Juaṉ 15:15 - Yus Papí: Shuarja̱i̱ Yus Yamaram Chicham Najanamu

¹⁵ Takarniuka ni uuntri̱ takaana nuna nékatsui. Tuma asamtai ‘winia takarniúruitrume’ tátsujrume. Antsu ashí winia Apar táman ujaku asan ‘winia amikruitrume’ tájarme.

Juaṉ 15:15 Iomraidhean Croise

YKan. 25:14

Uunt Yusan nekas ashamak tsanias pujana nuna Yus nekaska Ni enentáimta nuna nékamtikiattawai.

Neka. 18:24

Untsurí amikri̱nniuitkiursha itiurchatnum ejekartin ainia nusha nekaamnia áiniawai. Túrasha yachiji̱a̱i̱sha naṉkaamas ii nekas amikri̱ awai.

Ams. 3:7

Warí ii Uuntri̱ Jiuwaka ni takarniúri̱ Yúsnan etserin ainia nuna paant ujatskeka nekaachminia nuna túrichuiti.

Mat. 13:11

Tutai Jesus chichaak “Urukuk ju̱ nuṉkanam Yus akupin ati, nuka yaunchu nekanachmiayi. Tura yamaikia Yus ashí nuna atumín paant iniakturmawai. Antsu chíkich nuna nekaachmin áiniawai.

Ruk. 10:23

Nuyá̱ ni unuiniamuri̱n iis chicharainiak “Wi tájarme, untsurí Yúsnan etserniusha tura úunt akupniusha átum yamái wáintrum nuna wáinkiatniun wakeruiniayataṉ wáinkiacharmiayi. Tura átum yamái ántarme nuna antuktinian wakeruiniayataṉ antukcharmiayi. Tura Yus achirmáku asakrumin wáintrumna nu tí peṉkeraiti” tímiayi.

Juaṉ 12:26

Shuar Winia takartustinian wakerakka nemartusti. Túrakka Wi pujajna nui̱ Winia takartinia nu Wiji̱a̱i̱ tuke átatui. Núnisaṉ Winia takartinian Winia Aparsha shiir enentáimtustatui” tímiayi.

Juaṉ 13:16

Ti nekasan tajai. Takarniuka ni uuntri̱ naṉkaamaschaiti. Akupkámusha akupea nuna naṉkaamaschaiti.

Juaṉ 15:20

‘Takarniuka ni uuntri̱ naṉkaamaschaiti’ tíchamkajrum. Shuar Winia yajauch awajtúsaru ásar atumniasha yajauch awajtámsartatui. Chikicha umirtukaru ásar atumniasha umirtamkartatui.

Juaṉ 16:12

Nu arantcha núkap tíintjiarme túrasha átumka nekaachaintrume.

Juaṉ 17:26

Nú shuaran Ame Náarmin nekaawarti tusan jintintiáitjiai tura nu arantcha jintintiáttajai. Núja̱i̱ṉkia Winia anenniuitmena nuka niin atí tura Wisha niin atajai” tú aujsamiayi Jesus.

Juaṉ 20:17

Jesussha tutai “Achirkaip. Winia Aparuí̱ tuke waatsjai. Antsu weme Wí shuar ujakárta. Winia Aparuí̱ wéajai. Nisha atumí Aparí̱nti. Winia Yúsruiti tura atumí Yúsri̱nti tawai titiá” timiayi.

Juaṉ 4:19

Nuna antuk nuwa̱sha chichaak “Uuntá, Ámeka Yúsnan etserniuitme.

Juaṉ 8:26

Nu arantcha atumín súmamtikiatjarum tusan ti tíminiaitjiai. Winia Apar akuptúkua nuka tuke nekasa nuna tawai. Tura aya ni táman antukan ashí shuaran nunak tajai” tímiayi.

Rum. 7:15

Kame túrajna nuna itiurchat enentáimtajai. Péṉker túratniun wakeraj nuna túratsjai. Antsu nakitiaj nuna nekaska túriniaitjiai.

1 Kur. 2:16

Yus Papinium yaunchu áarmaiti “¿Yusa enentáimmiari̱ ya neka. Tura Yusan ya jintintiámniait?” Isa. 40:13 tu áarmaiti. Tuma ai̱ṉ iikia Yus shuar ájinia nu, Kristu enentáimna núnisrik enentáimji.

Kar. 4:6

Atumsha nekas ni uchirí̱ ajasákrumin Yus ni Uchirí̱ Wakaní̱n atumí enentái̱n akuptúrmakuiti. Tura nu Wakan atumí enentái̱ya̱ Yusan “Aparu” tawai.

Ipi. 1:9

Nuja̱i̱ shiir enentáimturmak Kristui̱ iin uwemtikrampratniun wakerutmakmiaj nuna yaunchu nekaachman yamái paant awajtúrmaji.

Ipi. 3:5

Nú chichaman yáunchusha chikichkinkesha ujankachmiayi. Túrasha yamaikia Yusa Wakaní̱ Kristu akatrámuri̱ncha etserniuri̱ncha nu chichaman paant awajtúsarai.

Kurs. 1:26

Yámankamtaikniumia̱ nekaachman Yus yamaikia ni shuari̱n paant awajsaiti. Nu chichamnasha ujakarai tusa winia akattúr akuptúkuiti.

Jirm. 1:16

Kame yamaikia emetachma antsu ame aneamu yátsumea áinis átatui. Nuka ti péṉkerchakait. Wisha nin ti aneajai. Tura yaintmakmin asamtai tura Krístunam ame yátsum ajasu asamtai winí̱ naṉkaamas aneashtapash.

San. 1:1

Wi Sántiak Yusan tura núnisaṉ ii Uuntri̱ Jesukrístun takarin asan ju̱ papin aajai. Ashí Yus shuartirmin ashí nuṉkanam tsakiṉmakarum matsatrumna nuna amikmajrume.

San. 2:23

Nuja̱i̱ Yus Chicham aarma nu uminkiamiayi. Ju̱i̱ti, Aprajám Yusan shiir enentáimtusmiayi tura Yus chicharuk “Máakete. Núja̱i̱ṉkia tuke péṉker túraitme Wiji̱a̱i̱” Naṉ. 15:6 tímiayi. Aprajámka nekas “Yusa Amikri̱” tu náamkamiayi.

2 Pit. 1:1

Wikia ju̱ papin aajna ju̱ Semuṉ Pítruitjiai. Jesukrístu akatrámu asan ni takarniúri̱ntjiai. Ii Yusri̱ tura iin Uwemtikramin Jesukrístu umirumna nuna atumniasha ju̱na áatjarme. Nisha ashí aentsun métekrak enentáimtin asamtai atumsha iiji̱a̱i̱ métek Niniu ajasurme. Nuka tí peṉkeraiti.

Jut. 1:1

Wi Jútas Jakupu yachi̱ntjiai. Jesukrístu takarin asan ashí Yus Apa ni shuari̱ átinian achikma ainia nuna ju̱ papin áateajai. Jesukrístuja̱i̱ tsaniṉkiaru ásarmatai Yus nin wainiainiawai niji̱a̱i̱ kanakchatniun.

Apu. 1:1

Jú̱ áarman Jesukrístun Yus ujakmiayi. Wárik túrunatta nuna ni shuari̱n ujakárat tusa ujakmiayi. Tuma asamtai Jesukrístu ni suntari̱n akupak ashí winia paant awajtúrsamai. Wisha Jesukrístu takarniúri̱ Juáṉkaitjiai.