Juaṉ 15:13 - Yus Papí: Shuarja̱i̱ Yus Yamaram Chicham Najanamu

¹³ Shuar ni amikri̱n nekas yáiṉtaj tusa aneak jarana nuna naṉkaamas aneen áminkiait.

Juaṉ 15:13 Iomraidhean Croise

Ruk. 12:4

Amikrutiram, aya aya̱shmin main ainia nu ashamkairap tájarme. Aya̱shmin maa nú arantka máshtatui.

Juaṉ 10:11

Wikia péṉker wáinniuitjiai. Péṉker wáinniuka ni murikrí̱n uwemtikrartaj tusa jakattawai.

Juaṉ 17:19

Nisha nekasa nuja̱i̱ mátrachu ti shiir ajasárti tusan Wisha mátrachu shiir awajmámsaitjiai.

Ipi. 5:2

Kristu iin anenmajⁱ núnisrum anenaitiarum. Kame ii tunaari̱n akikmaktaj tusa Niṉki Yusan súsatniuncha tura ti shiir nekapújamnia áestamuncha núnis jákatniunam surumakmiayi.

1 Jṉ. 3:16

Jesukrístu iin jarutramka asakrin nuja̱i̱ nekas iin anenmaj nu nékaji. Iisha núnisrik Yus shuar ainia nu ti aneakur ni yaiṉtai tusar jarukmin átiniaitji.