Juaṉ 15:19 - Yus Papí: Shuarja̱i̱ Yus Yamaram Chicham Najanamu

¹⁹ Atumsha ju̱ nuṉkanmaya̱ shuaraitkiurminkia níniua nútiksaṉ anenmaintrume. Antsu Wí shuar ajastarum tusan ju̱ nuṉkanmaya̱ achikmajrume. Túramtai nekas ju̱ nuṉkanmaya̱nchuitrume yamaikia. Nu asamtai nu shuar nakitramainiawai.

Juaṉ 15:19 Iomraidhean Croise

Mat. 10:22

Tura Winia ajasu asakrumin mash muí̱jramkartatui. Tura tuke katsuntea nu uwemprattawai.

Mat. 24:9

“Nuyá̱ atumniasha yajauch awajsarat tusa surutmakartatui. Tura mantamawartatui. Tura winia naar pachia asakrumin ashí shuar muí̱jramkartatui.

Ruk. 6:32

Iistá, aya atumniak anenmainia nuke aneakmesha ¿nusha warí péṉkera túrarum? Yajauch shuarsha nuna túrin áiniawai.

Juaṉ 13:18

Tura tájana nuna ashí tátsujrume. Anaikiaitiaj núnaka Wi nékajai. Tura Yus Chicham uminkiatniuiti, nékajai. Ju̱ áarmaiti ‘Wiji̱a̱i̱ yurumna nu winia nemasur ajasái.’ YKan. 41:9

Juaṉ 15:16

Aya atumí enentáimsamuri̱ji̱a̱i̱ṉ Wí shuar ajaschamarme. Antsu akatrámur ajastarum tusan atumniaka achikmajrume Wi. Winia takatur takastiniaitrume. Túrarum péṉker túratniuitrume nerektinia áintsarmek. Tura nu nere amuutsuk tuke átiniaiti. Tuma asamtai winia Apar searmena nuna amastatui.

Juaṉ 6:70

Jesussha áimiuk “Ashí tuse árumna nuna nekas Wí shuar ajastinian Wikia júurmaitiatrum atumíin chikichik íwianchchakait” tímiayi.

San. 4:4

Jú̱ nuṉkanmaya̱ wakerakum Yusa nemasri̱ji̱a̱i̱ tsanirma áintsaṉketrume. Atumsha nékatsrumek. Jú̱ nuṉkanmaya̱ṉ wakerakrikia Yusa nemasri̱ntji. Shuar ju̱ nuṉkanmaya̱ṉ wakerakka Yusa nemasri̱ ajawai.

1 Pit. 4:3

Warí, Yusan nékainiatsna nú shuar túruiniana nu atumsha núkap túrichmakuram. Yus shuar ajatsuk tsanirmatin wakerimiarme. Yajauch túratniusha, nampernum nampekrum ti yurumárum, enentáincha ajasrum charaatum ajatniusha, najankamu yusa namperi̱i̱n yajauch ana nu najanatniusha nusha ashí wakerimiarme.

1 Jṉ. 3:12

Iisha Kainkia ánin áchatniuitji. Íwianch shuar asa ni yachi̱n mámiayi. Tura ¿urukamtai mamia? Enentáimprata. Ni yajauch asa tura ni yachi̱ péṉker asamtai mámiayi.

Apu. 12:17

Túramtai nuwa̱n ti kajerak ni wea chíkich írunna nuja̱i̱ mánaiktaj tusa wemai. Nu shuarsha Yus akupkámun umirainiak Jesusan ti shiir áujmatenakui niji̱a̱i̱ mánaiktaj tawai.

Apu. 12:9

Núnisaṉ Ti Kajen Yajasma ashí ni suntari̱ji̱a̱i̱ nuṉká akupnakmai. Nu Yajasmasha iwianchi uuntri̱ Satanás tutainti. Nisha yáunchuya napiti. Ashí nuṉkanmaya̱ shuaran anaṉniuiti.