Juaṉ 15:12 - Yus Papí: Shuarja̱i̱ Yus Yamaram Chicham Najanamu

¹² Wi akupkámu ju̱i̱ti, Wi aneajrumna nútiksarmek ashí anenaitiarum.

Juaṉ 15:12 Iomraidhean Croise

Mks. 1:2

Uunt Yuska chichaak “Wikia aneemiajrume” túrasha átumka chichartakrum “¿itiura iincha aneṉkratmiam? tú aimtsurmek” tawai Uunt Yus. “Warí ¿Esaú Jakupa yáchi̱nchuka? tuma ai̱ṉ Jakupnaka anemiajai

Juaṉ 13:34

Ju̱ yamaram akupeamun amaajai nuamtak mái̱ anenai ajatarum tusan. Wi atumín aneajrumna núnisrumek atumsha nuamtak mái̱ anenai ajatniuitrume.

Juaṉ 15:17

Jú̱naka akupeajrume nuamtak mái̱ anenai ajatarum.

Rum. 12:10

Nuamtak yachi asarum núnisrum mái̱ anenai ajatarum. Chíkich wiji̱a̱i̱ naṉkaamas úuntaiti tu enentáimtunaistarum.

Ipi. 5:2

Kristu iin anenmajⁱ núnisrum anenaitiarum. Kame ii tunaari̱n akikmaktaj tusa Niṉki Yusan súsatniuncha tura ti shiir nekapújamnia áestamuncha núnis jákatniunam surumakmiayi.

1 Tis. 3:12

Atumín ii aneajnia núnisaṉ Yus atumniasha mái̱ anenai ajatniun tura chikitcha anenaiyatniun enentáimtikramprarti. Tura nú nukap aneṉkrattain Yus amasárti tusar wakeraji.

1 Tis. 4:9

Tura yamaikia nuamtak Yus shuar anenaistin ana nuna tí neka asakrumin áatrashtatjarme. Warí, imia Niṉki Yus atumín mái̱ anenai ajatniun jintintrámawarmatai nékarme.

2 Tis. 1:3

Yatsuru, átum péṉker matsatu asakrumin iisha Yus tuke yúmiṉkiaji. Átumka Yus nekas enentáimtustin nú nukap nekaakrum wéarme. Tura nuamtak anenaistincha nú nukap nékarme. Nu tuma asamtai Yus yumiṉsatniuitji.

1 Pit. 1:22

Yus nekas tana nuna Yusa Wakaní̱ yáintmakui umirka asarum atumí wakaní̱n péṉker ajasuitrume. Yus shuarja̱i̱ yajauch enentáimtunaitsuk mái̱ anenai ajatai tusarum tura asarum nekas shiir enentáimtunaisrum mái̱ anenai ajatarum.

1 Pit. 3:8

Nuya̱sha ashí Yus shuartirmin tájarme, aya chikichík enentaik atí. Waitnennairatarum. Nekas yátsum aneam núnisrumek anenaitiarum. Aya áminiuk enentáimtutsuk chikichan yáiṉtaj tu enentáimsatarum.

1 Pit. 4:8

Aneniamuja̱i̱ untsurí tunaasha tsaṉkuratin awai. Tuma asamtai ashí naṉkaamas nuamtak anenaistarum.

1 Jṉ. 3:23

Ju̱i̱ti Yus akupkámu, ni Uchirí̱ Jesukrístu nekas enentáimtustin tura Kristu timia áintsarik shuartisha mái̱ anenai ajartin.

1 Jṉ. 4:21

Yus iincha ju̱na turammiaji, Yusan anea nu shuar chíkich Yus shuarnasha aneatniuiti.

2 Jṉ. 1:5

Yamaikia, umaru, tájame, mái̱ anenai ajartai. Yamaram akupkámun áattsujme antsu yámankamtaik antukmiaj nunak tájame.