Juaṉ 15:18 - Yus Papí: Shuarja̱i̱ Yus Yamaram Chicham Najanamu

¹⁸ Ju̱ nuṉkanmaya̱ shuar Winia emka nakitrurar atumniasha nakitramarme.

Juaṉ 15:18 Iomraidhean Croise

1 Akup. 22:8

Takui̱ Israera akupniúri̱ Jusapátan aya̱k “Kame aents chikichik Yúsnan etserin awai. Tura Uunt Yussha warí tawa nuka niini̱ nekaamnaitji. Túrasha wikia ninkia peṉké muí̱jiajai. Warí niṉkia péṉkera núnaka peṉké turuttsuk aya yájauchiniak ujatniuiti. Nuka Impra uchirí̱ Mikiayásaiti” tímiayi. Takui̱ Jusapát aya̱k “Atsá, úunt akupniuka nuni̱ṉkia chichakchatniuiti” tímiayi.

Neka. 29:27

Yajauchin túrin ainia nu péṉkera túrin ainia nuna muí̱jiainiawai núnisaṉ péṉker wekainia nu Yusan enentáimtichu ainia nuna muí̱jiainiawai.

Isa. 49:7

Tura Uunt Yus, Israera uuntri̱ uwemtikkiartinia nu tura ame Tunaarincha Yúsrum imiancha tura nakitrámua nu núnisaṉ chikichan takarniúri̱ya nu chichaak jú̱nis tawai “Uunt akupin ainia nusha ámin waitmakar wajakiar Uunt Yus péṉker túrin asamtai tura Israera Yusri̱ peṉké tunaarincha ámin anaikiamka asamtai tikishmáttramprar tsuntsumprútmawartatui” tímiayi.

Isa. 53:3

Aents nakitiáiniak ji̱i̱ki̱ awemarmai. Aents asa najaimiatniuncha tura wáitsatniuncha nékauyi. Shiir awajtsuk nakitiakur ii yapi̱sha u̱rji.

Isa. 66:5

Átum Uunt Yusa chichame̱ ántakrum sapijmiatirmeka Uunt Yusa chichame̱ antuktarum. Atumí yachi̱ Winia enentáimturkurmin muí̱jramainiak ji̱i̱ki̱ akuptámainiana nu chichainiak ‘Uunt Yus naṉkamantu awajsatarum. Túrakrumin atumí waramuri̱ wainkiartai’ tuíniawai túrasha niṉkia natsanmai̱ awajkámu ártatui.

Sak. 11:8

Tura chikichkí nantunmaṉ menaintiú murikiu wáinniun ji̱i̱rarmajai. Tura nuna túrawaran tí kuntuts nekapramjai núnisaṉ nisha nakitrurarmiayi.

Mat. 10:22

Tura Winia ajasu asakrumin mash muí̱jramkartatui. Tura tuke katsuntea nu uwemprattawai.

Mat. 24:9

“Nuyá̱ atumniasha yajauch awajsarat tusa surutmakartatui. Tura mantamawartatui. Tura winia naar pachia asakrumin ashí shuar muí̱jramkartatui.

Mat. 5:11

Wi shuar ajasu asakrumin wáitruiniak katsekramainiakuisha núnisaṉ apapétmainiakuisha tura náṉkamas chichartamainiakuisha tí shiir enentáimsamniaitrume.

Mar. 13:13

Nuiṉkia Wí shuar asakrumin ashí nakitrámprartatui. Tura shuar yawe̱tsuk katsuntraṉka uwemprattawai” tímiayi.

Ruk. 6:22

Núnisaṉ atumín aents nakitrámprarmataisha ajapramawarmataisha tura Wi Aents Ajasu tutaiya nú shuar ajasuíti tusar tsanumprutmak katsekramkarmataisha shiir enentáimpratarum.

Juaṉ 16:1

“Átum kanartuka̱i̱rum tusan jú̱naka tájarme.

Juaṉ 16:33

Winia enentáimturkuram aṉkant shiir pujusuk tusan tájarme. Jú̱ nuṉkanam ti wáitsattarme. Tura Wi jú̱ nuṉkanmaya̱n nupetka asamtai warastarum” tímiayi Jesus.

Juaṉ 3:20

Ashí yajauchin túruinia nuka tsáapninian muí̱jiainiawai. Túrawar ni tunáa túramu paant ajasa̱i̱ tusa yupitiainiawai.

Juaṉ 7:7

Ju̱ nuṉkanmaya̱ aents atumniaka kajertamatsrume. Antsu ni tunaari̱n etsertamu ásar Wíniaka kajertuiniawai.

Tur. 14:22

Waketainiak “ashí Yus tana nu tímiatrusrumek tuke umirkatarum” tuíniak Yus shuaran ikiaká̱rarmiayi. Tura nin tiármiayi “Yusa akupeamuri̱i̱n pachinkiataj tákurkia ti wáitsatniuitji.”

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

San. 4:4

Jú̱ nuṉkanmaya̱ wakerakum Yusa nemasri̱ji̱a̱i̱ tsanirma áintsaṉketrume. Atumsha nékatsrumek. Jú̱ nuṉkanmaya̱ṉ wakerakrikia Yusa nemasri̱ntji. Shuar ju̱ nuṉkanmaya̱ṉ wakerakka Yusa nemasri̱ ajawai.

1 Jṉ. 3:1

Maa, shiir enentáimpratarum. Yus Apa ti anenma asa “winia uchir” tu anaitiamkaitji. Kame nekas ni uchirí̱ntji. Tuma asakrin jú̱ nuṉkanmaya̱ Yus shuarcha nekarmainiatsji. Kame Yusnasha nékainiatsui.

1 Jṉ. 3:13

Yatsurtiram, ju̱ nuṉkanmaya̱ shuar nakitramainiakui ti enentáimsairap.

1 Jṉ. 3:3

Tura shuar shiir enentáiji̱a̱i̱ nuna nákakka imia niṉki shiir awajmamui Jesukrístuja̱i̱ métek shiir atajai tusa.