Juaṉ 15:21 - Yus Papí: Shuarja̱i̱ Yus Yamaram Chicham Najanamu

²¹ Winia Akuptúkun nékachu ásar Winia enentáimturkurmin yajauch awajtámsartatui.

Juaṉ 15:21 Iomraidhean Croise

YKan. 69:7

Maa, Áminiu asan wishikruiniakui wáitsaitjiai. Núnisnak natsanmai̱ ajakuitjiai.

Isa. 66:5

Átum Uunt Yusa chichame̱ ántakrum sapijmiatirmeka Uunt Yusa chichame̱ antuktarum. Atumí yachi̱ Winia enentáimturkurmin muí̱jramainiak ji̱i̱ki̱ akuptámainiana nu chichainiak ‘Uunt Yus naṉkamantu awajsatarum. Túrakrumin atumí waramuri̱ wainkiartai’ tuíniawai túrasha niṉkia natsanmai̱ awajkámu ártatui.

Mat. 10:18

Winia ajasu asakrumin úuntnumsha tura nuyá̱ akupniúnmasha juramkiartatui. Núnisrum akupniúncha tura Israer shuarchancha winia chichamur ujaktatrume.

Mat. 10:22

Tura Winia ajasu asakrumin mash muí̱jramkartatui. Tura tuke katsuntea nu uwemprattawai.

Mat. 10:39

Kame aya jú̱ nuṉkanam péṉker pujustaj tana nu ni iwiaakmari̱n emeṉkáktatui. Antsu Winia enentáimturuka ni iwiaakmari̱ji̱a̱i̱ itit nekapmamtsuna nu ni iwiaakmari̱n wainkiattawai.

Mat. 24:9

“Nuyá̱ atumniasha yajauch awajsarat tusa surutmakartatui. Tura mantamawartatui. Tura winia naar pachia asakrumin ashí shuar muí̱jramkartatui.

Mat. 5:11

Wi shuar ajasu asakrumin wáitruiniak katsekramainiakuisha núnisaṉ apapétmainiakuisha tura náṉkamas chichartamainiakuisha tí shiir enentáimsamniaitrume.

Mar. 13:13

Nuiṉkia Wí shuar asakrumin ashí nakitrámprartatui. Tura shuar yawe̱tsuk katsuntraṉka uwemprattawai” tímiayi.

Ruk. 21:12

Tura ju̱ túruntsa̱i̱ṉ atumín pataaturmakar achirmákartatui. Iruntai̱ je̱a̱nmasha makurmartai tusar juramkiartatui. Sepunmasha eṉketmattarme. Tura winia naar pachia asakrumin akupniúnmasha, úuntnumsha juramkiartatui.

Ruk. 21:17

Tura Winia ajasáru asakrumin ashí aents nakitrámprartatui.

Ruk. 6:22

Núnisaṉ atumín aents nakitrámprarmataisha ajapramawarmataisha tura Wi Aents Ajasu tutaiya nú shuar ajasuíti tusar tsanumprutmak katsekramkarmataisha shiir enentáimpratarum.

Juaṉ 15:24

Aents peṉké túrachman túrachuitkiuiṉkia yajauch túramunam sumamacharainti. Antsu wi túramun wáinkiaru áiniayat Winiasha tura winia Aparnasha nakitiáiniawai.Jṉ. 9:41

Juaṉ 16:3

Nu shuar Winiasha tura winia Aparnasha nékachu ásar túrutmawartatui.

Juaṉ 17:25

Tí peṉker Aparu ju̱ nuṉkanmaya̱ shuar Ámin nekarmainiatsui. Antsu Wikia nékajme. Núnisaṉ Wí shuarsha ame akuptúkman nékainiawai.

Juaṉ 8:19

Takui̱ “¿Ame apasha tui̱ pujá?” tiármiayi. Tutai “Átumka Winiasha winia Aparsha nékatsrume. Winia nékarkurmeka winia Aparsha nekaawaintrume” tímiayi Jesus.

