Juaṉ 15:4 - Yus Papí: Shuarja̱i̱ Yus Yamaram Chicham Najanamu

⁴ Átumka Winí̱i̱ pujustarum núnisnak Wisha atumíin pujustatjai. Warí kanawe̱ kampui̱i̱n áchitkiachkuṉka níṉkikia peṉké nerekchamniaiti. Núnisrumek atumsha Winí̱i̱ áchitkiachkurmeka nerekchattarme.

Juaṉ 15:4 Iomraidhean Croise

Anen. 8:5

“¿Yait kampuntin atsunumaani̱ ni aneamuri̱n átutka waakna ausha?” “Mansana numi wakenmari̱n ishintiármajme. Nui̱ ame nuku jatema najaimiak takurmasmiayi.

Use. 14:8

Maa, Eprainkia, najankamu yus ainia nunasha yamaisha ¿warinia íistiniaitiaj? Witjiai ámin wáinkiun íistinniaka. Wikia sepris numi sameka núniniaitjiai tura Winia shuaruka ni nere̱n wini̱ṉ wáinkiartatui.

Mat. 12:33

“Yutai̱ númikia péṉkeran nereawai. Tura tséas numisha yajauchin nereawai. Ni nere̱ja̱i̱ numi nekaamniaiti. Atumji̱a̱i̱sha núniskete.

Ruk. 8:15

Tura jiṉkiái péṉker nuṉkanam iniaaru tana nuka shuar antuk umiinia nuna nakumui. Nisha antukarmia nuna péṉker enentáimtusar yawe̱tsuk umirkar tí peṉker nerenawai.

Juaṉ 14:20

Tura nu tsawantai̱ ju̱ nekaattarme. Wisha winia Aparja̱i̱ tsaniṉkia pujakur chikichkitji. Núnisnak Wisha atumji̱a̱i̱ tsaniṉkian pujajai. Tura atumsha Wiji̱a̱i̱ tsaniṉkia pujarme.

Juaṉ 17:23

Amesha Winí̱ init pujakmin tura Wi ni enentái̱n pujakui nisha peṉké chikichik ajasárti. Túramtai Ame akuptúkuitmena tura Winia anenmena áintsam nu shuarsha aneamna nuna ashí shuar nekaawartatui.

Juaṉ 6:56

Winia aya̱shrun yúakka tura winia numparnasha úmakka Wi niin pujurjai tura ni Winí̱ pujurtawai.

Juaṉ 8:31

Israer shuaran Nin shiir enentáimtusarmia nuna Jesus chicharainiak “Wi tájarmena nu yawe̱tsuk túrakrumka nekas winia unuiniamur átatrume.

Tur. 11:23

Pirnapísha jeá Yus nú shuaran uwemtikrarma nuna wainiak warasmiayi. Pirnapísha péṉker áishmaṉkauyayi. Yusa Wakaní̱sha pimiutkamuyayi. Tura Yusan nekas umirkauyayi. Tuma asamtai nu shuaran mash jintintiáiniak chicharuk “Tuke enentáimji̱a̱i̱ umirkarum Yus nemarsatarum.” Tu chicharak ikiukmiayi. Tura nui̱sha nú arant untsurí aents Yusai̱ kaweṉkarmiayi.

Tur. 14:22

Waketainiak “ashí Yus tana nu tímiatrusrumek tuke umirkatarum” tuíniak Yus shuaran ikiaká̱rarmiayi. Tura nin tiármiayi “Yusa akupeamuri̱i̱n pachinkiataj tákurkia ti wáitsatniuitji.”

2 Kur. 13:5

“Nekas Yusan umirniuashitiaj” tusarum nekamatarum. Íimiastarum. Ántar Yus shuarchaitkiurmeka Jesukrístu atumí enentái̱n pujurtama nu nekaattarme.

Kar. 2:20

Wisha Krístuja̱i̱ krúsnum jákaitjiai. Tuma asamtai yamaikia wikia iwiaaktsujai wi wakeraj nuna túratniun antsu Kristu winí̱ iwiaakui ni wakera nuna túratniun. Tura ju̱ aya̱shnium pujayatan aya Kristu enentáimtakun iwiaakjai. Krístusha Yusa Uchirí̱ntiat winia ti anentuk jarutkamiayi.

Ipi. 3:17

Yus nekas enentáimtakrumin Kristu atumí enentái̱n pujusat tusan áujtajrume. Tuke yapají̱tsuk aneṉkratin átarum tusan áujtajrume.

Jir. 1:11

Núnisaṉ Jesukrístu kakarmari̱ji̱a̱i̱ ashí péṉker túrin átatrume. Tura nuja̱i̱ ashí shuar Yusan ti shiir enentáimturartatui.

Kurs. 1:23

Tuma asamtai Jesukrístu shiir enentáimtusrum kakaram ajasrum katsua̱rtiniaitrume. Tura uwempratin chicham antukuitrum nuyá̱ kanakchatniuitrume. Ju̱ uwempratin chichaman ashí nuṉkanam etsernakuiti. Wisha, Papru asan etserkatniun yaimjiai.

Kurs. 1:27

Nu chichamsha ju̱i̱ti. Kristu atumí enentái̱n pujak Niji̱a̱i̱ métek ti shíiram awajtámsattawai. Nu imiá shiir chichamnum Israer shuarchasha pachiniainian Yus ashí ni shuari̱ nekaawarat tusa wakerimiayi.

Kurs. 2:6

Nu asamtai átum ii Uuntri̱ Jesukrístu nekas enentáimtusrum Yus shuar ajasmarmena núnisrum yamaisha Ni nekas enentáimtusrum Niji̱a̱i̱ tsaniṉkrum ashí túratarum. Nu túrakrum Ni enentáimtakrum tuke tsakaki̱ wétatrume. Tura tee tariara wajasrum Yusja̱i̱ kanakchattarme. Yus Chicham núnisaṉ etsernakmatai nekamarme. Tuma asarum Yus tuke yumiṉsarum núnisaṉ péṉker wekasatarum.

1 Tis. 3:5

Tura atumín íwianch tunaanum aju̱nmárchariash tusan wisha kúntuts enentáimsamiajai. Tura ántrar takaschajiash tu enentáimsamiajai. Tuma asamtai nekaataj tusan ti wakerakun wisha tí nukap tsawant nákaschamiajai. Antsu wárik Timiutéun akupkámiajai. Yusja̱i̱ péṉkerash wekainia tusan “nu inintrúsam ikiuuta” timiajai.

Isr. 10:39

Tura iikia iniaisaar mesena nú shuarchaitji. Antsu Yus nekas enentáimtusar uwempraitji.

1 Jṉ. 2:6

“Yusja̱i̱ tsaniṉkia wekaajai” tana nú shuar Jesukrístu wekasamia núnisaṉ wekasatniuiti.

2 Jṉ. 1:9

Ashí shuar Kristu jintíamun iniais “naṉkaamas nékajai” tana nu, Yúsnachuiti. Antsu Kristu jintíamun umíana nu shuar Yus Apaja̱i̱sha tura ni Uchirí̱ji̱a̱i̱sha mai̱ tsaniṉ pujawai.