Juaṉ 15:1 - Yus Papí: Shuarja̱i̱ Yus Yamaram Chicham Najanamu

¹ “Witjiai nekas araknaka tura Winia Aparka arakan wáinniuiti.

Juaṉ 15:1 Iomraidhean Croise

Anen. 7:12

Káshik nantakir úwa ajanam wetái. Uwa tsapainiawash tura nerenawash iyumi. Kranatu kuku̱jrukariash. Winia aneṉkrattai̱rnaka nui̱ amastájai.

Isa. 4:2

Kame nu tsawantinkia Úunt Yusai̱ya̱ jé̱e̱rtatna nuka ti shíiram núnisaṉ tí paantin wararsamu átatui. Tura nu nuṉka arakri̱ nere̱ja̱i̱ ti wararsamu nuyá̱ Israer shuar iwiaaku pujuartatna nuna iwiarmamke átatui.

Isa. 61:3

Nu arantcha Seúnan enentáimtusar kúntuts pujuinia nuna atsumamuri̱n súsatniun tura yuṉkunminkia juruiniak akupin etseṉkrutai̱n súsarat tusa nuyá̱ kúntuts pujamuncha emeṉkátuk waratai̱ asuiti súsatniun núnisaṉ itiurchat nekapenancha emeṉkátuk warakur Yus shiir enentáimtutai̱ awaṉkéman súsarat tusa akuptúkuiti. Tuma asamtai nekasa nuja̱i̱ métek túrutai̱ rupri numin Uunt Yus Ni winchari̱n iniakmastaj tusa arakuiti tutai ártatui.

Jrm. 12:10

Murikiu wáinin untsurí uwa ajarnasha emesturkar Winia nuṉkarnasha amuuturarai. Winia tí shiirmachia nuka kampuntin atsá awajsamuiti.

Jrm. 2:21

Kame Wikia tí peṉker árak asakmin tí peṉker uwa ati tusan araamjame. Túramatiatmesha ¿urukamtaitsuk yajauch uwa núnikmesha muímprasha ajasum?

Isk. 19:10

Ame núkuka uwa tí peṉker nerena núniniauyi tura entsá supichik wajá asa ni kanawe̱sha tí nukap armai. Nuna numiri̱sha tí katsuram akupin akupeakur takutai̱ naṉki najanamnia armai. Túrasha kajerkar ukuinkiarmai tura numiri̱ kátsuram arma nusha kupiniararmai. Nuyá̱ yamaikia atsú nuṉkanam araamuiti. Nuiṉkia numiri̱ kátsuram akupin akupkur takutai̱ naṉki najanamniaka atsawai. Ju̱ kántaka kúntuts enentáimtusar wáitiakur támaiti tura wáitiakur kúntuts enentáimkiur títiniaitme” Uunt Yus tíniuiti.

Use. 10:1

Israer shuarka uwa araam tí peṉker tsapái̱ nuke̱ kanetin nerekua ímiatrusaiti. Túrasha nuja̱i̱ métek najanamu yus áestutai̱ncha ti najankarmiayi. Núnisaṉ nuṉke̱ncha tí peṉker tsapamtikruiniamaitiat ju̱i̱ti ii yusri̱ tusar kayan nuna péṉker iwiarkarmiayi.

Sak. 3:8

Yúsnan pujurniu uuntri̱ Jusuiyá amesha tura ame tsaníakmaram Yúsnan pujurin ámiji̱a̱i̱ pujuinia nuja̱i̱ ukunam ártatna nuna nakumin árumin ju̱ anturkatarum. Nekaatarum, Winia takarniurun Kanawe̱n tutai jé̱e̱rtatna nuna utitiatjai.

Mat. 15:13

Tuíniakui Jesus chichaak “Ikiuktiarum. Kusurua áintsaṉ áiniawai. Tura kusurúncha jintintiáiniawai. Mai̱ kusuru ásar mai̱ wá̱a̱nam akaikí̱ iniaawartatui. Wats, ajanam nupa̱ írunna ántsaṉ áiniawai. Tura ashí winia Apar nayaimpiniam pujana nu araachmaka takamtsuk uwé ajapamu átatui.”

Mat. 20:1

“Yus akupeamunam pachinkiatin jú̱nisaiti. Nuṉká nérentin ni araamuri̱n júuktaj tusa káshik iniamar jiintiukmiai.

Mat. 21:33

“Ju̱ chíkich áujmatmasha antuktarum. Nuṉká nérentin uwa arak wenuimiai. Uwa neketai̱ncha tura kumpinniasha najanamai. Tura mash péṉker iwiarak shuar waitrukarti tusa apujkiarmai. Tura ikiuak yajá nuṉkanam wemai. Isa. 5:1-2

Mar. 12:1

Jesus ju̱ métektaku chichaman unuiniamiayi. “Shuar uwa ajan ajam wenuimiai. Nuyá̱ uwa neketain najanamai. Tura kumpin je̱a̱n najanamai.Isa. 5:1-2 Najana takartusti tusa shuaran ikiuak niṉkia jeachat wemai.

Ruk. 13:6

Ju̱nasha Jesus métektaku chicham timia ju̱i̱ti. “Shuar ni ajarí̱i̱n ikiu numin araamun takakuyi. Nerekchiash tusa iyumai. Túrasha nere atsumai.

Juaṉ 1:17

Yusa akupeamuri̱n Muisais yaunchu jintintraiti, antsu waitnenkartutai̱ncha tura ashí nekas ana nusha Jesukrístuja̱i̱ tarutrámniuitji.

Juaṉ 1:9

Nu tsáapninkia nekas tsáapniniaiti. Ju̱ nuṉkanam taa ashí shuara enentái̱n tsáapnirtiniaiti.

Juaṉ 15:2

Ashí kanawe Winí̱ áyat nereatsna núnaka tsupirak jurustatui. Antsu nereana núnaka nú nukap nerekat tusa puruartatui.

Juaṉ 6:32

Tuíniakui Jesus “Wi tájana nu ti nekasaiti. Muisais atumín nayaimpinmaya̱ yurumkan súsachmiayi antsu Winia Aparka nekas apatkun nayaimpinmaya̱n súramprume.

Juaṉ 6:55

Winia aya̱shruka nekas yurumkaiti tura winia numparsha nekas umutainti.

Rum. 11:17

Yuska chíkich chíkich Israer shuaran, numí kanawe̱n tsupik ajapniua áinis iniaisámiayi. Tura nuyá̱ atumín niisháa numinmaya̱ árumni̱ṉ nu numiniam anujtamkamarme. Nuja̱i̱ péṉker numiji̱a̱i̱ tsaniṉkrum nu kakarmaja̱i̱ iwiaakrume.

1 Kur. 3:9

Wisha tura Apurussha Yusa takatri̱ mái̱ tsanintkiar takaaji. Tura Yus atumí enentái̱n takaakui atumsha Yusa núṉke̱ya áintsaitrume. Je̱a̱sha enentáimpramniaiti. Yus atumji̱a̱i̱ takaak je̱á̱ je̱a̱mtinia áintsaṉ takaawai.

1 Jṉ. 2:8

Túmaitiat nekas yamarma áitkiasnak áateajrume. Nu akupkámun Krístusha nekas iniakmasmai. Atumíincha nu akupkámu nekas paant awajsamuiti. Nuja̱i̱ kiritin meṉkaatemka asamtai tura nekas tsáapniṉkia paant tsáapnirtasa pujakui nu akupkámun ataksháa áateajrume.