Juaṉ 15:24 - Yus Papí: Shuarja̱i̱ Yus Yamaram Chicham Najanamu

²⁴ Aents peṉké túrachman túrachuitkiuiṉkia yajauch túramunam sumamacharainti. Antsu wi túramun wáinkiaru áiniayat Winiasha tura winia Aparnasha nakitiáiniawai.Jṉ. 9:41

Juaṉ 15:24 Iomraidhean Croise

YKan. 81:15

Winia nakitruinia nuka Winí̱ péejchach awajnása̱a̱yi. Tura Wi, Jiuwá tuke waitias matsamin awajsarajai.

Jiin. 20:5

Túram tikishmátraip tura shiir enentáimtusaip. Warí ti akasma Uunt Yus ame Yúsrumka Wíkitjiai. Tura muí̱jruinia núnaka ni aparí̱ tunaari̱ni̱ṉ uchirí̱ncha, tiraṉki̱ncha nuyá̱ tiraṉki̱ncha asutniuitjiai.

Neka. 8:36

Antsu winia tuntupea iniaitiana nuka niṉki yajauch awajmamui tura ashí nakitruinia nuka jákatniun wakeruiniawai.”

Mat. 11:5

Kusurúsha wáinmainiawai.YKan. 146:8; Isa. 29:18 Shutuapsha wekainiawai. Tunamárusha péṉker ajainiawai. Empekárusha ántuiniawai. Jákarusha nantainiawai. Tura kuítrinchanmasha uwempratin chicham ujakmaiti.YKan. 68:10 Nu ujaktarum.

Mat. 21:32

Iis, imiakratin Juaṉ péṉker wekasatniun etserkamiayi túrasha antukchamarme. Antsu yajauch shuar ainia nu tura tsanirma ainia nusha umirkarmiayi. Nusha wáinkiaitiatrum atumí yajauchiri̱ enentáimturchamarme” tímiayi.

Mat. 9:33

Tura Jesus yajauch wakaní̱n ji̱i̱rki̱ akuptúkam nu chichachu chichakmiayi. Ashí nuna iisar ti enentáimprar chichainiak “¡Yáunchusha Israernum ju̱ja̱i̱ métek túramu peṉké wáinkiachmaiti!” tiármiayi.

Mar. 2:12

Nu chichamaik emearu wajaki̱ tampuri̱n jukí̱ ashí iimiainiamunmaṉ jiinkimiayi. Nuna túrunamtai ashí iit iit ajarmiayi. Tura “jútikiamu peṉké wáinchaitji” tiar Yusa náari̱n uunt awajsarmiayi.

Ruk. 24:19

Tutai Jesus chichaak “¿Warí urukait?” Tutai chichainiak “Enta, Nasarétnumia̱ Jesusa túrunamuri̱ taji. Nisha Yúsnan etserin asa Yusa kakarmari̱ji̱a̱i̱ chichasmiayi tura nuna kakarmari̱ji̱a̱i̱ takasmiayi. Núnaka ashí aents nékainiawai.

Juaṉ 10:32

Jesussha chichaak “Winia Aparu kakarmari̱ji̱a̱i̱ ti untsurí péṉkera nuna takasuitjiai. ¿Túja̱i̱mpia mantuattarum?”

Juaṉ 10:37

Winia Apar túramu túrachkuiṉkia enentáimtursairap.

Juaṉ 12:10

Túramtai Rásaru maatai tusar Yúsnan pujurniu peṉkeri̱ṉkia chichaman jurusármiayi.

Juaṉ 12:45

Winia wáitkiusha Winia Aparnasha wainiui.

Juaṉ 14:9

Jesus chichaak “Jiripí, atumji̱a̱i̱ ti pujusu ai̱sha ¿tuke nékartsumek? Winia waitkia nuka Winia Aparnasha wáinkiaiti. ¿Itiurak nuikia ‘Apasha wainkiarkia maak’ tame?

