Juaṉ 15:10 - Yus Papí: Shuarja̱i̱ Yus Yamaram Chicham Najanamu

¹⁰ Winia Aparu akupkámuri̱n umíakun tuke ni aneamuri̱ntjiai. Núnisrumek winia akupkámur umíakrumka tuke winia aneamur átatrume.

Juaṉ 15:10 Iomraidhean Croise

2 Sam. 22:22

Warí Uunt Yusa jinti̱n wekasaitjiai. Túran Yusa umircha núnisnaka winia Yúsrui̱ya̱ṉka kanakchaitjiai.

2 Akup. 18:6

Tuma asa Úunt Yusai̱ya̱ peṉké kanatsuk antsu yaunchu Uunt Yus Muisaisan akupkámu chichaman áamtikramia nuja̱i̱ métek umikmiayi.

Jiin. 7:6

Nuya̱ṉka Muisais, Araunja̱i̱ Uunt Yus timia ímiatrusaṉ túrawarmiayi.

Isa. 50:5

Ii Uunt Yusri̱ antuktinniaka surusuiti tura kajenka ajaschaitjiai núnisnak úkumprusha waketkichuitjiai.

Juaṉ 10:18

Wi wakerakun jakattajai. Wi wakerachkuiṉkia chíkichkia mantuachminiaiti. Jákatniuncha tura nantaktinniasha winia Apar surusuiti” tímiayi Jesus.

Juaṉ 12:49

Wi enentáimmiaja̱i̱ṉ chichaatsjai. Winia Apar akattúr akuptúkuiti. Tura chichastinia nuna surusuiti.

Juaṉ 14:15

“Atumsha anentkurmeka winia chichamur umiktarum.

Juaṉ 14:21

Shuar Winia anentuka wi akupkámun nekáa umíawai. Nú shuarnaka winia Aparsha aneawai. Wisha nin aneajai tura nekarati tusan iniaktustatjai.” Jesus nuna tímiayi.

Juaṉ 14:23

Jesus chichaak “Winia anentuka tájana nuna enentáimtawai. Winia Aparsha nu shuaran aneattawai. Tura Wisha winia Aparuí̱ nu shuarja̱i̱ tsaniṉkia pujustatji.

Juaṉ 14:31

Tura Wikia winia Aparun aneajai tura Ni akuptúrkama nuna tuke túrajai. Ashí shuar nuna nekaawarti tusa ashí túrunatniuiti. Wajaktiarum. Ju̱yá̱ wetái” tímiayi.

Juaṉ 17:4

Ashí túratniun akuptúkmamna nuna amukuitjiai. Túran ju̱ nuṉkanam shiir awajsaitjiame.

Juaṉ 4:34

Tuíniakui Jesus áimiuk “Winia akuptúkua nuna wakeramuri̱n túrakun tura Ni takatrí̱ amuktinia nuiti Winia yurumkarka.

Juaṉ 8:29

Winia akuptúkua nuka tuke Wíji̱a̱i̱ṉ pujawai. Winia Apar wakeramun tuke shiir túrakui ikiurkichuiti” tímiayi.

Juaṉ 8:55

Nusha táyatrum Nin nékatsrume. Wikia Nin nékajai. ‘Nin nékatsjai’ tákunka atumji̱a̱i̱ métek wáitrin aintjiai. Tura Nin neka asan Ni tana nuna tuke túriniaitjiai.

1 Kur. 7:19

Israer shuaraitkiumsha tura Israer shuarchaitkiumsha nuka enentáimtuschatniuiti. Aya Yus tana nu umirkatin nekas enentáimtustiniaiti.

1 Tis. 4:1

Iikia Uunt Jesus akupkámuitji. Tuma asar nu kakarmaja̱i̱ atumniasha ju̱ túratarum tusan akupeajrume. Atumsha iwiaaku pujarmena nui̱ Yus shiir waramtiksatarum tura tuke péṉker túrukrum wetarum tusar seajrume. Iisha nuik atumín unuiniarmajrumna nútiksarmek túratarum.

Isr. 7:26

Tuma asa Jesus Yúsnan péṉker pujurniu uuntri̱ asa ii atsumajnia núkete nisha. Nisha ti shiir asa peṉké tunaarinchaiti. Ashí yajauchinmaya̱ kanakniuiti. Tura Yusja̱i̱ métek Uunt ajasuíti.

2 Pit. 2:21

Yusa akupkámuri̱n imiá péṉkera nuna Yus nú shuarnasha súsarmiayi. Túrasha nékainiayat tunaanum waketkiaru ásar ti asutniáwartatui. Tuma asamtai nekas jintian nekaachuitkiuṉka maak árainti.

1 Jṉ. 2:3

Yus tana nu umirkurkia nuikia Yus nekas nékaitji.

1 Jṉ. 2:5

Antsu shuar Yus tana nuna umireakka Yusan ti shiir aneawai. Túrakur Niji̱a̱i̱ tsaniṉkiar pujamu nékaji.

1 Jṉ. 2:6

“Yusja̱i̱ tsaniṉkia wekaajai” tana nú shuar Jesukrístu wekasamia núnisaṉ wekasatniuiti.

1 Jṉ. 5:3

Yus aneakur Ni tana nu umiktatji.Mat. 11:30; Jṉ. 14:15 Ashí Yusa uchirí̱ya nu Yusan nekas enentáimta asa, ashí ju̱ nuṉkanmaya̱ írunna nuna núpeteawai. Nu asamtai Yus tana nu umirkatin itiurchatchaiti.

Apu. 22:14

Ni pushiri̱ péṉker nijiamatniua núnisaṉ péṉker túrinia nú shuar shiir warasminiaiti. Nu shuar nu pepru wáitiri̱ncha waya̱mniaiti. Túrar tuke iwiaaku pujutai̱ numinmaya̱ yuámniaiti.