Juaṉ 15:11 - Yus Papí: Shuarja̱i̱ Yus Yamaram Chicham Najanamu

¹¹ Wi warajna áintsarmek warastarum tusan nuna tájarme. Tura ti shiir warastatrume.

Juaṉ 15:11 Iomraidhean Croise

Isa. 53:11

Nuyá̱ Ni wakaní̱ wáitsamia nuja̱i̱ tsáapninian wainiak ti shiir enentáimprattawai. Winia takartin tí peṉkera túrin asa ni nékamuriji̱a̱i̱ ti untsurín makuchmin awajsattawai kame niṉkia ashí aentsu tunaari̱n entsaktatui.

Jrm. 32:41

Tura Wisha niin peṉker túruiniakun ti wararnaisartatjai. Núnisnak nekas enentái̱rja̱i̱ ashí wakantruja̱i̱ ataksha nekasa nuja̱i̱ ju̱ nuṉkanam matsasártatjai.

Jrm. 33:9

Jú̱ pepruka Winia náarun pachisar warainiak tura winia wincharun wararainiakᵘ shiir awajtin ártatui. Túrasha ashí péṉkeran Wi jú̱ peprun túraitjiana nuna ashí nuṉka uunt mátsatkamunam antuk nekaawar ashamainiak tákeer ajartatui.’

Sup. 3:17

“Jiuwaka amiin pujawai tura kakarmari̱ji̱a̱i̱ uwemtikramprattawai. Ámin shiir enentáimturmak warastatui. Anenmamuja̱i̱ mitia apujtamsattawai tura waramuja̱i̱ kantamprútmattawai.

Ruk. 15:23

Túrarum waaka yamatskam nuéram ana nu mátarum. Námper nájankur shiir enentáimsar yurumámi.

Ruk. 15:32

Tura ame yátsum jákaiti tu enentáimsamiaj nu iwiaakuiti. Meṉkaka nu yamaikia wainkiaji. Tuma asamtai námper najanar waraschatniukaitiajⁱ timiai’” tímiayi.

Ruk. 15:5

Tura wainiak yakai̱nium awaṉkek waras je̱e̱n wáketui.

Ruk. 15:9

Tura wainiak ni amikri̱n tura írutramuri̱ncha ikiaanak ‘Wiji̱a̱i̱ warastarum. Kuit meṉkakamia nuna wainkiajai’ títiatui.

Juaṉ 16:24

Yamaisha Winia enentáimtursarum winia Apar seachurme. Túrasha seakrumni̱ṉkia ti shiir warasuk tusa amastatui.

Juaṉ 16:33

Winia enentáimturkuram aṉkant shiir pujusuk tusan tájarme. Jú̱ nuṉkanam ti wáitsattarme. Tura Wi jú̱ nuṉkanmaya̱n nupetka asamtai warastarum” tímiayi Jesus.

Juaṉ 17:13

Yamaikia Amiini̱ winiajai. Tura ju̱i̱ tuke pujakun Wi warajna núnisar nisha ti shiir warasarat tusan ju̱na tájame.

Juaṉ 3:29

Kame shuar nuwa̱n nuatna nuna áishri̱nti. Nuatnaiyak áishmaṉ nuwa̱ja̱i̱ áujnaiyakui ni amikrí̱sha nuna antukar ti warainiatsuk. Wisha núnisnak aents Jesusai̱ wénakui ti waraajai.

Rum. 15:13

Jintia íimprutai̱ Yuska Yus enentáimtakrumin ashí warastinniasha tura ashí aṉkant shiir pujustinniasha suramsati. Túramtai Yusa Shiir Wakaní̱ kakarmari̱ji̱a̱i̱ nuna naṉkaamas jintia íimprustinian amasti.

2 Kur. 1:24

“Aya wi tájana nútiksarmek Yus enentáimtustarum” waantu enentáimtumasar nu títin nakitiaji. Yus nekas enentáimtusmaja̱i̱ kaka̱a̱rme. Antsu nekas warastarum tusar wakeraji.

Ipi. 5:18

Nampekairap. Nampeakmeka aya yajauch ajame. Antsu Yusa Wakaní̱ winia enentái̱rui̱ takamtsuk pujurtusti tu enentáimsatarum.

Jir. 1:25

Kame tuke pujustatjai nékajai. Núnisnak atumji̱a̱i̱ pujakun Yus nekas enentáimtakrum naṉkaamas warakrum tuke katsua̱ruk tusan yáiṉtatjarme.

1 Tis. 5:16

Tuke shiir warasrum pujustarum.

1 Pit. 1:8

Jesukrístu wáinchaitiatrum anearme. Tura yamái wáinchiatrumek nekas enentáimtarme. Tuma asarum ti wararme. Nu warastin nayaimpiniam warastatjinia núniskete, nuka paant títin jeatsji.

1 Jṉ. 1:4

Kúntutsja̱i̱nchu ti shiir warasaruk tusan ju̱na áatjarme.

2 Jṉ. 1:12

Tí nukap atumji̱a̱i̱ áujmatsatniun wakerajai. Túrasha ju̱ papinium mash áatrashtatjarme. Antsu imia wiki atumín iyakun jeatjai. Nuyá̱ naka chichasar ti shiir warastatji.