashí péṉker ana nu, nerektinia áintsarmek túrattarme. Núnis túrarum Yusna unuimiátki̱ wéakrum Niniu tí peṉker nekaak tusar seaji.

Kurs. 1:6

Nu chicham ashí nuṉkanam pampaakui shuara enentái̱n nerea áinis nusháa ajasár yamaikia péṉker túrin áiniawai. Núnisaṉ atumíincha túrunaiti. Yus ti nekas anenkartiniaiti tu etserkamu ántakrumin nu chicham atumí enentái̱ncha nerekmiayi.

San. 1:17

Ashí péṉker ana nu, ashí shiir ana nusha nayaimpinmaya̱ Yusak amasuiti. Yus ashí tsáapninia nuna najanaiti. Tura Nin kiritin atsa̱i̱ṉ yapají̱tsuk tuke tsáapniti.

1 Pit. 2:4

Ii Uuntri̱ Kristu kaya ántsaṉkete. Tura shuar kayan yajauchin nakitiáinia núnisaṉ Jesukrístun nakitrarmiayi. Tura kayan tí peṉkeran wakeruinia núnisaṉ Yuska “winia Uchir tí peṉkeraiti” tusa Jesukrístun achikmiayi. Atumsha Jesukrístu weantuktarum. Ni iwiaaku káyaiti.

2 Pit. 3:18

Tura ii Uuntri̱ Jesukrístu iin Uwemtikkiartin ana nu yamái nékarmena nú naṉkaamas nekaatarum. Tura enentáimin nú naṉkaamas tariarum wetarum. Yamaisha tura tuke ii Uuntri̱ Jesukrístu náari̱n uunt awajsarti. Nu atí.