Juaṉ 15:21

Winia Akuptúkun nékachu ásar Winia enentáimturkurmin yajauch awajtámsartatui.

Juaṉ 15:22

Wi tana Yus Chichaman nin ujakchamtaiṉkia tunaanum sumamachara̱a̱yi. Antsu ujakma ásar ‘Nékachkun túraitjiai’ tíchamnia áiniawai.

Juaṉ 15:23

Winia nakitruinia nuka winia Aparnasha nakitiáiniawai.

Juaṉ 16:9

Winia enentáimturainiachu yajauchi túrin áiniawai.

Juaṉ 3:2

Nisha kashi Jesusan werí chicharuk “Uuntá, shuaran unuiniarat tusa Yus akuptámkaiti. Nu paant nékaji. Yusai̱ya̱nchuitkiumka aentsti tujintiamu túramna nu tujintkiaintme” tímiayi.

Juaṉ 5:36

Tura Winia ‘Yusai̱ya̱iti’ túrutna nuka, Juaṉja̱i̱ naṉkaamas péṉkeran Wikia takakjai. Wi takasmajna nuiti. Winia Apar takastinian surusma nuna takaakun nuja̱i̱ páantaiti Yus Apa akupkámuitjiai.

Juaṉ 6:36

Túrasha wáinkiurmesha Winia chichamur anturtatsrume.

Juaṉ 7:31

Tura untsurí shuar Niin enentáimtusar “Kristu taa ¿nuna naṉkaamas aentsti tujintiamun túratpiash?” tiármiayi.

Juaṉ 9:32

Yáunchusha kusuru akiinian tsuáruka peṉké atsuwiti.

Juaṉ 9:41

Jesussha chichaak “Átum kusurúitkiurmeka atumí tunaarí̱ wáinchakrum sumamachu áintrume. Tura ‘paant iimjiai’ tau asarum sumamaitrume” tímiayi.Jṉ. 15:22-24

Tur. 10:38

Tura ju̱sha nékatsrumek. Nasarétnumia̱ Jesus, Yus Anaikiamu asa, Yusa Wakaní̱ kakarmari̱ji̱a̱i̱ péṉker túriniuyayi. Iwianchruku wáitias pujuarmia nuna péṉker awajsámiayi. Yus Niin pujurma asa ashí nuna túriniuyayi.

Tur. 2:22

Tura Pítiur tuke chichaak “Israernumia̱ shuartiram, wi títiatjana nu antuktarum. Nasarétnumia̱ Jesusnan tajai. Nú Jesusan Yus shiir enentáimtawai. Yuska átum ti enentáimprarum ni kakarmari̱n paant nekaatarum tusa nú Jesusan ti ikiaká̱rmiayi. Tura Jesusja̱i̱ aentsti túrachminian átum íimmianum Yus túramiayi. Nuka ti paant nékarme.

Rum. 1:30

Nu arantcha chikichnasha yajauch áujmatin áiniawai. Yúsnasha nakitiáiniawai. Áimniusha áiniawai. Tura “péṉkeraitjiai” tiar naṉkamantu enentáimtumainiawai. Tunáa túratniun e̱a̱iniawai. Aparí̱ncha nukurí̱ncha umirainiatsui.

2 Tim. 3:4

Amikrí̱ncha surukartatui. Arantsuk tunaan túrawartatui. Waantu enentáimin ártatui. Yusan nakitrar aya ní wakeramunak enentáimtusartatui.

San. 4:4

Jú̱ nuṉkanmaya̱ wakerakum Yusa nemasri̱ji̱a̱i̱ tsanirma áintsaṉketrume. Atumsha nékatsrumek. Jú̱ nuṉkanmaya̱ṉ wakerakrikia Yusa nemasri̱ntji. Shuar ju̱ nuṉkanmaya̱ṉ wakerakka Yusa nemasri̱ ajawai.