Juaṉ 8:54

Tutai Jesus “Wiki shiir enentáimtumaknaka peṉké antraiti. Antsu Winia shiir enentáimturna nu winia Aparuiti. Nusha átumka ‘winia Yúsruiti’ tárumna nuiti.

Juaṉ 8:55

Nusha táyatrum Nin nékatsrume. Wikia Nin nékajai. ‘Nin nékatsjai’ tákunka atumji̱a̱i̱ métek wáitrin aintjiai. Tura Nin neka asan Ni tana nuna tuke túriniaitjiai.

Tur. 17:23

Kame wi nuik atumí yusri̱ enentáimtutai̱niam íistaj tukamán nui̱ je̱a̱chin iwiaramun, JU̱ NEKAACHMA YUSNAITI tu áarman wainkiamjai. Wátsek, ju̱ Yus átum nékachiatrum tikishmátrumna nuna ujaktajrume.

Tur. 26:9

Tura wisha yáunchuka Nasarétnumia̱ Jesusnan umirkaruka kajerkatniuiti, tu enentáimniuyajai.

Tur. 3:17

Wats, yatsurtiram wi nékajai. Atumsha atumí úuntri̱ji̱a̱i̱ Jesus túramarmena nu nékatsuk túramarme.

Tur. 4:17

Tura ashí aents nekaawara̱i̱ṉ tusar yamaik jiaktai. ‘Ju̱ Jesusa naari̱ pachisrum peṉké jintintiawairap’ titiái” tiármiayi.

Tur. 5:41

Jesusa akatrámuri̱sha Israer shuara uuntri̱ pujamunmaya̱ jíinkiarmiayi. Tura wáitsamniaitrume tusa Yuska Jesusa naari̱ pachia asakrin ii natsantin wáitsatniun tsaṉkatramkaitji tusar ti shiir enentáimsar wéarmiayi.

Tur. 9:14

Tura yamaisha Yúsnan pujurniu peṉkeri̱ ainia nuna papirí̱n takakui. Tura nuja̱i̱ ame náarmin páchiaj nuna achik jukitiaj tusa tímiaja̱i̱sha tarutramji” Ananías tímiayi.

Tur. 9:16

Tura Sauru winia náarun pachia asa tí waitsattana núnaka nin iniaktustatjai” tímiayi Jesus.

Rum. 1:28

Tura tuke Yusan nakitiáinia asamtai ti yajauch enentáimiainiak peṉké túrachminia nuna túrawarti tusa Yus tsaṉkatkarmiayi.

1 Kur. 15:34

Tunáa ikiuakrum péṉker wekasatin shiir enentáimpratarum. Iis, shuar Yusan nékainiachu tuke awai. Atumín natsa̱a̱ruk tusan tájarme.

1 Kur. 2:8

Ju̱ nuṉkanam akupniúka nuna peṉké nekaacharmiayi. Nékainiakka ii Uuntri̱ timiá shiira nuna krúsnum mácharu a̱a̱yi.

2 Tis. 1:8

Tura nú tsawantai̱sha Yusan nékainiatsna núnaka ii Uuntri̱ Jesukrístu Uwempratin Chichame̱n uminiatsna nunasha ti asutiátajtsa tátatui.

1 Jṉ. 3:1

Maa, shiir enentáimpratarum. Yus Apa ti anenma asa “winia uchir” tu anaitiamkaitji. Kame nekas ni uchirí̱ntji. Tuma asakrin jú̱ nuṉkanmaya̱ Yus shuarcha nekarmainiatsji. Kame Yusnasha nékainiatsui.

3 Jṉ. 1:7

Nu shuar Jesukrístun takarsatai tusar wekainiawai. Túrawar Yus shuarcha ainia nuna kuítri̱ji̱a̱i̱ yurumátniun nakitrarmatai

Apu. 2:3

Ti wáitiayatmek katsuntram yawe̱tsuk Winia ti takartusuitme.